Oseo 3:1 - Tosi Tapu

¹ Na pati mai loa le Eteleno kiate au : Toe ano, o alofa ki se fafine leia e alofa ki ai se tasi ake tagata, ti e tono tagata ki ai ; ke ke alofa kiate ia ofaipe le alofa o le Eteleno ki fanau o Iselaele, ala kua maliu ki ni atua kese ti kua manako ki kato fuai vite.

Oseo 3:1 ပူးပေါင်းရင်းမြစ်များ

Lua tosi a Samuele 6:19

Ti na tufa loa e ia ki le kakai katoa, ki le kakai api o Iselaele, ki tagata mo fafine, ki le tagata taki toka tasi, se fa pane, mo se potu inati, mo se fa fagu vino. Ti na mavete loa le kakai katoa, o tasi ano ki lona kaiga.

Lua tosi o Sau 13:23

Kae na manava alofa loa le Eteleno kia latou, ti na tio loa ona mata kia latou o tupu ko lana sai mo Apalaamo, mo Isaake, mo Sakopo, na leaise loto loa a ia ke maumaui latou, ti na leaise tiaki loa e ia latou o kaku mai ki le aso nei.

Uluaki tosi o Koloniko 16:3

Ti na tufa loa e ia kia latou fuli o Iselaele, ki le tagata taki toka tasi mo le fafine taki toka tasi, se fa pane, mo se inati, ti mo se fa kato fuai vite.

Neemia 9:31

Kae i lou manava alofa lasi, na leaise ke pulii latou, na leaise ke tiaki oki latou, talie ko koe ko se Atua agamalie mo manava alofa.

Pesalemo 123:2

Ko leinei, ofaipe mata o ni tagata fakasausau e tio tuumau ki le lima o olatou pule, Ti mo mata o le fafine fakasausau ki le lima o lona fafine pule, E agaaga foki omatou mata ki le Eteleno, lomatou Atua, O kaku ki lona aloalofa mai kia matou.

Ekesote 32:6

I leia ake aso, na lotou alaala loa i le usu ti na lotou momoli loa ni failaulau mo ni sakilifisio fakafetai. Ti na tonatona loa le kakai ki lalo o kai mo inu ; ti na lotou tutuu ake loa ki aluga o fakafiafia.

Katiko o Katiko 2:5

Kotou fagai au ki ni kato fuai vite, Kotou fakamakeke au ki ni fa pome ; Talie kua kau masaki i le alofa.

Esaia 45:22

Kotou tafoki mai kiate au, ti e kotou mauli loa, Koutou fuli ala e nonofo i potupotu o le malama nei ! Talie ko au ko le Atua, e leaise tasi ake Atua.

Selemia 3:20

Kae na kotou kaka mai kiate au, fale o Iselaele, Ofaipe se fafine kaka leia na tiaki ia lona avaga, E pati le Eteleno.

Selemia 31:20

Pe ko Efalaimi ko se vosa alofaina kiate au ? Se fanau leia e fakafiafia ia loku loto ? Talie ka lasi laku masau kiate ia, ti e toe lasi ake laku manatu kiate ia ; Koia e mamae ai loku manava o tupu ko ia : E kau alofa loa kiate ia, e pati le Eteleno.

Oseo 11:8

Kolea e kau fai loa kiate koe, Efalaimi ? Pe tonu ke kau tiaki a koe, Iselaele ? Pe kau tautea loa a koe ofaipe Atema ? Pe kau fakaliliu loa a koe ke tatau mo Tesepoimi ? Kua ta loku mafu i loku loto, Kua malaga oku manava alofa fuli.

Oseo 2:5

Talie ka leai, e kau fakatelefua loa a ia, ti e kau tuku loa a ia pe le aso leia na fanaui ai a ia, ti e kau fakaliliu loa a ia o tatau mo se toafa, mo se kele kaka, ti e kau tuku loa a ia ke mate i le fia inu.

Oseo 4:11

E fakatupu ulu vale le faifeauaki, mo le vino, mo le kava.

Oseo 7:5

I le aso o lomatou sau, E masasaki a pule i le fakavalevale ki le vino ; E falo e le sau lona lima ki le kau gologolo.

Amosi 2:8

E lotou momoe i tafa o aletale i ni kofu na tuku ake e le kau mativa kia latou, Ti e lotou inu i le fale o olatou atua le vino a latou ala e lotou fakatua.

Amosi 6:6

E lotou inu le vino i ni ipu lalasi, E lotou pani le lolo malie, Ti e leaise lotou mamae fua i le maumau o Sosefo !

Mikea 7:7

Kiate au, e kau maliu loa ki le Eteleno, E kau tuku loa laku amanaki malie ki le Atua o loku fakamauli ; E tali loa loku Atua ki aku kole.

Sakalia 1:16

Koia kua folafola ai le Eteleno, o pati : Kua kau toe liliu mai i loku alofa ki Selusalemi ; e toe fakatuu loa loku fale i ai, ti e toe toso loa le fua i Selusalemi.

Mateo 26:50

Na pati loa Sesu kiate ia : Ei loku kaukau nea, ko le nea leia na ke au o fai, fai a ia. Ti na fakafeofi ake loa le kakai kia Sesu, o too lima a ia.

Uluaki tosi ki le kau Kolinto 10:21

E leaise mafai ke kotou inu le ipu o le Aliki, ti mo le ipu o le kau temonio ; e leaise mafai ke kotou kau ki le laupapa o le Aliki, ti mo le laupapa o le kau temonio.

Uluaki tosi ki le kau Kolinto 10:7

Aua na kotou tausi taulaatua, ofaipe ni iki o latou, o mulimuli ki le nea leia e tuu i le tosi : Na tonatona loa le kakai o kai mo inu, ti na lotou tutuu ake loa o fakafiafia.

Uluaki tosi a Petelo 4:3

Talie kua lasi le temi leia i mua na koutou fai ai le finegalo o le kau pagani, o saele i le mauli fakalialia, mo oli veveli, mo le inu fakavale, mo le kai fakavale, ti mo le fakalialia o tausi ki taulaatua.

Tuifakamaau 10:16

Ti na lotou too loa a atua kese ala na nofo mo latou kae lotou tausi loa ki le Eteleno, leia na logoi ia loa i lona loto a mamae o Iselaele.

Tuifakamaau 9:27

Na lotou ano loa ki faisaga vite o le kakai o Siseme, o tau a fuai vite o tatau, ti na lotou fai loa ni fakafiafia. Na lotou ulu loa ki le fale tapu o lolatou atua, o kai mo inu i ai, ti na lotou fai loa ni masau fakaveli kia Apimeleke.