Oseo 4:5 - Tosi Tapu

⁵ E ke siga loa i le ao, E siga loa le polofeta mo koe i le pouli, Ti e kau maumaui loa lou tinana.

Oseo 4:5 ပူးပေါင်းရင်းမြစ်များ

Esaia 50:1

Ko leinei le folafola a le Eteleno : Kofea le tosi mavete leia na kau fakafiti ai ki lokoutou tinana ? Pe ko ai ia latou ala na kau tuu maua ki ai na kau fakatau koutou ki ai ? Ko leinei, na fakatau koutou o tupu ko akoutou agaveli. Ti na kapu lokoutou tinana o tupu ko akoutou agasala.

Selemia 15:8

Kua lasi ake ona lokonui i fiti o le one o le tai ; E kau aumai kia latou, ki le tinana o le tagata tupulaga, Le tagata maumau i le lalatea totonu ; E kau fakavilo fakafokifa kiate ia le i mo le lulu.

Selemia 23:9

Ki le kau polofeta. Kua fatifati loku loto iate au, Ti kua lulu oku ivi fuli. Kua kau faipe se tagata kona, Pe se tagata kua kona i se vino, O tupu ko le Eteleno, o tupu ko ana folafola maokioki.

Selemia 50:12

Kae ko leinei, e apele lokoutou tinana i le luma, E nofo i le luma leia na fanaui ia koutou ; E liliu a ia ko le mulimuli o atu puleaga, ko se toafa, ko se kele malo mo kaka.

Esekiele 14:3

Vosa o le tagata, kua amo e le kau tagata lena olatou taulaatua i olatou loto, ti kua pipiki olatou mata ki le nea leia na fakavilo ia latou ki le veli. Pe e kau tuku loa ke lotou afa mai se nea kiate au ?

Oseo 2:2

E fakatasi loa fanau o Suta mo fanau o Iselaele, ti e lotou filifili loa se pule kia latou, ti e lotou mavae loa i le fenua ; talie e fakaii loa le aso o Siseleele.

Oseo 2:5

Talie ka leai, e kau fakatelefua loa a ia, ti e kau tuku loa a ia pe le aso leia na fanaui ai a ia, ti e kau fakaliliu loa a ia o tatau mo se toafa, mo se kele kaka, ti e kau tuku loa a ia ke mate i le fia inu.

Oseo 5:5

Ko le fia nealasi o Iselaele e fakamaoki kiate ia ; Ko Iselaele mo Efalaimi e vivilo loa i ala agasala totonu ; Ti ko Suta e vilo loa mo laua.

Sakalia 11:8

Na kau kapu loa a tagata tausi ovi e toka tolu i le masina e tasi. Ti na oki a ia, na oki loa le kataki o loku loto kia latou, ti na toe vesia foki olatou loto kiate au.

Sakalia 13:2

I le aso lena, e pati le Eteleno o kau tau : E kau tuuti loa i le fenua a igoa o taulaatua, O tupu ke aua na toe manatu kia latou ; E kau too loa i le fenua le kau polofeta loi mo le laumalie fakakelekele.

Kalate 4:26

Kae ko le Selusalemi mei aluga e lauatea, ko lotatou tinana a ia ;