Oseo 4:18 - Tosi Tapu

¹⁸ Kua lotou mumui o inu kava, Kua lotou faiaga tuumau ; Kua manako olatou pule ki le luma.

Oseo 4:18 ပူးပေါင်းရင်းမြစ်များ

Senesi 38:24

Na sili loa ki ai ni masina e tolu, ti na fakasa loa kia Suta : Kua faiaga lou fugao ko Tamale, ti ko leinei kua tinae a ia i lana faiaga. Ti na pati loa Suta : Kotou aumai a ia ke tutu mauli !

Pesalemo 47:9

E pule le Atua i atu puleaga, E eke le Atua i lona ekeekeaga fakasau maokioki.

Ekesote 23:8

Aua na ke tali loa se nea alofa leia e soli atu kiate koe, talie e fakakivi e le nea alofa a mata o latou ala e alaala, ti e lotou fakakelekele ia a masau a latou ala e faitotonu.

Selemia 2:21

Na kau to a koe ofaipe se vite malie, Leia na to ki se pulapula malie tukupau. Kolea na ke fetogi ai, Na ke liliu ai o veli ofaipe se vite matapule ?

Esekiele 16:15

Kae na ke fanaki loa ki lou fulumalie, ti na ke fakaaoga loa lou logologona, o faiaga ; na ke faiaga loa mo latou fuli ala na fakalaka i ou tafa, ti na ke soli a koe kia latou.

Oseo 4:10

E lotou kai loa kae e leaise lotou makona loa ; E lotou faifeauaki loa, kae e leaise lotou maua loa ni fanau, O tupu na lotou tiaki le Eteleno mo ana folafola.

Oseo 4:2

Kae ko lauveli, mo loi, mo tukipo, mo kaia, mo tono ; Kua masani le fakamakeke, kua sosolo le tukipo.

Oseo 9:10

Na kau maua Iselaele ofaipe ni fuai vite i le toafa, Na kau tio ki okoutou tamana ofaipe uluaki fua o se fiki ; Kae na lotou ano kia Paale-Peoli, Na lotou fakatapu latou ki le taulaatua fakalialia, Ti na lotou liliu o fakalialia ofaipe le nea leia na lotou alofa ki ai.

Amosi 5:12

Talie, e kau iloa, e lasi akoutou agaveli, Kua liuliuga akoutou agasala ; E kotou fakamamae le tagata agatonu, e kotou tali ni nea alofa, Ti e leaise kotou fakamaau le kau mativa i le faitotonu.

Mikea 3:11

E fakamaau ona pule ki ni nea alofa, Ona tagata faisakilifisio ki se totogi, Ti e kikite ona polofeta ki se paaga ; Ti e lotou toa i le fanaki ki le Eteleno, o pati : Pe leaise nofo le Eteleno i loto malie o tatou ? E leaise kaku mai loa le malaia kia tatou.

Mikea 7:3

Kua poto olatou lima i le fai o le veli : Kua fakamakeke e le aliki ni nea alofa, Kua fakamaua e le tui fakamaau se totogi, Kua fakasa e le tagata lasi lona manumanu, Ti kua lotou kau fakatasi fuli latou ana.

Tetelonome 16:19

Ke aua na ke fakasala ia loa le fakamaau, ke aua na ke tio loa ki le tagata, ti ke aua na ke tali loa se moliga, talie e fakakivi e moliga a mata o le kau poto ti e lotou fakasalasala ia loa a masau a le kau agatonu.

Uluaki tosi a Samuele 8:3

Na leaise saele loa a vosa o Samuele i ona ala ; na la manumanu koloa loa, o la tali loa ni nea alofa ti na la maumaui loa le faitotonu.