Oseo 2:20 - Tosi Tapu

²⁰ I aso ana, e kau fai loa kia latou se sai mo manu o faisaga, mo manu lele o le lagi, ti mo manu totolo o le kele ; e kau fatii loa i le fenua le gasau, mo le seleta, ti mo le tau, ti e kau fakamalolo loa latou i le tokamalie.

Oseo 2:20 ပူးပေါင်းရင်းမြစ်များ

Senesi 9:10

ti mo nea fuli ala e mauuli i okoutou tafa : tatau a manu lele, mo manu lalata, mo manu fuli o le vao, mo manu fuli ala na mavae mei le aleka, ti mo manu fuli ala e mauli loa ki muli i aluga o le kele.

Esaia 2:4

E liliu loa a ia ko le tui fakamaau o atu puleaga, Ko le alepiti o ni kakai toka api. E lotou fai loa ni piosi ki alatou seleta, Mo ni sele gaoi ki alatou tao : E leaise toe tau loa se puleaga ki se puleaga, Ti e leaise toe ako loa le tau.

Esaia 62:4

E leaise toe fakaigoa loa a koe ko tiakina, Ti e leaise toe fakaigoa loa lou fenua ko lavaki ; Kae e fakaigoa loa a koe : Ko loku fiafiaaga iate ia, Ti e fakaigoa loa lou fenua ko le fafine avaga ; Talie e maua loa e le Eteleno lona fiafia iate koe, Ti e maua loa e le fenua lona avaga.

Selemia 24:7

E kau soli loa kia latou se mafu ke lotou iloa ko au ko le Eteleno ; e lotou liliu loa ko loku kakai, ti e kau liliu loa ko lolatou Atua, mo kapau e lotou toe liliu mai kiate au i lolatou loto katoa.

Selemia 30:10

Ti ko koe, Sakopo, laku tagata fakasausau, aua na ke i, e pati le Eteleno ; Aua na loto gaegae, Iselaele ! Talie e kau saofaki loa a koe i le kele mamao, E kau saofaki loa lou sakoga i le fenua leia na nofo popula ai. E toe liliu loa Sakopo, ti e fiafia loa a ia i le malolo mo le fimalie, Ti e leaise toe fakaveli loa se tasi kiate ia.

Selemia 32:41

E kau fiafia loa i le fai o le nea leia e malie kia latou, Ti e kau to fakamaokioki loa latou i le fenua leinei, I loku loto katoa mo loku laumalie katoa.

Selemia 9:24

Kae ko leia e loto ke fakakololia, ke fakakololia a ia O tupu ko lana maua se atamai ti mo lana iloa au, Lana iloa ko au ko le Eteleno Leia e fai ia le agamalie, mo le lao, mo faitotonu i le malama nei ; Talie ko lena le nea e kau fiafia ai, e pati le Eteleno.

Esekiele 16:62

E kau fakatuu loa laku sai mo koe, ti e ke iloa loa ko au ko le Eteleno,

Esekiele 16:8

Na kau toe fakalaka i ou tafa, ti na kau tio kiate koe, ti ko leinei, kua soko lou temi ki le alofa. Na kau folasi loa kiate koe le tapatapa o loku kofu, ti na kau uufi loa lou telefua, ti na kau fakapapau loa ke kau agatonu kiate koe, ti na kau fai loa mo koe se sai, e pati le Aliki, le Eteleno, ti na kau maua loa a koe ma aku.

Esekiele 34:25

E kau fai loa mo latou se sai o le tokamalie, ti e kau fakapuli loa i le fenua a manu fekai ; ti e nofo loa aku ovi i le fimalie i le toafa, ti e lotou momoe loa i loto o vaomatua.

Esekiele 34:27

E tuku loa e le laakau o faisaga lona fua, ti e soli loa e le kele ona fua. E fimalie loa aku ovi i lolatou fenua ; ti e lotou iloa loa ko au ko le Eteleno, i le aso leia e kau motusi ai loa a sai o lolatou popula, ti e kau saofaki ai loa latou i le lima o latou ala e fakamakeke kia latou.

Esekiele 38:23

E kau fakasa loa loku lasi mo loku maokioki, E kau fakasa loa au ki mata o atu puleaga, Ti e lotou iloa loa ko au ko le Eteleno.

Oseo 13:4

Kae ko au, ko le Eteleno au, lou Atua, talu mei le fenua o Esipito. E leaise ke iloa se tasi ake Atua kese iate au, Ti e leai se tasi ake fakamauli kese iate au.

Oseo 2:19

E kau too loa mei lona gutu a igoa o Paale, o tupu ke aua na toe too olatou igoa.

Oseo 6:6

Talie e kau alofa ki le manava alofa kae leai ki sakilifisio, Ti mo le iloa o le Atua o lasi ake i failaulau.

