Oseo 4:4 - Tosi Tapu

⁴ Kae ke aua na tuku loa le veli ki se tasi, ke aua na valoki loa se tasi ake ; Talie e kau fai le fakamaau mo koe, leia ko le pule faisakilifisio.

Oseo 4:4 ပူးပေါင်းရင်းမြစ်များ

Selemia 18:18

Ti na lotou pati : Kotou au, tou fonofono kia Selemia ! Talie e leaise puli loa le lao mo kapau e leaise maua ni tagata faisakilifisio, Pe ko le tokoi, mo kapau e leaise maua ni kau poto, Pe ko le folafola, mo kapau e leaise maua ni kau polofeta. Kotou au, tou tamate a ia ki le alelo ! Aua na tou tokaga ki ana masau !

Esekiele 3:26

E kau fakapipiki loa lou alelo ki lou kaugutu, o tupu ke ke gutu mate, ti ke aua na ke valoki latou, talie ko se famili latou o ni kakai agatuu.

Oseo 4:17

Kua pipiki Efalaimi ki taulaatua : Tuku ai a ia.

Amosi 5:10

I le fakamaauaga e lotou vesia ki leia e mulimuli ki le faitotonu, Ti e lotou vesia ki le tagata fakamaoki leia e fakasa ia le maoki.

Amosi 5:13

Koia leia kua fakaleemu ai le tagata poto, i ni temi ofaipe temi nei, Talie kua veveli a temi nei.

Amosi 6:10

Ka too loa e se tasi o le famili se mate o tutu, Ti ka too loa e ia i le fale ona ivi, E pati loa a ia ki leia e nofo i muli o le fale : Pe koi toe se tasi mo koe ? Ti e tali loa le tagata lena : E leai se tasi… Ti e pati loa leia ake : fakaleemu ! E leaise ko le temi leinei ke too ai le suafa o le Eteleno.

Tetelonome 17:12

Ko leia e matasoka loa, o leaise fakalogo ki le tagata faisakilifisio leia na fakanofo i le sagatualio ke tausi ki le Eteleno, lou Atua, pe ki le tui fakamaau, e tamate loa. E ke too loa i ai le veli i loto malie o Iselaele.