Oseo 2:7 - Tosi Tapu

⁷ Talie na faiaga lolatou tinana, ti ko leia na fakatupu ia latou na fai nea fakalumaluma, o pati : E kau ano loa ki aku feauaki, latou ala na soli ia mai kiate au laku pane, mo laku vai, mo laku fului manu, mo le kie tea, mo le lolo, ti mo laku vino.

Oseo 2:7 ပူးပေါင်းရင်းမြစ်များ

Lua tosi o Koloniko 28:23

Na fai loa e ia ni sakilifisio ki atua o Tamaso, ala na tautea ia a ia, o pati loa a ia : Talie e tokoi a atua o sau o Silia kia latou, e kau fai loa ni sakilifisio kia latou ke lotou tokoi mai kiate au. Kae ko le tupuaga loa lena o lona malaia, o ona mo Iselaele katoa.

Pesalemo 116:7

Loku laumalie, toe liliu ki lou maloloaga, Talie na fai e le Eteleno kiate koe se nea malie.

Esaia 30:16

Na kotou pati : Leai ! e motou lele loa i ni osi ! Koia e kotou lele ai loa i ni osi, kae o sosola. Na kotou pati : e motou eke loa i ni osi gasolo ! Koia e tuli loa koutou e ni osi ala e toe gasolo ake.

Selemia 14:22

Pe i ai ni iki i taulaatua o atu puleaga e mafai ke fakato ia se ua ? Pe feala ke soli e le lagi le ua ? Pe leaise ko koe fai, Eteleno, lomatou Atua ? E motou amanaki malie ai kiate koe, Talie ko koe leia na fai ia a nea fuli ana.

Selemia 2:2

Ano o kalaga ki taliga o Selusalemi : E folafola le Eteleno, o pati : E kau manatui lou alofa i le temi na ke ikiiki ai, Lou mamana i le temi na ke feauaki ai mo au, Leia na ke mulimuli ai iate au i le toafa, I se kele leia na leaise mauli ai se nea.

Selemia 2:28

Kofea ou atua ala na ke fau ia kiate koe ? Ke lotou tutuu ki aluga, mo kapau e mafai ke lotou fakamauli a koe i le aso o le malaia ! Talie kua tatau le lasi o ou atua mo ou kolo, ei Suta !

Selemia 2:36

Kolea na ke fetogi fakatavili ai lou ala ? Ko Esipito leia e au loa mei ai lou luma, Ofaipe lana au mei Asilia i mua.

Selemia 3:1

E pati a ia : Ka kapu e se tagata lana avaga, Ti e mavae le fafine iate ia, o toe avaga mo se tasi ake tagata, Pe toe liliu loa le uluaki tagata kiate ia ? Leai ! Talie e kelekele loa i ai le fenua. Kae ko koe, Iselaele, na ke faiaga mo ni kau mamana toka api, Ti e ke loto loa ke ke toe liliu mai kiate au ! e pati le Eteleno.

Selemia 31:18

E kau logo ki le tagi laulau a Efalaimi : Na ke tautea au, ti na tautea au Ofaipe se uviki pipi leia na leaise ako ke lalata ; Fai ke kau toe liliu, ti e kau toe liliu loa, Talie ko koe ko le Eteleno, loku Atua.

Selemia 31:32

E leaise faipe le sai leia na kau fai mo olatou tamana, I le aso leia na kau too ai latou i le lima o fakamavae latou i le fenua o Esipito, Sai leia na lotou maumaui, Logo ko au ko lolatou pule, e pati le Eteleno.

Selemia 44:17

Kae e motou fai loa o mulimuli ki le nea leia kua fakasa e omatou gutu, ke tutu le iseso ki le fafine aliki o le lagi, ti mo fai kiate ia ni moliga nea inu, ofaipe lamatou fai masani, a matou mo omatou tamana, mo omatou sau, ti mo omatou pule, i kolo o Suta mo ala o Selusalemi. Ti na motou maua loa i ai se pane ke motou kai, ti na motou fiafia loa i ai, ti na leaise motou tio loa ki se malaia.

Esekiele 16:18

Na ke too loa ou teu fakamailoga, ti na ke fakakofu loa latou ki ai, ti na ke momoli loa ki fakatata ana loku lolo mo loku iseso.

