Oseo 4:12 - Tosi Tapu

¹² E afa e loku kakai ki lona taulaatua ; Ti ko lana potu laakau leia e tali kiate ia ; Talie e fakasese le laumalie o le faifeauaki, Ti e fakamamao e ia latou i lolatou Atua.

Oseo 4:12 ပူးပေါင်းရင်းမြစ်များ

Lua tosi o Sau 17:7

Na soko loa le nea lena o tupu na agasala aifai a fanau a Iselaele ki le Eteleno, lolatou Atua, leia na fakamavae ia latou mei le fenua o Esipito, mei le lima o Falaone, sau o Esipito, ti toe tupu na lotou tausi ki ni atua kese.

Lua tosi o Koloniko 21:13

kae na ke saele i le ala o sau o Iselaele, o tupu na ke taki le kakai o Suta mo le kakai o Selusalemi ke fai feauaki ki taulaatua, ofaipe le nea leia na fai e le famili o Akapo ki Iselaele, o tupu na ke tamate ou fetaina, ala na malilie ake iate koe, le fale totonu o lou tamana,

Pesalemo 106:39

Na lotou fakakelekele loa latou ki alatou gaoi, Na lotou faiaga loa ki alotou gaoiaga.

Pesalemo 73:27

Talie ko leinei, ko latou ala e fakamamao iate koe e mamate ; E ke maumaui latou fuli ala na vesia kiate koe.

Selemia 10:8

Ko latou fuli fakatasi, e lotou sala atamai mo valelea ; E leaise uiga lolatou poto, ko se laakau a ia !

Selemia 2:27

E lotou pati ki le laakau : Ko loku tamana a koe ! Ti ki le fatu : Na ke soli mai kiate au le mauli ! Talie e lotou titua mai kiate au, E leaise lotou agaaga mai kiate au. Ti ka lotou nofo i le malaia, E lotou pati : Tuu ki aluga, o fakamauli matou !

Selemia 23:13

Kua kau tio ki le fakavalevale i le kau polofeta o Samalia ; Kua lotou kikite i le igoa o Paale, Kua lotou fakasese loku kakai ko Iselaele.

Esekiele 20:32

E leaise kotou tio loa ki le fai o le nea leia e kotou manatu ki ai, mo ka e kotou pati : E motou loto ke motou tatau mo la ake puleaga, mo famili o la ake fenua, ti e motou loto ke motou tausi ki le laakau mo le fatu.

Esekiele 21:21

Ta ki le fetuu atamai, Ta ki le fetuu sema, Seleta matakakai, Maliu saele lou tumutumu ki potu fuli !

Oseo 14:3

E leaise fakamauli loa matou e le tagata Asilia, e leaise motou eke loa i ni osi, Ti e leaise motou toe pati loa ki le gaoiaga o omatou lima : Lomatou Atua ! Talie ko ou tafa a la e maua ai e le toe sala matua le manava alofa.

Oseo 5:4

Ko alatou gaoi e leaise fakataga ia kia latou ke toe liliu ki le Atua, Talie e nofo le laumalie o le faiaga i loto malie o latou, Talie e leaise lotou iloa le Eteleno.

Oseo 6:10

Kua kau tio ki ni nea fakalialia i le fale o Iselaele : I ai e faiaga Efalaimi, e fakakelekele Iselaele.

Oseo 9:1

Iselaele, aua na ke tuku a koe ki le fiafia, ki nekenekea, ofaipe la ake kakai. Talie kua ke tiaki le Eteleno i lau faiaga ; T alie kua ke alofa ki se totogi kelekele i ganea fuli ala e sasa ai le fulumeto !

Levitiko 17:7

E leaise lotou toe momoli loa alatou sakilifisio ki ni temonio (ala e fakatata e ni koti tagata), ala e lotou tono ki ai. E tuku loa le lekula lena kia latou mo olatou sakoga o lee gato.

Levitiko 20:5

E kau fulusi loa, e au, oku mata ki le tagata lena mo lona famili, ti e kau tuuti loa a ia mei lona kakai, mo latou fuli ala na kau mo ia ki le tausi fakalialia kia Moloke.

Mikea 2:11

Kapau e makape se tagata i muli o le matagi ti e fai ia ni loi : E kau fai loa ni kikite kiate koe o uiga mo le vino, mo kava makeke ! Ko lena loa se polofeta ki le kakai lena.

Apakuki 2:19

Malaia ki leia e pati ki le laakau : Tuu ki aluga ! Ki se fa fatu gutu mate : Alaala ! Pe fakasa loa e ia se nea ? Ko leinei, e teuteui a ia ki le aulo mo le siliva, Kae e leaise maua iate ia se laumalie leia e fakamauli ia a ia.

Numelo 15:39

Ka kotou maua loa le ga kie lena i le kapa o okoutou kofu, e kotou tio loa ki ai ti e kotou manatui loa a folafola fuli a le Eteleno ke kotou fai latou, ti e leaise kotou mulimuli loa ki oli o okoutou loto mo okoutou mata ala e ave ia loa koutou ki tausi fakapagani.

Tetelonome 31:16

Na pati loa le Eteleno kia Moisese : ko leinei ka ke mate loa. Ti ko le kakai leinei e malaga ake loa ki aluga o faiaga mo atua kese o le fenua leia ka ulu loa a ia ki ai. E tiaki loa e ia au ti e maumaui loa e ia laku sai, leia na kau fakamaoki mo ia.

Tuifakamaau 18:5

Ti na lotou pati loa kiate ia : Afa ki le Atua, ke motou iloa pe manuia loa le fanoga leia e motou lolotoga fai pe leai.