Oseo 4:8 - Tosi Tapu

⁸ E lotou kai a agasala o loku kakai, E lotou oli mamae ai ki ana agaveli.

Oseo 4:8 ပူးပေါင်းရင်းမြစ်များ

Lua tosi o Sau 12:16

Na leaise aumai loa ki le fale o le Eteleno le paaga o sakilifisio ki le agasala ti mo sakilifisio fakamolemole : na tuku le paaga lena ki le kau tagata faisakilifisio.

Pesalemo 24:4

Ko leia e saosaoa ona lima ti e mea lona loto ; Ko leia e leaise tuku ia lona laumalie ki le loi, Ti e leaise fakapapau i le kaka.

Pesalemo 25:1

Pesalemo a Tavite. Eteleno ! E kau siki loku laumalie kiate koe.

Esaia 56:11

Ti ko ni kuli uakai latou ala e leaise toe makokona ; Ko ni tagata tausi manu latou ala e leaise matala ki se nea ; E lotou tasi mulimuli fuli i lona ala, O tasi fai le nea e malie kiate ia, o kaku ki le mulimuli :

Esekiele 14:3

Vosa o le tagata, kua amo e le kau tagata lena olatou taulaatua i olatou loto, ti kua pipiki olatou mata ki le nea leia na fakavilo ia latou ki le veli. Pe e kau tuku loa ke lotou afa mai se nea kiate au ?

Esekiele 14:7

Talie ko tagata fuli o le fale o Iselaele, pe ko ni matapule e nonofo i Iselaele, ala kua fakamamao iate au, ti e amo ia ona taulaatua i lona loto, ti e pipiki ona mata ki le nea leia na fakavilo ia a ia ki lana agaveli, - kapau e au a ia o masau ki le polofeta ke afa e ia loku finegalo kiate ia, - ko au, le Eteleno, e kau tali totonu loa kiate ia.

Oseo 10:13

Na kotou to le veli, na kotou utu le agaveli, Na kotou kai le fua o le loi ; Talie na ke fanaki ki lou ala, Ki le api o au tagata toa.

Oseo 12:8

Ko Efalaimi ko se tagata faikoloa e too ia i lona lima ni fua salasala, Ti e alofa a ia ki le kaka.

Oseo 14:1

Iselaele, toe liliu mai ki le Eteleno, lou Atua, Talie kua ke vilo o tupu ko lau agaveli.

Levitiko 6:22

E kai loa ki ai a fanau tagata fuli o le kau tagata faisakilifisio : ko se nea maokioki lasi a ia.

Mikea 3:11

E fakamaau ona pule ki ni nea alofa, Ona tagata faisakilifisio ki se totogi, Ti e kikite ona polofeta ki se paaga ; Ti e lotou toa i le fanaki ki le Eteleno, o pati : Pe leaise nofo le Eteleno i loto malie o tatou ? E leaise kaku mai loa le malaia kia tatou.

Malakia 1:10

Ko ai leia ia koutou e tapono ia loa a matapa, Ke aua na kotou tutu noa le afi i aluga o loku aletale ? E leaise kau maua fua se fiafia e tasi ia koutou, e pati le Eteleno o kau tau, Ti e leaise malie kiate au a moliga o okoutou lima.

Loma 16:18

Talie e leaise fakasausau a faasiga tagata ana kia Kilisito lotatou Aliki, kae e lotou fakasausau ki olotou manava totonu ; ti i ni masau malulu mo fakalapulapu, e lotou fakasese a loto o latou ala e faigaofie.

Tito 1:11

Ti e tonu ke tapono olatou gutu. E lotou kakai ni famili katoa, o akonaki le nea leia e leaise tonu ke akonaki o tupu ko se totogi fakalumaluma.

Lua tosi a Petelo 2:3

I lolatou manumanu koloa, e lotou faigai loa ke lotou maua meia koutou ni koloa ki ni masau kaka, e latou ana kua tuu fakalogo ki ai se tautea fakaii talu mei fualoa, ti e leaise moe lolatou maumaui.

Uluaki tosi a Samuele 2:29

Kolea e kotou takatakafi ai ki okoutou vae aku sakilifisio mo aku moliga, ala na kau fakatotonu ke fai i loku nofoaga ? Ti kolea e ke fakaapaapa ake ai ki ou vosa iate au, ke kotou fakapepeti ai ki uluaki fua o moliga fuli a Iselaele, loku kakai ?