Oseo 5:10 - Tosi Tapu

¹⁰ Ko pule o Suta e faipe latou ala e siki ia a fakamailoga o koiga ; E kau liligi loa kia latou loku sausau ofaipe se liua makeke.

Oseo 5:10 ပူးပေါင်းရင်းမြစ်များ

Pesalemo 32:6

Koia ke faikole kiate koe a tagata agatonu fuli i le temi faigamalie ! Kapau e puke ni vai lalasi, e leaise lotou kaku loa kia latou.

Pesalemo 69:24

Ke fakapouli olatou mata ti ke aua na lotou toe tio ! Ke ke peluki tuumau ki lalo olatou tua !

Pesalemo 88:17

Kua kau malemo i ou sausau, Ti kua tapono loku gutu e au nea fakaii.

Taagapati 17:14

Ko le kamata o se fefele, ko le fakamavaa a ia o se kaua e taofi ia le vai ; I mua o le vevela o le fefele, ke ke ano o puli.

Taagapati 22:28

Aua na ke siki le koiga mago, Leia na fakatuu e ou tamana.

Esaia 1:23

Kua agatuu ou pule ti kua lotou kau mo le kau kaia : Kua lotou manako fuli ki nea alofa ti kua lotou makape i muli o fakapale ; E leaise lotou fai le nea e totonu ki le toe sala matua, Ti e lotou fakatulituli ki le tagi a le fafine lokonui.

Esekiele 22:22

Ofaipe le paaga leia e susua loa i le gutuumu, e kotou susua fenaaki loa i loto malie o Selusalemi. Ti e kotou iloa ai loa ko au, le Eteleno, kua kau liligi loku sausau kia koutou.

Esekiele 7:8

I le aso nei e kau liligi loa loku sausau kiate koe, E kau fakavilo loku sausau ke oki kiate koe ; E kau fakamaui loa a koe o mulimuli ki ou ala, E kau fakaamo loa kiate koe au aga fakalialia fuli.

Mateo 7:27

Na to le ua, na tafe a liua, na agi le matagi, o patatu ki le fale lena : Na solo a ia, ti na lasi ai lona maumau.

Luka 6:49

Ka ko leia e logo ki aku folafola, kae leaise fai ia latou, e tatau a ia mo se tagata leia na fakatuu ia se fale i le kele kae e leai sona fakatafito. Na oso makeke loa le vai ki le fale lena, ti na solo aifai a ia. Ti na lasi ai lona maumau.

Tetelonome 19:14

Ke aua na ke fetogi loa a koiga o lou kaiga ala na fakatuu e ou tupuaga, i le tofiga leia e ke maua loa mei le Eteleno i le fenua leia e soli atu loa kiate koe e le Eteleno, lou Atua.

Tetelonome 27:17

Ke malaia le tagata leia e fetogi ia loa a koiga o lona oloi ! Ti e pati loa le kakai katoa : Amene !