Oseo 4:10 - Tosi Tapu

¹⁰ E lotou kai loa kae e leaise lotou makona loa ; E lotou faifeauaki loa, kae e leaise lotou maua loa ni fanau, O tupu na lotou tiaki le Eteleno mo ana folafola.

Oseo 4:10 ပူးပေါင်းရင်းမြစ်များ

Lua tosi o Koloniko 24:17

I le oki o le mate o Seosata, na au loa le kau pule o Suta o punou i mua o le sau ko Soasi. Ti na fakalogo loa le sau kia latou.

Pesalemo 125:5

Kae ko latou ala e saele i ala pikopiko, Ke maumaui latou e le Eteleno o fakatasi mo latou ala e fai ia le veli ! Ke nofo le tokamalie i Iselaele !

Pesalemo 36:3

Talie e fanaki valea a ia kiate ia totonu, Ke fagai ai lona agaveli Ke fakamakona ai lona vesia.

Taagapati 13:25

E kai le tagata agatonu o makona, Kae e pakupaku le manava o le kau agaveli.

Selemia 34:15

Kae ko koutou, kua kotou toe maliu mai, o fai le nea leia e totonu ki oku mata, o kotou tuku okoutou fetaina ke lauatea, ti kua kotou fai se fakapapau i oku mua, i le fale leia e kalagai ai loku suafa.

Selemia 9:12

Kofea le tagata poto leia e matala ki nea anei ? Ke fakasa e ia a ia, e leia na masau ki ai le gutu o le Eteleno ! Kolea kua maumau ai le fenua, Kua vela ai ofaipe se toafa leia e leaise fakalaka ai se tasi ?

Esekiele 18:24

Kapau e maliu le tagata agatonu i lona agatonu o fai le agasala, ti kapau e fai e ia a nea fakalialia fuli a le tagata agasala, pe mauli loa a ia ? Leai, e galoi loa lona faitotonu katoa, talie na fai e ia le agaveli mo le agasala ; ti e mate loa a ia, o tupu ko le nea lena.

Esekiele 22:9

Kua maua iate koe ni kau tagata ala e fakatupu ia ni loi ke liligi ai le toto ; ti kua maua iate koe latou ala e kai i aluga o mauga ; ti kua fai ni tukipo i loto malie o ou.

Oseo 4:14

E leaise kau fakatua loa okoutou taineliki i lalatou faifeauaki, Ti mo okoutou fugao talie e lotou tono tagata ; Talie ko latou totonu e ano ki potu lavaki mo ni fafine faiaga, Ti e lotou kai mo fafine faifeauaki a sakilifisio o okoutou fale tapu. E makape le kakai valea ki lona puli.

Oseo 7:4

Ko latou fuli ko ni kau faiaga, Tatau mo se gutuumu na fakakaka e le tagata tao pane : E leaise koi sokosoko e ia le afi Mei le lusi o le falina o kaku ki lona tupu.

Levitiko 26:26

E kau fakamativa loa koutou i le pane ; ko fafine e kau agafulu e tao ia loa lakoutou pane i se gutuumu e tasi, ti e lotou aumai loa kia koutou se ga nea noa fua ke kotou kai, kae e leaise lelu ai lokoutou fia kai.

Mikea 6:14

E ke kai loa kae e leaise ke makona loa, Ti e nofo loa le fia kai iate koe ; E ke tanaki loa kae e leaise ke saofaki loa, Ti ko le nea leia e ke saofaki loa, E kau tuku loa a ia ki le seleta.

Sofoni 1:6

Mo latou ala na maliu kese i le Eteleno, Ti mo latou ala e leaise afa ia le Eteleno, Latou ala e leaise afa ia lona finegalo.

Akeseo 1:6

Kua lasi lakoutou muluki, kae kotou utu ikiiki, E kotou kai, kae e leaise kotou makokona, E kotou inu, kae e leaise kotou mau, E kotou kofu, kae e leaise kotou mafana, Ko le totogi o leia e gaoi paaga, E vilo ki se taga pu.