Oseo 4:7 - Tosi Tapu

⁷ Na lotou liuliuga o toka api, kae na lotou toe asilisili agasala kiate au. Koia e kau fetogi ai loa lolatou kololia ki se luma.

Oseo 4:7 ပူးပေါင်းရင်းမြစ်များ

Esetalasi 9:7

Talu mei aso o omatou tamana kua motou agasala lasi o kaku mai ki le aso leinei. Ti ko amatou agasala ala kua tuku ia matou, mo omatou sau, mo omatou tagata faisakilifisio, ki lima o sau matapule, mo le seleta, mo le popula, mo le maumau, ti mo le luma leia kua ufiufi ia omatou mata i le aso nei.

Oseo 10:1

Ko Iselaele ko se vite fua, Leia na soli ia ni fua lasi ai. Kae na lasi ona fua ; Ti na lasi lana liuliuga a aletale ; Kae na lasi le mou koloa o lona fenua, Ti na lasi lana fakafulumalie a fakatata.

Oseo 10:6

E ave loa le taulaatua ki Asilia, Ke fai ai se moliga ki le sau ko Salepe. E luma loa Efalaimi, Ti e luma loa Iselaele i ana fakatuutuu.

Oseo 13:14

E kau totogi loa latou mei le makeke o le nofoaga o le kau mate, E kau saofaki loa latou mei le mate. Ei mate, kofea au masafu ? Nofoaga o le kau mate, kofea lau pule ki le mate ? Kae kua sola le fakasemala i oku mata !

Oseo 13:6

Na lotou kai makona i ni faisaga sesega ; Na lotou kai makona, ti na makita loa olatou loto i le fia nealasi ; Koia na lotou galoi ai au.

Oseo 4:10

E lotou kai loa kae e leaise lotou makona loa ; E lotou faifeauaki loa, kae e leaise lotou maua loa ni fanau, O tupu na lotou tiaki le Eteleno mo ana folafola.

Oseo 5:1

Kotou fakalogo mai ki le nea leinei, kau faisakilifisio ! Tokaga mai, fale o Iselaele ! Fakalogo mai lou taliga, fale o le sau ! Talie ko koutou ala e fai ki ai le fakamaau, Talie na kotou liliu ko se masele i Misipa, Ti ko se kupega na fola i le mauga o Tapole,

Oseo 6:9

Ko le fakatasi a le kau tagata faisakilifisio e faipe le fakatasi a le kau kaia, Ala e lamalama ia a tagata i tafa o ala, O fai ni tukipo i le ala o Siseme ; Talie e lotou fai a tukipo !

Oseo 9:11

E sola loa le kololia o Efalaimi ofaipe se manu lele : E leaise toe fai loa se fanauga, e leaise toe maua loa se tinae, e leaise toe soko loa se tupu.

Apakuki 2:16

E ke makona loa i le luma o lasi ake i le kololia ; Ke ke inu foki mo koe totonu, ti ke ke nofo telefua ! E maliu loa kiate koe le ipu o le lima atamai o le Eteleno, Ti e fakakelekele loa lou kololia e le luma.

Malakia 2:9

Ti ko au, e kau fakaliliu loa koutou ko ni nea noa mo fakalialia Ki mata o le kakai katoa, Talie na leaise kotou taupau oku ala, Ti na kotou tio ki mata o tagata Mo ka kotou too le lao.

Tetelonome 32:15

Kae na liliu loa Iselaele o peti, ti na tu vae loa a ia. Io, na liliu loa a ia o gako mo makita, ti na tiaki loa e ia le Atua, lona tupuaga. Na vesia loa a ia ki le Utu o lona ulufaga.

Filipe 3:19

Ko lolatou fakaoki ko le pulinoa ; e lotou atua ki olatou manava, ti e lotou fakakololia latou i le nea leia e tonu ke lotou luma ai, talie lotou manatu fai ki nea o le malama nei.

Uluaki tosi a Samuele 2:30

Koia ko leinei le nea leia e fakasa e le Eteleno, le Atua o Iselaele : Na kau fakasa e saele loa lou fale mo le fale o lou tamana i oku mua o lee gato. Kae i le aso nei, e pati le Eteleno : Ke mamao le nea lena iate au ! talie e kau siki loa ki aluga leia e fakaapaapa loa kiate au, kae e kau tuku loa ki lalo leia e nukinuki loa kiate au.