Oseo 2:15 - Tosi Tapu

¹⁵ E kau totogi loa kiate ia a aso ala na tutu ai e ia le iseso kia Paale, mo aso ala na teuteu ai a ia ki ona matemate mo ona tuikasoa, ti mo aso ala na ano ai a ia ki ana feauaki, kae na galoi e ia au, e folafola le Eteleno.

Oseo 2:15 ပူးပေါင်းရင်းမြစ်များ

Uluaki tosi o Sau 16:31

Na leaise feauga kiate ia lana muli i agasala a Selopoamo, vosa o Nepate, kae na toe too foki e ia Sesapele, taine o Etepaale, sau o le kau Sitone, ke avaga mo ia, ti kua toe ano foki a ia, o tausi kia Paale mo tulolo i ona mua.

Pesalemo 106:12

Ti na lotou tui loa ki ana folafola, Na lotou sua loa ona fakafetai.

Pesalemo 129:1

Katiko o le fanoga tapu. Kua lasi ai lalatou fakaveliveli kiate au talu mei loku ikiiki, - Ke pati Iselaele ! -

Esaia 65:10

E liliu loa le Saloni ko se lotoa ke kai ai a kau manu liliki, Ti mo le vaivailiua o Akole ke se maloloaga o le kau manu lalasi, Ki loku kakai leia e afa ia loa a au.

Esaia 65:21

E lotou fakatuu loa ni fale, ti e lotou nonofo loa i ai ; E lotou to loa ni faisaga vite, ti e lotou kai loa olatou fua.

Selemia 2:1

Na tuku mai loa le folafola a le Eteleno kiate au, o pati :

Selemia 2:2

Ano o kalaga ki taliga o Selusalemi : E folafola le Eteleno, o pati : E kau manatui lou alofa i le temi na ke ikiiki ai, Lou mamana i le temi na ke feauaki ai mo au, Leia na ke mulimuli ai iate au i le toafa, I se kele leia na leaise mauli ai se nea.

Selemia 29:11

Talie e pati le Eteleno, e kau iloa a fakatuutuu ala kua kau fai kia koutou, ko fakatuutuu o le tokamalie kae leai o le malaia, o tupu ke soli kia koutou se apogipogi mo se amanaki malie.

Selemia 3:4

I le lakaga nei, e ke kalaga mai kiate au : Ko loku tamana a koe ! Ko loku kaukau nea a koe i loku ikiiki !

Selemia 32:15

Talie e folafola le Eteleno o kau tau, le Atua o Iselaele, o pati : E toe totogi loa ni fale, mo ni faisaga, mo ni faisaga vite i le fenua leinei.

Tagi laulau a Selemia 3:21

Ko leinei le nea leia e kau loto ke fakamanatu ki loku loto, Le nea leia e soli ia loa se amanaki malie kiate au :

Esekiele 16:22

I loto malie o au aga fakalialia fuli mo au faiaga, na leaise ke manatu fua ki le temi leia na ke ikiiki ai, le temi leia na ke telefua ai, io, leia na ke telefua katoa ai, ti na ke maanu ai i lou toto.

Esekiele 16:60

Kae e kau toe manatui loa laku sai mo koe i le temi o lou ikiiki, ti e kau toe fai loa mo koe se sai lee gato.

Esekiele 16:8

Na kau toe fakalaka i ou tafa, ti na kau tio kiate koe, ti ko leinei, kua soko lou temi ki le alofa. Na kau folasi loa kiate koe le tapatapa o loku kofu, ti na kau uufi loa lou telefua, ti na kau fakapapau loa ke kau agatonu kiate koe, ti na kau fai loa mo koe se sai, e pati le Aliki, le Eteleno, ti na kau maua loa a koe ma aku.

Esekiele 28:25

E folafola le Aliki, le Eteleno, o pati : I le aso leia e kau fakatasii ai loa le fale o Iselaele i loto malie o kakai ala na mavete ai, e kau fakasa loa iate ia loku maokioki i mua o atu puleaga, ti e lotou nonofo loa i lolatou fenua leia na kau soli ki laku tagata fakasausau ko Sakopo.

Esekiele 28:26

E lotou nonofo loa i ai i le tokamalie, ti e lotou fakatuu loa ni fale, ti e lotou to loa ni faisaga vite ; e lotou nonofo loa i ai i le fimalie, i le aso leia e kau fai ai loa aku fakamaau kia latou fuli ala e takatakai ia a ia mo vesia kiate ia. Ti e lotou iloa loa ko au ko le Eteleno, ko lolatou Atua.

Oseo 11:1

I le ikiiki o Iselaele, na kau alofa kiate ia, Ti na kau kalagai loku vosa ke mavae mei Esipito.

Oseo 12:13

Na sola loa Sakopo ki le fenua o Alame, Na fakasausau loa Iselaele ke mau sona avaga, Ti na taupau loa e ia a kau manu ke maua sona avaga.

Oseo 12:9

Ti e pati Efalaimi : Kua kau soko maoki o mou koloa, Kua kau maua se koloa lasi ; Ti ko le fua katoa a ia o laku gaoi. E leaise maua loa iate au se agaveli, pe ko se nea fua e sala.

Oseo 13:4

Kae ko au, ko le Eteleno au, lou Atua, talu mei le fenua o Esipito. E leaise ke iloa se tasi ake Atua kese iate au, Ti e leai se tasi ake fakamauli kese iate au.

Oseo 2:12

Ti ko leinei e kau fakasa loa lona matagafua ki mata o ana feauaki, ti e leaise saofaki loa a ia e se tasi mei loku lima.

Amosi 9:14

E kau toe aumai loa le kau popula o loku kakai ko Iselaele. E lotou toe laga loa a kolo maumau, ti e lotou nonofo loa i ai. E lotou to loa ni vite ti e lotou inu loa lona vino. E lotou fai loa ni oloto ti e lotou kai loa lona fua.

Sakalia 9:12

Kotou toe liliu ki le kolo makeke, kau popula kua apele i le amanaki malie ! I le aso nei foki e kau fakasa maoki, E kau toe soli loa kiate koe o liuga lua.

Numelo 21:17

Ti na sua loa e fanau a Iselaele le katiko leinei : Ke kotou apelepele, ei sosoni ! Ke kotou sua fakavikiviki kiate ia !

Soane 10:9

Ko au ko le matapa. Kapau e ulu se tasi iate au, e mauli loa a ia ; e ulu loa a ia ki loto ti ulu loa ki fafo, o maua i ai ni faisaga sesega.

Gaoi 14:27

I lala kaku ki Atiokia, na la fakatasii loa le Ekelesia, ti na la fakamatala loa a nea fuli ala na fai e le Atua ia laua, lana fakamavaa ki le kau pagani le matapa o le tui.

Sosue 7:26

Ti na lotou fakatuu loa i ona aluga se tuuga fatu leia koi sa i le aso nei, ti na tafoki loa le Eteleno mei lona sausau. Koia na fakaigoa ai loa le ganea lena ko le popoko o Akole.

Tuifakamaau 8:34

Na galoi loa e fanau a Iselaele le Eteleno, lolatou Atua, leia na saofaki ia latou mei le lima o olatou fili fuli ala na takatakai ia latou.