Esekiele 16:8

Na kau toe fakalaka i ou tafa, ti na kau tio kiate koe, ti ko leinei, kua soko lou temi ki le alofa. Na kau folasi loa kiate koe le tapatapa o loku kofu, ti na kau uufi loa lou telefua, ti na kau fakapapau loa ke kau agatonu kiate koe, ti na kau fai loa mo koe se sai, e pati le Aliki, le Eteleno, ti na kau maua loa a koe ma aku.

Esekiele 20:32

E leaise kotou tio loa ki le fai o le nea leia e kotou manatu ki ai, mo ka e kotou pati : E motou loto ke motou tatau mo la ake puleaga, mo famili o la ake fenua, ti e motou loto ke motou tausi ki le laakau mo le fatu.

Esekiele 23:12

Na oli makeke loa a ia ki fanau o Asilia, Ala na nonofo i ona tafatafa, Ala na kovana mo pule tau, Ala na teu fulumalilie, Ala na eke i ni osi, Ala na tauleleka mo tupulaga fuli.

Esekiele 23:22

Koia, Olipa, e folafola ai le Aliki, le Eteleno, o pati : Ko leinei, e kau lagai au feauaki kiate koe, Latou ala kua vesia ki ai lou loto, Ti e kau aumai loa latou kiate koe mei potu fuli :

Esekiele 23:4

Na igoa le uluaki ko Olola, Ti ko lona taina ko Ololipa. Na kau avaga mo laua toka lua, Ti na la fanaui ni vosa mo ni taineliki kiate au. Ko Olola, ko Samalia ; Ko Ololipa, ko Selusalemi.

Taniela 4:17

Ko le fakatotonu lena a latou ala e leo ti e maokioki, ti ko le fakatuutuu a ia a le kau sagato, o tupu ke iloa e latou ala e mauuli e pule le Atua Taualuga ki le pule o tagata, ti e soli e ia le pule ki leia e loto a ia ki ai, ti e siki e ia ki aluga le leia e taulalo oki i tagata fuli.

Taniela 4:25

E kapu loa a koe mei loto malie o tagata, ti e ke maua loa lou nofoaga i loto malie o manu o faisaga, ti e tuku loa kiate koe se mutie ke kai, ofaipe pipi ; e susu loa a koe i le sasau o le lagi, ti e fakalaka loa a fetuu e fitu iate koe, o kaku ki lau iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Taniela 4:32

E kapu loa a koe mei loto malie o tagata, ti e ke maua loa lou nofoaga o fakatasi mo manu o faisaga, ti e soli loa kiate koe le mutie ke ke kai ofaipe pipi ; ti e fakalaka loa a fetuu e fitu iate koe, o kaku ki lau iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Taniela 5:21

Na kapu loa a ia mei loto malie o fanau o tagata, ti na liliu loa lona loto o tatau mo le loto o manu, ti na tuu fakatasi loa lona nofoaga mo leia o asino vao ; na soli loa kiate ia se mutie ke kai ofaipe pipi, ti na susu loa lona tino i le sasau o le lagi, o kaku ki lana iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Oseo 1:2

I le uluaki fakasa e le Eteleno lana folafola kia Ose, na pati le Eteleno kia Ose : Ano, o too se fafine faiaga mo ni fanau o le faiaga ; talie kua faiaga le fenua ti kua tiaki e ia le Eteleno !

Oseo 13:6

Na lotou kai makona i ni faisaga sesega ; Na lotou kai makona, ti na makita loa olatou loto i le fia nealasi ; Koia na lotou galoi ai au.

Oseo 14:1

Iselaele, toe liliu mai ki le Eteleno, lou Atua, Talie kua ke vilo o tupu ko lau agaveli.

Oseo 2:16

Koia kua kau loto ai i le aso nei ke kau maselei a ia, ti ke kau taki a ia ki le toafa, ti e kau masau loa ki lona loto.

Oseo 5:13

E tio Efalaimi ki lona masaki, ti mo Suta ki ona lavea ; E ano Efalaimi ki Asilia, o masau ki le sau ko Salepe ; Kae e leaise mafai e le sau lena ke faitoo ia koutou, Talie e leaise maua e ia se faitoo ki okoutou lavea.

Oseo 5:15

E kau ano loa, e kau toe liliu mai loa ki loku nofoaga, O kaku ki le aso leia e lotou vevete ai loa alatou agasala ti mo afa ai loa oku mata. Ka lotou nofo loa i le mamae, e lotou afa loa au.