Oseo 3:5 - Tosi Tapu

⁵ I le oki o le nea lena, e toe tafoki loa a fanau o Iselaele ; e lotou afa loa le Eteleno, lolatou Atua, ti mo Tavite, lolatou sau ; ti e lotou i loa i mua o le Eteleno mo lona agamalie i temi ki muli.

Oseo 3:5 ပူးပေါင်းရင်းမြစ်များ

Uluaki tosi o Sau 12:16

I le tio loa a le kakai o Iselaele katoa na leaise fakalogo ake loa le sau kia latou, na lotou tali loa ki le sau : Kolea leia e tou fakatasi ai mo Tavite ? E leai fua sotatou tofiga mo le vosa o Isaia ! Ki ou falela, Iselaele ! I le lakaga nei, ke ke fagai lou fale Tavite ! Ti na toe liliu loa Iselaele ki ona falela.

Esaia 17:7

I le aso lena, e tagaki loa le tagata ki lona Atua, lona tupuaga, Ti e maliu loa ona mata ki le Maokioki o Iselaele.

Esaia 2:2

E soko loa, i aso fakamuli, E fakatuu loa le mauga o le fale o le Eteleno I le tumutumu o mauga, Ti e malaga loa a ia i aluga o mauga liliki, Ti e tau mai loa ki ai a atu puleaga fuli.

Esaia 2:3

E ano loa ki ai ni kakai toka api ti e lotou pati loa : Kotou au, ti ke tou pale fakatasi ki le mauga o le Eteleno, Ki le fale o le Atua o Sakopo, O tupu ke ako mai e ia kia tatou ona ala, Ti ke tou saele i ona ala liliki. Talie e au loa mei Sione le Lao, Ti mei Selusalemi le folafola a le Eteleno.

Esaia 60:5

Ti e ke soposopo loa i le fiafia, ti e ke fakafiafia loa ; E ta vave loa lou mafu ti e makita loa a ia i le fiafia, Mo ka tau mai loa a koloa o le tai kiate koe, Mo ka kaku mai loa a koloa o atu puleaga kiate koe.

Esaia 9:13

Koia e taaki ai loa e le Eteleno le ulu mo le siku o Iselaele, Le taulu palemie mo le fa u i se aso fai e tasi.

Selemia 23:5

Ko leinei, e pati le Eteleno, e soko mai loa a aso, Ala e kau fakatupu ai loa kia Tavite se uli agatonu. E nofo loa a ia ko se sau poto mo manuia, E fai loa e ia le faitotonu mo le maoki i le fenua.

Selemia 30:24

E leaise toe fimalie loa le sausau o le Eteleno, O kaku ki le oki o lana fakasoko, mo fai a fakatuutuu o lona loto. E kotou matala loa ki le nea lena i se temi ki muli.

Selemia 30:9

E lotou tausi loa ki le Eteleno, lolatou Atua, Ti mo Tavite, lolatou sau, leia e kau lagai loa kia latou.

Selemia 33:17

Talie e folafola le Eteleno, o pati : E leaise mativa loa Tavite i se tagata Ke nofo i le ekeekeaga fakasau o le fale o Iselaele ;

Selemia 33:9

E liliu loa le kolo leinei kiate au ko se nea fakatupu fiafia, mo fakatupu fakafetai, ti mo fakatupu kololia, I lotolotoga o atu puleaga fuli o le malama nei, Ala e logo loa ki le tapuakina leia e kau fai loa kia latou ; E lotou ofolele loa ti e lotou sevaia loa, I le malie katoa mo le manuia ala e kau soli loa kia latou.

Esekiele 16:63

O tupu ke ke manatui le temi kua sili ti ke ke fakasemala, o tupu ke aua na toe fakamavaa loa lou gutu ti ke ke luma, mo ka e kau fakamolemole loa kiate koe a nea fuli ala na ke aga o fai, e pati le Aliki, le Eteleno.

