Oseo 2:18 - Tosi Tapu

¹⁸ I le aso lena, e pati loa le Eteleno : E ke fakaigoa loa au : Loku avaga ! ti e leaise ke toe fakaigoa loa au : Loku pule !

Oseo 2:18 ပူးပေါင်းရင်းမြစ်များ

Sopo 5:22

E ke kata loa ki le maumau mo le oge, Ti e leaise ke toe tuania loa a manu fekai o le kele ;

Sopo 5:23

Talie e ke kaukaunea loa mo fatu o faisaga, Ti e ke tokamalie loa mo manu o le kele.

Pesalemo 148:10

Manu sesegi mo manu lalata fuli, Manu totolo mo manu lele,

Pesalemo 23:2

E fakamalolo e ia au i ni faisaga sesega. E taki e ia au ki ni vai tokamalie.

Pesalemo 46:9

Ke kotou au, ke kotou tio ki gaoi a le Eteleno, Ki maumau ala na fai e ia i le malama nei !

Esaia 2:11

E tuku loa ki lalo le tagata fia nealasi, Ti e tuku loa ke taulalo leia e fia taualuga ; Kae e siki loa ki aluga le Eteleno toka tasi i le aso lena.

Esaia 2:17

E tuku loa ki lalo le tagata fia nealasi, Ti e fakataulalo loa le tagata fia taualuga : Kae e siki loa ki aluga le Eteleno toka tasi i le aso lena.

Esaia 2:4

E liliu loa a ia ko le tui fakamaau o atu puleaga, Ko le alepiti o ni kakai toka api. E lotou fai loa ni piosi ki alatou seleta, Mo ni sele gaoi ki alatou tao : E leaise toe tau loa se puleaga ki se puleaga, Ti e leaise toe ako loa le tau.

Esaia 26:1

I le aso lena e sua loa le katiko leinei i le fenua o Suta : Kua motou maua se kolo tau ; Kua soli mai e ia kia matou le fakamauli ko lomatou paa malui, mo lomatou paa takatakai.

Esaia 32:18

E nofo loa loku kakai i le nofoaga o le tokamalie, I ni fale makeke, I ni fale malolo.

Esaia 54:5

Talie ko lou tupuaga ko lou avaga : Ko lona igoa ko le Eteleno o kau tau ; Ti ko lou fakamauli ko le Sagato o Iselaele : E igoa a ia ko le Atua o le malama nei katoa ;

Esaia 65:25

E kai fakatasi loa le lupo mo le akeno, E kai loa e le laione le mutie ofaipe le pipi tagata, Kae ko le nea kai a le gata ko le efu. E leaise toe fai loa se veli pe ko se maumau I loku mauga maokioki katoa, E pati le Eteleno.

Selemia 23:6

I lona temi, e fakamauli loa a Suta, E maua loa e Iselaele le fimalie i lona nofoaga ; Ti ko leinei le igoa leia e fakaigoa loa a ia ki ai : Le Eteleno lomatou faitotonu.

Selemia 30:10

Ti ko koe, Sakopo, laku tagata fakasausau, aua na ke i, e pati le Eteleno ; Aua na loto gaegae, Iselaele ! Talie e kau saofaki loa a koe i le kele mamao, E kau saofaki loa lou sakoga i le fenua leia na nofo popula ai. E toe liliu loa Sakopo, ti e fiafia loa a ia i le malolo mo le fimalie, Ti e leaise toe fakaveli loa se tasi kiate ia.

Selemia 33:16

I aso ana, e fakamauli loa a Suta, E maua loa e Selusalemi le fimalie i lona nofoaga ; Ti e tuku loa kiate ia le igoa leinei : Le Eteleno lomatou faitotonu.

Esekiele 34:25

E kau fai loa mo latou se sai o le tokamalie, ti e kau fakapuli loa i le fenua a manu fekai ; ti e nofo loa aku ovi i le fimalie i le toafa, ti e lotou momoe loa i loto o vaomatua.

Esekiele 39:1

Ti ko koe, vosa o le tagata, kikite ki Koke ! E ke pati loa : E folafola le Aliki, le Eteleno, o pati : Ko leinei, e kau mamafa kiate koe Koke, Pule o Loseke, mo Meseke, mo Tupale !

Sakalia 14:4

E tuu loa ona vae i le aso lena ki le mauga o Oliveto, Leia e agaaga ki Selusalemi, i le potu esite. E mafaa loa le mauga o Oliveto i loto malie, mei le potu esite ki le potu uesite, Ti e tuu loa se popoko lasi i ai : E solomuli loa se tasi vaelua o le mauga ki le potu noleto, Ti ko se tasi vaelua ki le potu saute.

Sakalia 14:9

E sau loa le Eteleno i le malama nei katoa. I le aso lena, e toka tasi loa le Eteleno, Ti e toka tasi loa lona suafa.

Sakalia 2:11

I le aso lena e api loa a puleaga ala e pipiki loa ki le Eteleno, Ti e liliu loa ko loku kakai. E kau nofo loa i loto malie o ou, Ti e ke iloa loa na kakau mai au kiate koe e le Eteleno o kau tau.

Sakalia 3:10

Talie e folafola le Eteleno o kau tau, o pati : I le aso lena e kotou fefakaafeaki loa i lalo o le vite ti mo lalo o le fiki.

Sakalia 9:10

E kau maumaui loa a saliote o Efalaimi, ti mo osi o Selusalemi ; Ti e too loa a kalolo tau. E fakasa loa e ia le tokamalie ki atu puleaga, Ti e pule loa a ia mei le tai ki le tai, Mei le vaitafe o kaku ki potupotu o le malama nei.