Oseo 4:13 - Tosi Tapu

¹³ Kua lotou fai ni failaulau i tumutumu o mauga, Kua lotou tutu le iseso i aluga o mauga liliki, I lalo o laakau lalasi, mo sene, mo popelie, mo telepate, Ala e malie olatou malu. Koia leia e faifeauaki ai okoutou taineliki, Ti e tono tagata okoutou fugao.

Oseo 4:13 ပူးပေါင်းရင်းမြစ်များ

Lua tosi o Sau 17:7

Na soko loa le nea lena o tupu na agasala aifai a fanau a Iselaele ki le Eteleno, lolatou Atua, leia na fakamavae ia latou mei le fenua o Esipito, mei le lima o Falaone, sau o Esipito, ti toe tupu na lotou tausi ki ni atua kese.

Lua tosi o Sau 23:7

Na soloi loa e ia a fale o le kau faiaga ala na tuu i le fale o le Eteleno, ala na tui ai e fafine ni falela kia Asetalate.

Esaia 1:29

E kotou luma loa o tupu ko laakau ala na kotou tui ki ai, Ti e kotou luma loa o tupu ko oloto ala na fai ia okoutou fiafiaaga ;

Esaia 57:5

Ala e faiaga i tafa o ni laakau lalasi, I lalo o laakau sesega fuli, Ala e tamate ia ni toe i vaivailiua, I lalo o mafaa o utu ?

Esaia 57:7

E ke teuteu lou moeaga i se mauga taualuga, Ti e ke pale foki ki ai o momoli au failaulau.

Selemia 2:20

Kua fualoa ai lau fatii lau amoga, Lau motusi ou sai, Ti na ke pati : E leaise koi kau loto ke kau popula ! Kae i atu mauga liliki taualuga fuli, Ti mo lalo o laakau lalasi fuli, Kua ke punou ofaipe se fafine faiaga.

Selemia 3:13

Ke ke vevete fua lau agasala, Ke ke vevete na ke agatuu ki le Eteleno, lou Atua, Na ke mulimuli i atua matapule, I lalo o laakau lalasi fuli, Ti na leaise ke fakalogo ki loku leo, e pati le Eteleno.

Selemia 3:6

Na pati mai loa le le Eteleno kiate au, i le temi o le sau ko Sosiasi : Pe kua ke tio ki le nea leia kua fai e le fafine agatuu ko Iselaele ? Kua ano a ia ki mauga taualuga fuli ti mo lalo o laakau lalasi fuli, ti kua faiaga a ia i ai.

Selemia 44:8

Kolea e kotou fakatupu ai loku sausau ki gaoiaga o okoutou lima, o kotou momoli le iseso ki ni iki ake atua kese i le fenua o Esipito, leia kua kotou ano o nonofo i ai, ke tupu ai lokoutou mamate ti ke kotou liliu ai ko se nea fakatupu lauveli mo fakalumaluma i puleaga fuli o le kele ?

Esekiele 16:16

Na ke too loa ni teu i ou teu ala na lanu kesekese, o ke teu loa ki ai a ganea taualuga ala na ke faiaga ai : na leikiaise fai le nea aia, ti e leaise toe soko loa a ia.

Esekiele 16:25

Na ke fakatuu ou ganea taualuga i uluaga o ala fuli, ti na ke maumaui lou fulumalie, ti na ke soli a koe kia latou fuli ala na fakalaka i ou tafa, ti na ke liuliuga au faiaga.

Esekiele 6:13

Ti e kotou iloa loa ko au ko le Eteleno, Mo ka e lotou tio loa ki olatou mate kua laku i mua o olatou taulaatua, I tafatafa o olatou aletale, I aluga o ganea taualuga fuli, i tumutumu fuli o mauga, I lalo o laakau sesega fuli, i lalo o sene fuli e laulau, I ganea ala na lotou momoli ai ni kaloni manogi Ki olatou taulaatua fuli.

Oseo 10:8

Ko ganea tapu o Pete-Aveni, ala na agasala ai Iselaele, e maumaui loa ; E sosomo loa le vao talatala mo le vao sukisuki i olatou aletale. E lotou pati loa ki mauga : Kotou uufi matou ! Ki mauga liliki : Kotou sosolo mai kia matou !

Oseo 11:2

Kae na lotou fakamamao ia latou ala na kalagai ia latou ; Na lotou fai ni sakilifisio kia Paale, Ti na lotou momoli se iseso ki taulaatua.

Oseo 2:13

E kau fakagato loa lona fiafia katoa, mo ona aso lalasi, mo ona masina foou, mo ona sapato, ti mo ona katoaga fakaalialiki fuli.

Amosi 7:17

O tupu ko le nea lena, ko leinei le nea leia e fakasa e le Eteleno : E faiaga loa lou avaga i le kolo, ti e mamate loa ou vosa mo ou taineliki i le seleta, ti e vaevae loa lau faisaga ki le meta, ti ko koe, e ke mate loa i se kele pagani, ti e ave loa Iselaele o fakapopula o mamao mei lona fenua.