Oseo 2:1 - Tosi Tapu

¹ Kae e tatau loa le api o fanau a Iselaele mo le one o le tai, leia e leaise feala ke fua pe ke lau ; ti e leaise toe pati loa kia latou : E leaise ko loku kakai koutou ! Kae pati loa kia latou : Vosa o le Atua mauli !

Oseo 2:1 ပူးပေါင်းရင်းမြစ်များ

Senesi 22:17

E kau tapuaki loa kiate koe, ti e kau liuliuga loa lou sakoga ofaipe fetuu o le lagi mo le one o le mata tai ; ti e maua loa e lou sakoga le matapa o ona fili.

Selemia 31:33

Kae ko leinei le sai leia e kau fai loa mo le fale o Iselaele, I le oki a aso ana, e pati le Eteleno : E kau tuku loa laku lao ki olatou loto, E kau tosi loa a ia i olatou mafu, Ti e kau liliu loa ko lolatou Atua, Ti e lotou liliu loa ko loku kakai.

Selemia 32:38

E lotou liliu loa ko loku kakai, Ti e kau liliu loa ko lolatou Atua.

Selemia 51:5

Talie e leaise tiaki Iselaele mo Suta e lola Atua, E le Eteleno o kau tau, Ti kua apele le fenua o le kau Kaletea i agasala Ki le Sagato o Iselaele.

Esekiele 11:20

O tupu ke lotou mulimuli i aku fakatotonu, Ti ke lotou tausi mo fai aku lao ; Ti e lotou liliu loa ko loku kakai, ti e kau liliu loa ko lolatou Atua.

Esekiele 36:11

E kau liuliuga loa kia koutou a tagata mo manu ; E lotou liuliuga loa mo fanaunau loa ; E kau loto ke kotou nofo i le fenua ofaipe le temi mua, Ti e kau tapuaki loa kia koutou o lasi ake i le temi mua ; Ti e kotou iloa loa ko au ko le Eteleno.

Esekiele 36:28

E kotou nonofo loa i le fenua leia na kau soli ki okoutou tamana ; ti e kotou liliu loa ko loku kakai, ti e kau liliu loa ko lokoutou Atua.

Esekiele 37:27

E tuu loa loku nofoaga i lotolotoga o latou ; e kau nofo loa i ai ko lolatou Atua, ti ko latou ko loku kakai.

Oseo 2:2

E fakatasi loa fanau o Suta mo fanau o Iselaele, ti e lotou filifili loa se pule kia latou, ti e lotou mavae loa i le fenua ; talie e fakaii loa le aso o Siseleele.

Oseo 2:23

E folafola le Eteleno, o pati : I le aso lena, e kau tali loa, e kau tali loa ki le lagi, e tali loa e ia le kele ;

Sakalia 13:9

E kau tuku loa le vaega tolu lena ki le afi, Ti e kau fakamea loa a ia ofaipe le fakamea o le paaga, E kau fakamea loa a ia ofaipe le fakamea o le aulo i le afi. E fetapa loa a ia ki loku suafa, ti e kau tali loa kiate ia, E kau pati loa : Ko loku kakai ! Ti e pati loa a ia : Ko le Eteleno ko loku Atua !

Lua tosi ki le kau Kolinto 4:1

Koia, i lama maua le gaoi lena o mulimuli ki le manavaalofa leia na tuku mai kia maua, e leaise ma loto gaegae.

Uluaki tosi kia Timoteo 1:13

a au leia na nofo i mua ko se tagata fatituu ki le Atua, ko se tagata fakaveliveli, ko se tagata agamakeke. Kae na manavaalofa le Atua kiate au, talie na kau fai a nea ana i le fakapouli, talie na leaise kau tui ;

Uluaki tosi a Petelo 2:10

koutou ala na leaise ko se kakai i mua, kae kua liliu i le temi nei ko le kakai o le Atua, koutou ala na leaise maua ia lona manava alofa, kae kua kotou maua a ia i le temi nei.