Oseo 2:11 - Tosi Tapu

¹¹ Koia e kau toe too ai loa laku fulumeto i lona temi ti mo laku vino i lona lakaga, ti e kau too loa laku fului manu mo le kie leia na tonu ke fufu ia lona telefua.

Oseo 2:11 ပူးပေါင်းရင်းမြစ်များ

Uluaki tosi o Sau 12:32

Na fakatuu loa e ia se aso lasi i le valu o masina, i le aso kau agafulu tupu lima, ofaipe le aso lasi leia e fakamanatu i Suta, ti na momoli loa e ia ni sakilifisio i le aletale. Ko leinei le nea leia na fai e ia i Petele, o tupu ke momoli ni sakilifisio ki pipi ala na fakatuu e ia. Na fakanofo loa e ia i Petele le kau pelepitelo o potu taualuga ala na fakatuu e ia.

Selemia 16:9

Talie e folafola le Eteleno o kau tau, le Atua o Iselaele, o pati : Ko leinei, e kau fakagato loa i le ganea leinei, i okoutou mua, i okoutou aso, A kalaga fakafiafia mo kalaga nekenekea, A sua a le tama feauaki mo sua a le taine feauaki.

Selemia 25:10

E kau fakagato loa ia latou a kalaga fakafiafia mo kalaga nekenekea, a sua a le tama feauaki mo sua a le taine feauaki, le logoa o le fatu fakamalu fulumeto mo le ula o le malama.

Selemia 7:34

E kau fakagato loa i kolo o Suta ti mo ala o Selusalemi A kalaga fakafiafia, mo kalaga nekenekea, A sua a le tama feauaki ti mo sua a le taine feauaki ; Talie e liliu loa le fenua ko se toafa.

Esekiele 26:13

E kau fakagatogato loa le logoa o au sua, ti e leaise toe logo loa ki le musika o au alepe.

Oseo 3:4

Talie e nonofo loa a fanau o Iselaele o fualoa sala sau, mo sala pule, mo sala sakilifisio, mo sala fatu mauiga, mo sala efote, ti mo sala telafimi.

Oseo 5:7

Na leaise lotou agatonu ki le Eteleno, Talie na lotou fanaui ni toe vao ; I le lakaga nei, ko se masina fai e tasi e feauga ke maumaui ai latou mo olatou nea malilie.

Levitiko 26:20

E maumau noa loa okoutou makeke, kae e leai sona fua : e leaise soli loa e le kele ona magiti, ti e leaise soli loa e laakau olatou fua.

Amosi 5:21

E kau vesia, e kau fakalialia ki okoutou aso lalasi. E leaise koi kau fia sauga fua ki akoutou fakatasi.

Amosi 8:3

I aso ana, e liliu loa a sua o fale sau ko ni tagi laulau, E pati le Aliki, le Eteleno ; E laku fakalologo loa i ganea fuli ni mate mauke ai.

Amosi 8:5

E kotou pati : Ke oki vave la a aso lalasi o le masina foou, Kae feala ke motou toe fakatau lamatou fulumeto ! Ke oki vave la le sapato kae toe fakamavaa omatou fale tanaki fulumeto ! E motou fakaikiiki loa le kilo, kae motou siki loa lona totogi, E motou fakasalasala loa a fua ke kakaai.

Naume 1:10

Talie e fui loa latou ofaipe ni vao talatala, Ti e lotou konana loa i le vino, E tutu loa latou, Ofaipe le penui fulumeto malo, katoa.