Oseo 5:15 - Tosi Tapu

¹⁵ E kau ano loa, e kau toe liliu mai loa ki loku nofoaga, O kaku ki le aso leia e lotou vevete ai loa alatou agasala ti mo afa ai loa oku mata. Ka lotou nofo loa i le mamae, e lotou afa loa au.

Oseo 5:15 ပူးပေါင်းရင်းမြစ်များ

Senesi 42:21

Na lotou fepatiaki loa ia latou : Io, kua soko le mamae leinei kia tatou o tupu ko latatou agasala leia na tou fai ki lotatou taina : Talie na tou tio ki le mamae o lona loto, i lana tagi mai kia tatou ke tou alofa ake kiate ia, kae na leaise tou tokagai a ia !

Lua tosi o Koloniko 7:14

kapau e fakataulalo loa loku kakai leia e too ki ai loku suafa, mo faikole loa, mo afa ia loa oku mata, ti kapau e fakasemala loa a ia mo maliu loa a ia mei ona ala veveli, e kau tali loa a ia mei lagi, e kau fakamolemole loa lana agasala ti e kau fakamauli loa lona fenua.

Sopo 33:27

E sua loa a ia o fakasa ki tagata fuli : Na kau agasala, na kau maumaui le lao, kae na leaise fakatua au o mulimuli ki laku agaveli ;

Pesalemo 107:13

I lolatou mamae, na lotou tagi loa ki le Eteleno, Ti na saofaki loa e ia latou i olatou mamae.

Pesalemo 107:19

I lolatou mamae, na lotou tagi loa ki le Eteleno, Ti na saofaki loa e ia latou i olatou mamae ;

Pesalemo 107:28

I lolatou mamae, na lotou tagi loa ki le Eteleno, Ti na saofaki loa e ia latou i olatou mamae ;

Pesalemo 107:6

I lolatou mamae, na lotou tagi loa ki le Eteleno, Ti na saofaki loa e ia latou i olatou mamae.

Pesalemo 132:14

Ko loku maloloaga a ia o lee gato ; E kau nofo loa i ai, talie na kau oli ki ai.

Pesalemo 50:15

Ti ke ke fetapa mai kiate au i le aso o le mamae ; Ti e kau saofaki loa a koe, ti e ke fakakololia loa kiate au.

Pesalemo 78:34

Ka taai e ia latou ki le mate, na lotou toe afa loa a ia. Na lotou toe liliu loa ki le Atua, o afa lana tokoi ;

Pesalemo 83:16

Tuli latou ki lau afa, Ti fakalulu latou ki lau sasataki !

Taagapati 8:17

E kau alofa kia latou ala e alofa kiate au, Ti e kau maua e latou ala e afa ia au.

Esaia 18:4

Talie na folafola mai le Eteleno kiate au, o pati : E kau tio fakafulufulumalie mei loku nofoaga, I le vevela gigila o le malama, I le aafu o le sasau, i le temi vevela leia e tuuti ai le fulumeto.

Esaia 26:16

Eteleno, na lotou afa a koe, i le aso leia na lotou nofo ai i le mamae ; Na lotou liligi alotou kole, i le aso leia na ke tautea ai latou.

Esaia 26:21

Talie ko leinei, e ulu le Eteleno mei lona nofoaga, Ke tautea le kakai o le malama nei o tupu ko ana agasala ; Ti e fakasa loa e le fenua le toto leia na maligi, Ti e leaise toe fufu loa e ia le kakai leia na tamate.

Esaia 26:9

E oli loku laumalie kiate koe i le pouli, Ti e afa loku loto kiate koe iate au ; Talie ka fai au fakamaau ki le malama nei, E ako e le kakai o le malama nei le faitotonu.

Selemia 2:27

E lotou pati ki le laakau : Ko loku tamana a koe ! Ti ki le fatu : Na ke soli mai kiate au le mauli ! Talie e lotou titua mai kiate au, E leaise lotou agaaga mai kiate au. Ti ka lotou nofo i le malaia, E lotou pati : Tuu ki aluga, o fakamauli matou !

