Oseo 4:16 - Tosi Tapu

¹⁶ O tupu kua agatuu Iselaele ofaipe se pipi fafine muli leia e leaise mafai ke fakalalata, I le lakaga nei e fagai loa a ia e le Eteleno Ofaipe se akeno i ni faisaga lalasi.

Oseo 4:16 ပူးပေါင်းရင်းမြစ်များ

Pesalemo 78:8

O tupu ke aua na lotou faipe olatou tamana, Se lanu patigataa mo agatuu, Se lanu leia na leaise tuu mau lona loto, Ti na leaise agatonu lona laumalie ki le Atua.

Esaia 22:18

E tekai loa e ia a koe, io, e tekai loa e ia a koe ofaipe se fa fitipolo Ki se kele lau lasi. I lena e ke mate ai loa, i lena e tuku ai loa au saliote fulumalilie, A koe ko le lumaaga o le fale o lou pule !

Esaia 30:23

Ti e fakato loa e le Eteleno le ua ki le pulapula leia na ke tuku ki le kele, Ti e lasi loa mo kano malie le pane leia e soli loa e le kele ; Ti e kai loa au kau manu i ni faisaga mutie lalasi, i le temi lena.

Esaia 5:17

E kai loa ni kau ovi ofaipe i lolatou faisaga, Ti e kai loa e ni kau matapule a koloa i fale maumau o le kau mou koloa.

Selemia 14:7

Kapau kua fakamaoki amatou agaveli kia matou, Kae ko koe, ei Eteleno, gaoi o tupu ko lou suafa ! Talie kua lasi amatou agatuu, Kua motou agasala kiate koe.

Selemia 3:11

E pati mai le Eteleno kiate au : E mata mea le fafine agatuu ko Iselaele Moka fakatatau ki le fafine kaka ko Suta.

Selemia 3:6

Na pati mai loa le le Eteleno kiate au, i le temi o le sau ko Sosiasi : Pe kua ke tio ki le nea leia kua fai e le fafine agatuu ko Iselaele ? Kua ano a ia ki mauga taualuga fuli ti mo lalo o laakau lalasi fuli, ti kua faiaga a ia i ai.

Selemia 3:8

Logo ai na kau kapu le fafine agatuu ko Iselaele, o tupu ko ana faiaga fuli, ti na kau soli kiate ia lona tosi mavete, na kau tio na leaise maua fuai e lona taina kaka ko Suta se i, kae na toe ano foki mo ia, o toe faiaga.

Selemia 31:18

E kau logo ki le tagi laulau a Efalaimi : Na ke tautea au, ti na tautea au Ofaipe se uviki pipi leia na leaise ako ke lalata ; Fai ke kau toe liliu, ti e kau toe liliu loa, Talie ko koe ko le Eteleno, loku Atua.

Selemia 5:6

Koia e tamate ai latou e le laione o le vao, E maumaui ai latou e le lupo o le toafa, E lamalama ai latou e le taika i mua o olatou kolo ; Ko latou fuli ala e mavae loa i kolo e sae loa ; Talie kua lasi ai alatou agasala, ti kua liuliuga ai alatou agatuu.

Selemia 7:24

Kae na leaise lotou fakalogo, Na leaise lotou fakatokaga fua olatou taliga ; Na lotou mulimuli ki tokoi mo oli o lolatou loto veli, Ti na lotou liliu ki muli kae na leaise lotou ano ki mua.

Selemia 8:5

Ti kolea e sese tuumau ai le kakai leinei o Selusalemi ? E lotou tuu makeke i le kaka, E lotou fakafiti ke tafoki.

Oseo 10:11

Ko Efalaimi ko se uviki pipi fafine na fakalalata, kae e oli ke takatakafi ia le fulumeto, Kae e kau fakafeofi loa ki lona ua fulumalie ; E kau sai loa le saliote kia Efalaimi, e fakamaluu loa e Suta le kele, e fakatokatoka loa e Sakopo le kele.

Oseo 11:6

E oso loa le seleta ki olatou kolo, E tamate loa a ia, e kai e ia olatou fanakiaga, O tupu ko fakatuutuu ala na lotou fai.

Oseo 11:7

E pipiki loku kakai ke fakamamao iate au ; E toe fakamanatu kia latou le Taualuga, Kae e leaise tasi fua ia latou e fakavikiviki kiate ia.

Levitiko 26:33

E kau lagai loa se tau kia koutou ti e kau fakamavetevete loa koutou i atu puleaga : e maumaui loa lokoutou fenua, ti e lavaki loa okoutou kolo.

Sakalia 7:11

Kae na lotou patigataa o leaise lotou fakalogo, ti na lotou titua o tapono olatou taliga ke aua na lotou logo.

Uluaki tosi a Samuele 15:11

Kua kau fakasemala i laku fakanofo Saulo ke sau, talie kua maliu kese a ia iate au ti e leaise tausi e ia aku folafola. Na mamae ai a Samuele, ti na tagi loa a ia ki le Eteleno i le po katoa.