Oseo 4:6 - Tosi Tapu

⁶ Kua maumau loku kakai, talie e puli iate ia loku iloa. O tupu na ke tiaki loku iloa, E kau tiaki loa a koe, ti e too loa iate koe laku tuulaga fakapelepitelo ; O tupu na ke galoi le lao o lou Atua, E kau galoi loa au fanau.

Oseo 4:6 ပူးပေါင်းရင်းမြစ်များ

Lua tosi o Koloniko 15:3

Kua fualoa ai le nofo a Iselaele o mamao mo le Atua maoki, ti na leaise tagata faisakilifisio ke ako ia latou, ti na leaise lao.

Sopo 36:12

Ti kapau e leaise lotou patigaofie, e lotou pupuli loa i le seleta, Ti e lotou mamate loa o tupu ko lolatou fakafefeka.

Pesalemo 119:139

E tutu au e loku oli, Talie kua galo au folafola i oku fili.

Pesalemo 119:153

Tio ki loku mamae, ti ke saofaki au ! Talie e leaise galo fua lau lao iate au.

Pesalemo 119:61

E takatakai au e masele a le kau agaveli ; E leaise kau galoi fua lau lao.

Pesalemo 18:27

Ki leia e mea e ke fakasa lou mea, Ki leia e agatuu e ke fai o mulimuli ki lana agatuu.

Taagapati 10:21

E fagai e laugutu o le tagata agatonu se toka api, Kae ko tagata valelea e mamate o tupu ko lolatou sala atamai.

Taagapati 19:2

E leaise malie le puli o le poto ki se tagata, Ti ko leia e fakatavili ia ona vae e vilo ki le agasala.

Esaia 1:3

E iloa e le pipi lona pule, Ti mo le asino le fale manu o lona pule : Kae e leaise iloa e Iselaele se nea fua e tasi, E leaise maua fua e loku kakai sona ga atamai.

Esaia 17:10

O tupu na ke galoi le Atua o lou fakamauli, Na leaise ke manatui le utu o lou ulufaga. Koia na ke fai ai ni oloto malolo, Ti na ke to ai ni tafito vite matapule.

Esaia 27:11

Ka malo a laa o laakau, e fati latou ; E au a fafine o tutu latou. E maoki ko se kakai sala atamai a ia : Koia na leaise alofa ai kiate ia leia na fakatupu ia a ia, Ti na leaise fakamolemole ai kiate ia leia na fau ia a ia.

Esaia 28:7

Kae ko latou foki, kua lotou sisiga i le vino, Ti kua lotou ninimo o tupu ko kava makeke ; Kua sisiga a tagata faisakilifisio mo polofeta i kava makeke, Kua pule le vino kia latou ; Kua lotou maua ni ninimo o tupu ko kava makeke ; Kua lotou sisiga i le faikikite, Kua lotou matuletule i le fai fakamaau.

Esaia 29:12

Pe se tosi leia kua soli ki se tagata leia e leaise poto i le lautosi, o pati kiate ia : Lau le nea lena ! Kae e tali a ia : E leaise kau poto i le lautosi.

Esaia 3:12

Kua fakamakekei loku kakai e ni toe, Ti kua pule ni fafine kiate ia. Ei loku kakai ! kua fakasese a koe e latou ala e taki ia a koe, Ti kua lotou fakaliliu o fakalialia le ala leia e ke saele ai.

Esaia 45:20

Kotou fakatasi ti kotou au, kotou fakafeofi fakatasi mai, Koutou ala na sao i atu puleaga ! E leaise lotou maua ia se atamai, latou ala e amo ia olatou taulaatua laakau, Ala e faikole ki se atua leia e leaise mafai ke fakamauli ia latou.

Esaia 5:13

Koia e ave fakapunamauli loa loku kakai o fakapopula : E mamate loa ona kau lalasi i le fia kai, Ti e mamate loa lona kakai toka api i le fia inu.

Selemia 2:8

Na leaise pati a tagata faisakilifisio : Kofea le Eteleno ? Ko latou ala na maua ia le lao na leaise iloa ia au, Na leaise agatonu le kau tausi ovi kiate au, Na faikikite le kau polofeta i le igoa o Paale, Ti na lotou mulimuli ia latou ala e leaise mafai ke tokoi kia latou.