Levitiko 26:5

E leikiaise oki loa lakoutou sasa ia le fulumeto kae kua kotou tau loa le vite, ti e kaku loa le tatao o le vino ki le muluki o fakaili. E kotou kai loa lakoutou pane o makona ti e kotou nofo loa i lokoutou fenua i le fimalie.

Levitiko 26:6

E kau tuku loa le tokamalie ki le fenua, ti e kotou momoe loa i le tokamalie, e leaise kotou tuania ia loa se tagata. E kau fakamamao loa mei le fenua a manu veveli, ti e leaise toe au loa le seleta ki lokoutou fenua.

Mikea 4:3

E liliu loa a ia ko le tui fakamaau o ni kakai mauke, Ko le alepiti o ni puleaga makeke, ala e nofo mamao. E lotou fai loa ki alatou seleta ni kosotoki, Ti ki alatou tao ni sele tuuti fulumeto ; E leaise toe tau loa se tasi puleaga ki se tasi puleaga, Ti e leaise toe ako loa le tau.

Sakalia 9:10

E kau maumaui loa a saliote o Efalaimi, ti mo osi o Selusalemi ; Ti e too loa a kalolo tau. E fakasa loa e ia le tokamalie ki atu puleaga, Ti e pule loa a ia mei le tai ki le tai, Mei le vaitafe o kaku ki potupotu o le malama nei.

Mateo 11:27

Kua soli mai a nea fuli kiate au e loku Tamana, ti e leaise tasi e iloa ia le Alo, gato fai ki le Tamana ; e leaise tasi e iloa ia le Tamana, gato fai ki le Alo ti mo leia e fakasa ki ai e le Alo.

Luka 10:22

Kua tuku mai kiate au a nea fuli e loku Tamana. E leaise iloa e se tasi pe ko ai le Alo, ko le tamana toka tasi fai ; ti e leaise iloa e se tasi pe ko ai le Tamana, ko le Alo toka tasi fai ti mo leia e loto le Alo ke fakasa a ia ki ai.

Soane 17:3

Ti ko leinei le mauli lee gato, ke lotou iloa a koe, leia ko le Atua maoki fai e tasi, ti mo leia na ke kakau ia mai, Sesu-Kilisito.

Soane 8:55

kae e leaise kotou iloa fua a ia ; ko au, e kau iloa a ia ; ti kapau e kau pati e leaise kau iloa a ia, e kau tatau loa mo koutou, ko se tagata gutu loiloi. Kae e kau iloa a ia, ti e kau fai lana folafola.

Lua tosi ki le kau Kolinto 4:6

Talie ko le Atua leia na pati, ke mu le malama i le fakapouli ! ti kua fakamu le malama lena i otatou loto ke fakagigila ai le iloa o le kololia o le Atua i mata o Kilisito.

Filipe 3:8

Ti kua kau tio foki ki nea fuli ofaipe ni nea ke tiaki, o tupu ko le malie tukupau o le iloa o Sesu-Kilisito loku Aliki, leia kua kau fakafiti ai ki nea fuli ; ti e kau tio ki nea ana ofaipe se pela, o tupu ke maua Kilisito ;

Kolose 1:10

o tupu ke kotou saele o gali mo le Aliki, ti ke kotou malilie kiate ia i nea fuli, ti ke kotou maua ia ni fua o lasi i gaoi malilie kesekese, ti ke kotou tupu o lasi i le iloa o le Atua,

Lua tosi kia Timoteo 1:12

Ti ko le tupuaga lena o laku tali a mamae ana ; kae e leaise kau luma fua talie e kau iloa leia kua kau tui ki ai, ti e kau iloa papau e maua e ia le makeke ke taupau ia loku koloa o kaku ki le aso o le fakamaau.

Epelo 8:11

E leaise toe ako loa e se tasi se tasi, Pe e se tasi lona taina, o pati : Ke ke iloa le Aliki ! Talie e iloa loa au e tagata fuli, Mei leia e ikiiki oki o kaku ki leia e lasi oki ia latou ;

Uluaki tosi a Soane 4:6

Ko tatou, e tou kau ki le Atua ; ko leia e iloa ia le Atua, e logo a ia kia tatou ; ko leia e leaise kau ki le Atua, e leaise logo a ia kia tatou : I le nea lena e tou iloa ai le Laumalie o le maoki ti mo le laumalie o le sese.

Uluaki tosi a Soane 5:20

E tou iloa foki na au le Alo o le Atua, ti na soli mai e ia kia tatou le atamai ke iloa ai Leia e Maoki ; ti e tou nofo i Leia e Maoki i lona Alo ko Sesu-Kilisito. Ko Ia leia ko le Atua maoki, ti ko le mauli lee gato.