Oseo 5:1 - Tosi Tapu

¹ Kotou fakalogo mai ki le nea leinei, kau faisakilifisio ! Tokaga mai, fale o Iselaele ! Fakalogo mai lou taliga, fale o le sau ! Talie ko koutou ala e fai ki ai le fakamaau, Talie na kotou liliu ko se masele i Misipa, Ti ko se kupega na fola i le mauga o Tapole,

Oseo 5:1 ပူးပေါင်းရင်းမြစ်များ

Selemia 11:7

Talie na kau valoki okoutou tamana, Talu mei le aso leia na kau fakamavae ai latou i Esipito O kaku mai ki le aso nei, Na kau valoki latou i usu fuli, o pati : Kotou fakalogo ki loku leo !

Selemia 13:18

Pati ki le sau mo le fafine sau : Kolua tonatona ki le kele ! Talie kua vilo mei okoulua ulu Le pala fakasau leia na teu fakaaliki ia koulua.

Selemia 46:18

E kau mauli ! e pati le sau, Leia e igoa ko le Eteleno o kau tau : Ofaipe le Tapole i loto malie o atu mauga, Ofaipe le Kalemelo leia e oso ki le tai, E au loa le fili.

Oseo 10:15

Ko lena le nea e aumai loa e Petele kia koutou, O tupu ko le lasi o lakoutou agaveli. I le au o le ao, ti e oki ai le sau o Iselaele.

Oseo 13:8

E kau osoi loa latou, ofaipe se uluso fafine leia na too ona uviki, Ti e kau saei loa le kili o lolatou mafu ; E kau kai loa latou, ofaipe se laione fafine ; E sae loa latou e manu o faisaga.

Oseo 4:1

Kotou fakalogo ki le folafola a le Eteleno, fanau o Iselaele ! Talie e fakamaau e le Eteleno le kakai o le fenua, Talie kua puli le maoki, kua puli le manava alofa, Kua puli le iloa o le Atua i le fenua ;

Oseo 6:9

Ko le fakatasi a le kau tagata faisakilifisio e faipe le fakatasi a le kau kaia, Ala e lamalama ia a tagata i tafa o ala, O fai ni tukipo i le ala o Siseme ; Talie e lotou fai a tukipo !

Oseo 9:8

Ko Efalaimi ko se tagata leo ki loku Atua ; Ko le polofeta… ko se kupega a le tagata kapu manulele e tuu i ona ala fuli. Ko se fili i le fale o lona Atua.

Soele 1:2

Kau matua, kotou fakalogo mai ki le nea leinei ! Kotou fakalogo mai okoutou taliga, koutou fuli, ko kakai o le fenua ! Pe kua soko se nea feneeki i lokoutou temi, Pe ko le temi o okoutou tamana ?

Amosi 3:1

Fanau o Iselaele, kotou fakalogo ki le folafola leinei na puaki e le Eteleno kia koutou, Ki le famili katoa leia na kau aumai mei le fenua o Esipito !

Amosi 7:9

E maumaui loa a ganea taualuga o Isaake ; E maumaui loa a sagatualio o Iselaele, Ti e kau tuu loa ki aluga mo le seleta ki le fale o Selopoamo.

Mikea 3:1

E kau pati : Kotou fakalogo, pule o Sakopo, Ti mo aliki o le fale o Iselaele ! Pe leaise ko koutou ala e tonu ke iloa ia le faitotonu ?

Mikea 3:9

Koia, pule o le fale o Sakopo, mo aliki o le fale o Iselaele, Kotou fakalogo malie mai ki le nea leinei, Koutou ala e vesia ki le faitotonu, Ti e pikopikoi ia le nea leia e totonu,

Mikea 7:2

Kua puli le tagata agamalie i le fenua, Ti e leaise koi i ai se tagata agatonu i lotolotoga o tagata ; Kua lotou mumuni fuli o lamalama ke liligi le toto, Kua tasi fai e le tagata se masele ki lona taina.

Malakia 1:6

E fakaapaapa se vosa ki lona tamana, ti mo se tagata fakasausau ki lona pule. Kapau e kau tamana, kofea le fakaapaapa leia e tonu ke fai mai kiate au ? Kapau e kau pule, kofea le i leia e tonu ke maua kiate au ? E pati le Eteleno o kau tau kia koutou, kau faisakilifisio, Ala e fakanoai ia loku suafa, Ti e pati : Kolea le nea leia na motou fakanoai ai lou suafa ?

Malakia 2:1

I le temi nei, kia koutou le fakatotonu leinei, kau pelepitelo !

Tuifakamaau 4:12

Na fakasa loa kia Sisela kua pale Palaki, vosa o Apinoame, ki le mauga o Tapole.

Tuifakamaau 4:6

Na kakau loa e Tepola ke nake kiate ia Palaki, vosa o Apinoame, mei Ketesi-Nefetali, ti na pati loa a ia kiate ia : Ko leinei le fakatotonu kua tuku mai kiate koe e le Eteleno, Atua o Iselaele. Ano ki le mauga o Tapole, o too ni tagata e tino agafulu afe i fanau a Nefetali mo fanau a Sapulone.

Uluaki tosi a Samuele 7:16

Na ano a ia i fetuu fuli o folii a Petele mo Kilikale mo Misipa, ti na fakamaaui e ia a Iselaele i ganea fuli ana.

Uluaki tosi a Samuele 7:5

Na pati loa Samuele : Kotou tanaki a Iselaele katoa ki Misipa, ti e kau faikole loa ki le Eteleno o uiga mo koutou. Ti na lotou fakatasi loa ki Misipa.

Uluaki tosi a Samuele 7:6

Na lotou asu loa se vai o liligi i mua o le Eteleno, ti na lotou sesunio loa i le aso lena, o pati : Kua motou agasala ki le Eteleno ! Na fakamaaui loa e Samuele a fanau a Iselaele i Misipa.