Selemia 4:22

Kua valea maoki loku kakai, e leaise iloa e ia au ; Ko ni fanau valelea mo sala atamai latou ; E lotou popoto i le fai o le veli, Kae e leaise lotou iloa le fai o le malie.

Selemia 5:21

Kotou fakalogo mai ki le nea leinei, kakai valea, kakai leia e leai sona mafu ! E lotou maua ni mata kae e leaise lotou tio fua, E lotou maua ni taliga kae e leaise lotou logo fua.

Esekiele 44:23

E lotou ako loa loku kakai ke poto i le fakakesekese o le nea leia e maokioki mo le nea leia e fakamalama, ti e lotou fakasa loa ki le kakai le nea leia e mea mo le nea leia e kelekele.

Oseo 13:6

Na lotou kai makona i ni faisaga sesega ; Na lotou kai makona, ti na makita loa olatou loto i le fia nealasi ; Koia na lotou galoi ai au.

Oseo 2:13

E kau fakagato loa lona fiafia katoa, mo ona aso lalasi, mo ona masina foou, mo ona sapato, ti mo ona katoaga fakaalialiki fuli.

Oseo 4:1

Kotou fakalogo ki le folafola a le Eteleno, fanau o Iselaele ! Talie e fakamaau e le Eteleno le kakai o le fenua, Talie kua puli le maoki, kua puli le manava alofa, Kua puli le iloa o le Atua i le fenua ;

Oseo 4:12

E afa e loku kakai ki lona taulaatua ; Ti ko lana potu laakau leia e tali kiate ia ; Talie e fakasese le laumalie o le faifeauaki, Ti e fakamamao e ia latou i lolatou Atua.

Oseo 4:14

E leaise kau fakatua loa okoutou taineliki i lalatou faifeauaki, Ti mo okoutou fugao talie e lotou tono tagata ; Talie ko latou totonu e ano ki potu lavaki mo ni fafine faiaga, Ti e lotou kai mo fafine faifeauaki a sakilifisio o okoutou fale tapu. E makape le kakai valea ki lona puli.

Oseo 5:4

Ko alatou gaoi e leaise fakataga ia kia latou ke toe liliu ki le Atua, Talie e nofo le laumalie o le faiaga i loto malie o latou, Talie e leaise lotou iloa le Eteleno.

Oseo 6:6

Talie e kau alofa ki le manava alofa kae leai ki sakilifisio, Ti mo le iloa o le Atua o lasi ake i failaulau.

Oseo 7:11

E fai Efalaimi pe se lupe valea, sala atamai ; E lotou kole tokoi ki Esipito, e lotou ano ki Asilia.

Oseo 7:9

Kua kai lona makeke e ni kau matapule, Kae e leaise iloa e ia ; Kua maua a ia e le matua, Kae e leaise iloa e ia.

Oseo 8:1

Fakatuu le fakatagi pupusi ki lou gutu ! E oso le fili ofaipe se akuila ki le fale o le Eteleno, O tupu na lotou maumaui laku sai, Ti na lotou patigataa ki laku lao.

Oseo 8:12

E kau pakia i le tosi o fakatotonu fuli o laku lao kiate ia, E leaise tokaga fua a ia ki se nea e tasi.

Oseo 8:14

Talie kua galoi e Iselaele leia na fakatupu ia a ia, Ti na fakatuu e ia ni fale sau, Ti na liuliuga e Suta a kolo tau ; Kae e kau kakau loa le afi ki olatou kolo, Ti e tutu loa e ia olatou fale sau.

Oseo 9:17

E tiaki loa latou e loku Atua, o tupu na leaise lotou fakalogo kiate ia, Ti e lotou foli noa loa i atu puleaga.

Mateo 1:6

ko Opeto na tupu ai Isaia ; ko Isaia na tupu ai Tavite. Ko le sau ko Tavite na tupu ai Salomone ki le avaga o Ulio ;

Mateo 15:14

Tuku noa latou : Ko ni kivi latou ala e taki ia ni kivi ; kapau e taki e se kivi se tasi a kivi, e la vivilo toka lua loa ki se popoko.

Mateo 15:8

E fakaapaapa le kakai nei kiate au i olatou laugutu, Kae e mamao olatou loto iate au.

Uluaki tosi a Samuele 2:12

Ko vosa o Eli ko ni tagata agaveveli, na leaise la iloa le Eteleno.