Oseo 3:4 - Tosi Tapu

⁴ Talie e nonofo loa a fanau o Iselaele o fualoa sala sau, mo sala pule, mo sala sakilifisio, mo sala fatu mauiga, mo sala efote, ti mo sala telafimi.

Oseo 3:4 ပူးပေါင်းရင်းမြစ်များ

Senesi 31:19

I le temi lena na ano Lapane o koti lana kau manu. Na kaia loa e Lasele a taulaatua o lona tamana.

Senesi 31:34

Kae na too loa e Lasele a atua, o tatao i lalo o le ekeekeaga kamelo ti na tonatona loa a ia i aluga. Na sufe loa e Lapane le falela katoa, kae na leaise maua loa e ia se nea.

Senesi 49:10

E leaise fakamamao loa le pala fakasau ia Suta, Ti mo le tokotoko fakaaliki i lima o lona sakoga, O kaku ki le aso leia e sa ai loa le Silo (leia e tonu ke maua ia a ia), Ti ke fakalogo loa kiate ia a kakai fuli.

Lua tosi a Samuele 6:14

Na mako loa Tavite i mua o le Eteleno i lona makeke katoa, ti na kofu e ia le efote tea.

Lua tosi o Sau 23:24

Ti na fakapuli foki e Sosiasi latou fuli ala na masau ki laumalie veli, mo latou ala na fai kikite, mo fakatata, mo taulaatua, ti mo nea fakalialia fuli ala na maua i le fenua o Suta mo Selusalemi, o tupu ke fakasoko ai a folafola o le lao, ala na tuu i le tosi leia na maua e le tagata faisakilifisio ko Ilekisa, i le fale o le Eteleno.

Lua tosi o Koloniko 15:2

ti na ano loa Asalia ki mua o Asa, o pati kiate ia : Kotou fakalogo mai, ei Asa, mo Suta, ti mo Pesamino katoa ! E nofo le Eteleno mo koutou mo ka e kotou nofo mo ia ; kapau e kotou afa a ia, e kotou maua loa a ia ; kae kapau e kotou tiaki a ia, e tiaki loa e ia koutou.

Ekesote 28:4

Ti ko nei loa a kofu ala e lotou fai loa : ko se peketolale, mo se efote, mo se taupulupulu, mo se kofu fakateuteu, mo se pala, ti mo se kie nonoa. E lotou fai loa ni kofu tapu ki lou taokete ko Alone, mo ona vosa, o tupu ke lotou fai kiate au le gaoi fakapelepitelo.

Ekesote 28:6

E lotou fai loa le efote ki le filo aulo, mo le filo usi, mo le filo kula fakapouli, mo le filo kula malie, ti mo le filo tea makeke.

Tagi laulau a Selemia 2:9

Kua ogo ona matapa i le kele ; Ti na maumaui e ia mo fatifatii ona ukamea fakamaumau. Kua nofo lona sau mo ona pule i lotolotoga o atu puleaga ; e leaise koi i ai se lao. E leaise koi maua foki e le kau polofeta se nea mei le Eteleno.

Esekiele 19:14

Na mapuna le afi i ona laa, Ti na kai e ia ona fua ; E leaise koi maua e ia ni laa makeke Ke fai ai se tokotoko fakasau. Ko lena se lau mamae, leia e tonu ke sua ko se lau mate.

Esekiele 20:32

E leaise kotou tio loa ki le fai o le nea leia e kotou manatu ki ai, mo ka e kotou pati : E motou loto ke motou tatau mo la ake puleaga, mo famili o la ake fenua, ti e motou loto ke motou tausi ki le laakau mo le fatu.

Esekiele 21:21

Ta ki le fetuu atamai, Ta ki le fetuu sema, Seleta matakakai, Maliu saele lou tumutumu ki potu fuli !

Esekiele 21:31

E folafola le Aliki, le Eteleno, o pati : E too loa lou pale fakasau, ti e too loa o ave mo lou pala fakasau. E fetogi loa a nea : Ko le nea leia na taulalo e siki loa ki aluga, ti ko le nea leia na taualuga e tuku loa ki lalo.

Taniela 11:31

E au loa ni solia i lana fakatotonu ; ti e lotou fakakelekele loa le fale tapu, mo le kolo tau, ti e lotou taofi loa le failaulau o aso taki tasi, ti e lotou fakatuu loa ki le aletale le fakatata fakalialia o le tagata maumau.

Taniela 12:11

Mei le temi leia e fakagato ai loa le failaulau o aso taki tasi, ti e fakatuu ai loa i le aletale le fakalialia a le tagata maumau, e i ai loa ni aso e afe kau lelau lua kau iva.

Taniela 9:27

I le vasaa fakaoki, e fai loa e ia se sai makeke mo se i. Ti e fakagato loa e ia i loto malie o le vasaa a failaulau mo moliga ; e fai loa e le tagata maumau ni nea fakalialia lasi, o kaku ki le temi leia e maumaui ai loa a ia ti e vilo ai loa kiate ia le nea leia kua fakatuutuu.

Oseo 13:10

Kofea loa lou sau ? Ke saofaki e ia a koe i ou kolo fuli ! Kofea loa ou tui fakamaau, ala na ke pati ki ai : Soli mai se sau mo ni pule ?