Esekiele 38:16

E ke saele loa ki loku kakai ko Iselaele, Ofaipe se ao leia ka ufiufi ia loa le fenua. I aso fakamuli, e kau tuku loa a koe ke saele ki loku fenua, O tupu ke iloa au e atu puleaga, Mo ka ke fakasa loa, e koe, ei Koke, Ko au ko le Atua maokioki ki olatou mata !

Esekiele 38:8

E sili loa ni aso mauke, e ke nofo loa ko lolatou pule ; E oki loa ni fetuu, e ke saele loa ki le fenua Leia na sao lona kakai i le seleta, Ti na fakatasi mei ni fenua mauke Ki mauga o Iselaele ala na lavaki fualoa. E lotou nofo kese loa i atu puleaga, E lotou fimalie loa i olatou nofoaga.

Taniela 10:14

E kau au i le lakaga nei o fakasa kiate koe le nea leia e tonu ke soko ki lou kakai i le temi ki muli ; talie ko le nea leia e ke tio ki ai e toe uiga foki mo le temi lena.

Taniela 2:28

Kae e i ai i le lagi se Atua leia e fakasa ia a nea fakafufu, ti kua fakasa e ia ki le sau ko Nepukatenesale le nea leia ka soko mai loa i temi ki muli. Ko leinei lau moe miti mo nea ala na ke tio ki ai i lou moeaga.

Oseo 11:10

E lotou mulimuli loa i le Eteleno, leia e gugulu loa ofaipe se laione, Talie e gugulu loa a ia, ti e fekapu mai loa a fanau mei le tai.

Oseo 5:15

E kau ano loa, e kau toe liliu mai loa ki loku nofoaga, O kaku ki le aso leia e lotou vevete ai loa alatou agasala ti mo afa ai loa oku mata. Ka lotou nofo loa i le mamae, e lotou afa loa au.

Oseo 5:6

E lotou ano loa mo alatou ovi ti mo alatou pipi tagata o afa le Eteleno, Kae e leaise lotou maua loa a ia : Kua mavae a ia i loto malie o latou.

Oseo 6:1

Kotou au, tou toe liliu ki le Eteleno ! Talie na saei e ia, kae e fakamauli loa e ia tatou ; Na taai e ia, kae e sai loa e ia otou lavea.

Amosi 9:11

I le temi lena, e kau toe lagai loa i lana siga le fale o Tavite, E kau toe tapono loa ona pu, e kau toe fakatuu loa ona maumau, Ti e kau toe lagai loa a ia ofaipe lana tuu i le temi mua.

Mikea 4:1

E soko loa, i se temi ki muli, E laga loa le mauga o le fale o le Eteleno I le tumutumu o atu mauga, E malaga loa a ia i aluga o atu mauga liliki, Ti e tafe loa ki ai a atu kakai ofaipe ni liua.

Numelo 24:14

Ti ko leinei e kau toe liliu loa ki loku kakai. Kae i mua, au, ke kau fakasa fakatomua atu kiate koe le nea leia e fai loa e fanau a Iselaele ki lou kakai i temi ki muli.

Loma 11:25

Talie e leaise kau loto, fetaina, ke kotou fakapouli ki le misitelio leinei, o tupu ke aua na kotou fia nealasi : kua vilo se potu o Iselaele ki le fakafefeka, o kaku ki le temi leia e katoa ai loa le kau pagani ala e tonu ke ulu ki le fakamauli.

Loma 2:4

Pe ke fakanoai loa a koloa o lona agamalie, mo lona kataki fualoa ti mo lona manavaalofa faifualoa, o leaise ke iloa e ekenaki a koe e le agamalie o le Atua ki le fakasemala ?

Tetelonome 4:30

I le mamae, mo ka soko loa a nea fuli ana kiate koe, e soko loa i se temi ki muli, e ke toe liliu loa ki le Eteleno, lou Atua, ti e ke fakalogo loa ki lona leo ;