Selemia 3:13

Ke ke vevete fua lau agasala, Ke ke vevete na ke agatuu ki le Eteleno, lou Atua, Na ke mulimuli i atua matapule, I lalo o laakau lalasi fuli, Ti na leaise ke fakalogo ki loku leo, e pati le Eteleno.

Selemia 3:14

Kotou tafoki mai kiate au, fanau agatuu, e pati le Eteleno, Talie ko au ko lokoutou pule. E kau too loa koutou, tasi i se kolo, lua i se famili, Ti e kau toe aumai loa koutou ki Sione.

Tagi laulau a Selemia 3:40

Tou toe afa otou ala, ti tou asiasii latou, Ti tou toe liliu ki le Eteleno.

Esekiele 10:4

Na malaga ake loa le kololia o le Eteleno i aluga o selupino, o ano ki le mua matapa o le fale tapu ; ti na apele loa le fale i le ao, ti na apele loa le malae i le kololia fulumalie o le Eteleno.

Esekiele 11:23

Na malaga ake loa ki aluga le kololia o le Eteleno i le loto kolo, o tuu i le mauga leia i le potu esite o le kolo.

Esekiele 20:43

I ai e kotou manatui loa akoutou agaveveli mo nea fuli ala na kotou fai o koutou kelekele ai ; e kotou fakalialia loa kia koutou totonu, o tupu ko nea fakalialia fuli ala na kotou fai.

Esekiele 36:31

I le aso lena e kotou manatui loa lokoutou mauli leia na veli, mo akoutou gaoi ala na leaise malilie ; ti e kotou fakalialia loa kia koutou totonu, o tupu ko akoutou agaveli mo akoutou aga fakalialia.

Esekiele 6:9

Ko latou ala e sao loa e toe manatu loa kiate au I le lotolotoga o atu puleaga ala e lotou popula ai, Talie e kau fatifatii loa olatou loto sese mo patigataa, Mo olatou mata ala na faiaga ki olatou taulaatua ; E lotou fakalialia loa kia latou totonu, O tupu ko agaveveli ala na lotou fai, O tupu ko alatou aga fakalialia fuli.

Esekiele 8:6

Ti na pati mai loa a ia kiate au : Vosa o le tagata, pe ke tio ki le nea leia e lotou fai, ki nea fakalialia lalasi ala e fai i leinei e le fale o Iselaele, o tupu ke kau fakamamao i loku sagatualio ? Kae e ke tio loa ki ni iki a nea fakalialia lalasi ake.

Oseo 3:5

I le oki o le nea lena, e toe tafoki loa a fanau o Iselaele ; e lotou afa loa le Eteleno, lolatou Atua, ti mo Tavite, lolatou sau ; ti e lotou i loa i mua o le Eteleno mo lona agamalie i temi ki muli.

Oseo 5:6

E lotou ano loa mo alatou ovi ti mo alatou pipi tagata o afa le Eteleno, Kae e leaise lotou maua loa a ia : Kua mavae a ia i loto malie o latou.

Mikea 1:3

Talie ko leinei, e ulu mai le Eteleno mei lona nofoaga, E ifo mai a ia, e saele a ia i potu taualuga o le kele.

Numelo 21:7

Na ano loa le kakai kia Moisese, o pati : Kua motou agasala, talie na motou masau veli ki le Eteleno mo koe. Kole ki le Eteleno, ke fakamamao ia matou a gata anei. Ti na kole loa e Moisese o uiga mo le kakai.

Luka 13:25

Ka tuu loa le pule o le fale, o tapono le matapa, ti ko koutou, ala e tutuu loa i fafo, e fitifiti loa i le matapa, o pati : Aliki, Aliki, fakamavaa mai kia matou ! E tali atu loa a ia kia koutou : E leaise kau iloa pe ko koutou meifea !

Tuifakamaau 4:3

Na maua e Sapini ni saliote ukamea e kau lelau iva, ti na fakamamae lasi ai e ia a fanau a Iselaele i fetuu e kau lua. Ti na tagi loa fanau a Iselaele ki le Eteleno.