Oseo 13:11

Na kau soli atu kiate koe se sau i loku ita, E kau toe too loa a ia iate koe i loku sausau lasi.

Oseo 2:11

Koia e kau toe too ai loa laku fulumeto i lona temi ti mo laku vino i lona lakaga, ti e kau too loa laku fului manu mo le kie leia na tonu ke fufu ia lona telefua.

Levitiko 8:7

Ti na fakatui loa e ia kia Alone le kofu loto tea, ti na nonoa loa e ia a ia ki le kie nonoa, ti na tui loa e ia le kofu usi mo le efote i aluga, ti na nonoa loa e ia i le tua a va o le efoti.

Sakalia 10:2

Talie e noa a masau a telafimi, E fakasa ni loi e latou ala e kikite, E loi a moe miti ti e leaise uiga o alatou fakafimalie. Koia leia kua sese ai le kakai ofaipe se kau manu, Kua lotou malaia talie e leaise koi maua se tagata tausi manu.

Sakalia 13:2

I le aso lena, e pati le Eteleno o kau tau : E kau tuuti loa i le fenua a igoa o taulaatua, O tupu ke aua na toe manatu kia latou ; E kau too loa i le fenua le kau polofeta loi mo le laumalie fakakelekele.

Luka 21:24

E tamate loa latou ki ni seleta, ti e ave loa latou o fakapopulai i puleaga fuli, ti e takatakafi loa Selusalemi e puleaga pagani, o kaku ki le katoa o le temi o puleaga.

Soane 19:15

Kae na lotou kalaga leo lasi loa : Ke mate, ke mate, ke kulusifiko a ia ! Na pati loa Pilato kia latou : Pe kau kulusifiko loa lokoutou sau ? Na tali loa le kau pule faisakilifisio : Ko lomatou sau e tasi ko Sesale.

Epelo 10:26

Talie kapau e tou agasala i lotatou loto faifaitalisa kae kua tou maua le iloa o le maoki, e leaise koi toe loa se tasi ake failaulau ki le agasala,

Tuifakamaau 17:5

Na maua loa e Mika se fale o le Atua ; na fai loa e ia se efote mo ni telafimi, ti na fakatapui loa e ia le tasi o ona vosa ke nofo o faisakilifisio.

Tuifakamaau 18:14

Ti na masau loa a tagata e toka lima ala na ano o tioi le fenua o Laisi, o pati loa ki olatou fetaina : Pe kotou iloa e i ai i fale anei se efoti, mo ni telafimi, mo se fakatata ta, ti mo se fakatata ukamea saka ? Ke kotou tio i le temi nei pe kolea le nea leia e tonu ke kotou fai !

Tuifakamaau 8:27

Na fai loa e Seteone ki le aulo lena se fakatata o fakatuu i lona kolo ko Ofala : Na ano loa fanau a Iselaele o faiaga ki le taula atua lena ; ti na liliu loa le nea lena ko se masele kia Seteone mo lona famili.

Uluaki tosi a Samuele 14:3

Ko Akise, vosa o Akitupe, taina o Ikapote, vosa o Finesi, vosa o Eli, tagata faisakilifisio a le Eteleno i Silo, na tui ia le efote. Na leaise iloa e le kakai kua ano a Sonatane.

Uluaki tosi a Samuele 15:23

Talie e tatau le agasala o le patigataa mo le agasala o le tausi fakatemonio, ti e tatau le fakafefeka mo le tausi ki taulaatua mo fakatata. O tupu kua ke tiaki le folafola a le Eteleno, e toe tiaki loa a koe e le Eteleno ke aua na ke toe sau loa.

Uluaki tosi a Samuele 2:18

Na tausi Samuele i mua o le Eteleno, ti na tui e le fanau lena se efote tea.

Uluaki tosi a Samuele 21:9

Na tali loa le tagata faisakilifisio : Ko leinei le seleta a Koliate, le Filisitini, leia na ke tamate i le vaivailiua o telepate ; takatakai a ia ki se kie tea i muli o le efote ; kapau e ke fia too a ia, ti ke too a ia, talie e leaise tasi ake seleta i leinei. Ti Na pati loa Tavite : E leaise tasi ake seleta e tatau mo ia ; soli mai a ia kiate au.

Uluaki tosi a Samuele 22:18

Ti na pati loa le sau kia Toeke : Mafuli, o tamate a tagata faisakilifisio. Ti na mafuli loa Toeke, le Etome, o tamate a tagata faisakilifisio ; na tamate e ia i le aso lena a tagata e tino valu tupu lima ala na tui ia le efote tea.

Uluaki tosi a Samuele 23:6

I le sola a Apiatale, vosa o Asimeleke, kia Tavite i Keila, na ifo a ia mo le efote i lona lima.

Uluaki tosi a Samuele 23:9

Na logo loa Tavite ki le fakatuutuu a Saulo kiate ia, ti na pati loa a ia ki le tagata faisakilifisio ko Apiatale : Aumai le efote !

Uluaki tosi a Samuele 30:7

Na pati loa a ia ki le tagata faisakilifisio ko Apiatale, vosa o Asimeleke : Aumai le efote kiate au ! Na aumai loa e Apiatale le efote kia Tavite.