Oseo 2:16 - Tosi Tapu

¹⁶ Koia kua kau loto ai i le aso nei ke kau maselei a ia, ti ke kau taki a ia ki le toafa, ti e kau masau loa ki lona loto.

Oseo 2:16 ပူးပေါင်းရင်းမြစ်များ

Senesi 34:3

Ti na pipiki loa lona loto ki le taine o Sakopo ko Tina. Na mamana loa a ia ki le taine, ti na poto loa a ia i le masau ki lona loto.

Esaia 40:2

Kotou masau ki le loto o Selusalemi, ti kotou kalaga kiate ia Kua oki lona popula, Kua fakamolemole lana agaveli, Kua maua e ia mei le lima o le Eteleno O liuga lua o ana agasala fuli.

Esaia 54:5

Talie ko lou tupuaga ko lou avaga : Ko lona igoa ko le Eteleno o kau tau ; Ti ko lou fakamauli ko le Sagato o Iselaele : E igoa a ia ko le Atua o le malama nei katoa ;

Selemia 3:14

Kotou tafoki mai kiate au, fanau agatuu, e pati le Eteleno, Talie ko au ko lokoutou pule. E kau too loa koutou, tasi i se kolo, lua i se famili, Ti e kau toe aumai loa koutou ki Sione.

Esekiele 20:35

E kau ave loa koutou ki le toafa o kakai, ti e kau fakamaaui loa koutou i oku mua.

Oseo 2:7

Talie na faiaga lolatou tinana, ti ko leia na fakatupu ia latou na fai nea fakalumaluma, o pati : E kau ano loa ki aku feauaki, latou ala na soli ia mai kiate au laku pane, mo laku vai, mo laku fului manu, mo le kie tea, mo le lolo, ti mo laku vino.

Soane 3:29

Ko leia a ana le fafine avaga, ko le tagata avaga ; kae ko le kaukaunea o le tagata avaga, leia e tuu i ona tafa o logo kiate ia, e logoi e ia se fiafia lasi, o tupu ko le leo o le tagata avaga : koia ko le fiafia lena, leia ko looku foki, kua katoa.

Lua tosi ki le kau Kolinto 11:2

Talie e kau finenonofo kia koutou i se finenonofo o le Atua, talie kua kau fakatasii koutou ki se tagata avaga e tasi, o tupu ke kau fakaali koutou kia Kilisito ofaipe se taupoou mea.

Apokalipisi 19:7

Tou fiafia, tou nekenekea, ti tou tuku le kololia kiate ia ; talie kua soko le avaga o le Akeno, kua teuteu lana feauaki,

Tuifakamaau 19:3

Na tuu ake loa le tagata levita, o ano ki lona avaga, ke masau ki lona loto ti ke toe liliu mo ia. Na ano loa a ia mo lana tagata fakasausau tupulaga mo asino e lua. Na fakaulu ake loa e le fafine a ia ki le fale o lona tamana, leia na tali fakafiafia ia loa a ia, i lana tio kiate ia.

Lute 2:13

Ti na pati loa a Lute : Oi, ke kau maua se kalasia i ou mata, ei loku aliki ! Talie kua ke fakapelepelei loku loto, ti kua ke masau ki le loto o lau fafine fakasausau ; logo ai e leaise kau faipe se tasi o au fafine fakasausau.