Oseo 2:8 - Tosi Tapu

⁸ Koia, e kau tapono loa lona ala ki ni laakau talatala ti e kau fakatuu loa i ai se kau a, o tupu ke aua na toe maua e ia ona ala.

Oseo 2:8 ပူးပေါင်းရင်းမြစ်များ

Uluaki tosi o Koloniko 29:16

Eteleno, lomatou Atua, ko lou lima leia e au mei ai a koloa fuli anei, anei na motou teuteui ke fakatuu ai kiate koe se fale, kiate koe, ki lou suafa maokioki, talie ko nea fuli a au.

Sopo 19:8

Na tapono e ia a ala fuli kiate au, ti e leaise koi mafai ke kau fakalaka. Na folasi e ia le fakapouli i oku ala.

Esaia 1:3

E iloa e le pipi lona pule, Ti mo le asino le fale manu o lona pule : Kae e leaise iloa e Iselaele se nea fua e tasi, E leaise maua fua e loku kakai sona ga atamai.

Esaia 46:6

Ko leinei e lotou liligi le aulo mei lalatou taga paaga, Ti e lotou fua le mamafa o le paaga i le fua. E lotou totogi se tagata tufuga ukamea ke fai ia ki le aulo mo le paaga se atua, Ti e lotou punou i ona mua, o atolasio ki ai.

Selemia 7:18

E tae e fanau se fafie, E tafu e tamana le afi, Ti e lusi e fafine le falina, Ke teuteu ai ni kato ki le fafine sau o le lagi, Ti ke fai ai ni sakilifisio nea inu ki ni atua kese, Ke fakatupu ai loku sausau.

Esekiele 23:41

Na ke ekeeke ki se palepale fulumalie, Na tuu i ona mua se laupapa, Ti na ke teki ki le laupapa lena laku iseso mo laku lolo.

Taniela 3:1

Na fai loa e le sau ko Nepukatenesale se fakatata aulo, ko lona taualuga ko meta e kau tolu, ti ko lona lau lasi ko meta e tolu. Na fakatuu loa e ia a ia i le potu laumalie o Tula, i le fenua o Papilone.

Taniela 5:23

Na ke malaga ki aluga o agatuu ki le Aliki o le atu lagi ; ti na ke aumai a ipu o lona fale ki ou mua, ti na kotou inu ki ai le vino, e koe mo lau kau lalasi, mo au avaga, mo au feauaki ; na ke fakavikiviki ki atua siliva, mo aulo, mo kapa, mo ukamea, mo laakau, mo fatu, ala e leaise logo fua, e leaise tio fua, ti e leaise iloa fua se nea, kae na leaise ke fakakololiai le Atua leia e too ia i lona lima lau tukumanava ti mo ou ala fuli.

Oseo 10:1

Ko Iselaele ko se vite fua, Leia na soli ia ni fua lasi ai. Kae na lasi ona fua ; Ti na lasi lana liuliuga a aletale ; Kae na lasi le mou koloa o lona fenua, Ti na lasi lana fakafulumalie a fakatata.

Oseo 13:1

Ka masau Efalaimi, ko se nea fakaii ai. Na malaga a ia ki aluga i Iselaele. Kae na agasala a ia ia Paale, ti na mate a ia.

Oseo 13:2

I le aso nei e soko atu lalatou agasala, E lotou fai ki lalatou paaga ni fakatata ukamea saka, Mo ni taulaatua o mulimuli ki alatou fakakaukau ; Ko nea fuli ko le gaoiaga a ni kau tufuga. E lotou pati o uiga mo latou : E tonu ke momoli kia latou ni sakilifisio, ti ke sogi ki uviki pipi tagata !

Oseo 2:5

Talie ka leai, e kau fakatelefua loa a ia, ti e kau tuku loa a ia pe le aso leia na fanaui ai a ia, ti e kau fakaliliu loa a ia o tatau mo se toafa, mo se kele kaka, ti e kau tuku loa a ia ke mate i le fia inu.

Oseo 4:11

E fakatupu ulu vale le faifeauaki, mo le vino, mo le kava.

Oseo 8:4

Na lotou fakanofo ni sau, kae na leaise kau fakatotonu a ia, Ti mo ni pule kae na leaise lotou afa mai kiate au ; Na lotou fai ni taulaatua ki lalatou siliva mo lalatou aulo ; Koia leia e tuuti ai loa latou.

Apakuki 1:16

Koia leia e momoli ai e ia ni sakilifisio ki lona kupega, E tutu ai e ia se iseso ki ana kukuti ; Talie e maua e ia ni nea kai gako mo kano malie i nea ana.

Luka 15:13

Na sili ni ga aso teiki, na tanaki loa e le mulimuli ona koloa fuli, ti na mavae loa a ia o ano ki se fenua mamao, o maumaui ona koloa i se mauli maveuveu.

Loma 1:28

O tupu na leaise lotou loto ke iloa le Atua, kua tuku latou e le Atua ki olatou loto fakapouli ke lotou fai ni nea ala e leaise gali mo latou.

Tetelonome 8:18

Ke ke manatui le Eteleno, lou Atua, talie ko ia leia e soli ia loa kiate koe le makeke ke fakatupu ai a koloa ana, o tupu ke fakamaoki ai, ofaipe lana fai i le aso nei, lana fakapapau leia na fai ki ou tamana.

Tuifakamaau 9:27

Na lotou ano loa ki faisaga vite o le kakai o Siseme, o tau a fuai vite o tatau, ti na lotou fai loa ni fakafiafia. Na lotou ulu loa ki le fale tapu o lolatou atua, o kai mo inu i ai, ti na lotou fai loa ni masau fakaveli kia Apimeleke.