Oseo 14:9 - Tosi Tapu

⁹ Ko leia e poto ke tokaga ki nea anei ! Ko leia e atamai ke matala ki nea anei ! Talie e totonu a ala o le Eteleno ; E saele loa i ai le kau agatonu, Kae e sisiga loa i ai le kau agatuu.

Oseo 14:9 ပူးပေါင်းရင်းမြစ်များ

Senesi 18:25

E leaise feala ke ke tamate le tagata agatonu mo le tagata agasala, o sakinake e ke fakatatau loa le tagata agatonu mo le tagata agasala : Ke mamao iate koe le fai lena ! Ke mamao ai iate koe ! Ko Leia e fakamaau ia le malama nei katoa pe leaise mulimuli a ia ki le faitotonu ?

Sopo 17:9

Kae e tuu makeke aifai le tagata agatonu i lona ala, ti e asilisili lotomakeke leia e mea ona lima.

Pesalemo 107:43

Ke tokaga leia e poto ki nea ana, Ti ke matala a ia ki agamalie o le Eteleno.

Pesalemo 119:128

Koia e kau pati ai e totonu au fakatotonu fuli ; Ti e kau vesia ai ki ala fuli o le loi.

Pesalemo 119:75

E kau iloa, ei Eteleno ! e totonu au fakamaauaga ; Talie ko lou agatonu leia na ke fakamamae ai au.

Pesalemo 84:5

Manuia latou ala e nonofo i lou fale ! Koi lotou mafai ke fakafetai kiate koe. - Manava.

Pesalemo 84:7

Ka lotou ano i le toafa o Paka, E lotou fakaliliu a ia ko se ganea e apele i matapuna vai, Ti e fakaapele foki a ia e le ua ki ni tapuakina.

Taagapati 10:29

Ko le ala o le Eteleno ko se paa makeke ki le agatonu ; Kae e soko le maumau kia latou ala e fai ia le veli.

Taagapati 16:21

Ko leia e poto i le loto e igoa e atamai, Ti ko le agamalu o masau e fakalasi ia le poto.

Taagapati 4:18

Ko le ala o le kau agatonu e faipe le malama gigila, Leia e asilisili gigila lona malama o kaku ki le loto malie o le aso.

Esaia 1:28

Kae e maumaui loa latou fuli ala e agatuu mo latou fuli ala e agasala, Ti e mamate loa latou fuli ala e tiaki ia le Eteleno.

Esaia 17:8

E leaise toe tio loa a ia ki aletale, Gaoiaga o ona lima, Ti e leaise toe tokaga loa a ia ki nea ala na fau e ona maikao, A taulaatua o Asetalate mo fakatata o le laa.

Esaia 26:7

Ko le ala o le tagata agatonu ko le maokioki ; Ko koe, e ke agatonu, e ke fakatokatoka le ala o le tagata agatonu.

Selemia 29:12

E kotou kalaga mai loa kiate au, ti e kotou ano loa ; e kotou faikole mai loa kiate au, ti e kau fakalogo atu loa kia koutou.

Selemia 9:12

Kofea le tagata poto leia e matala ki nea anei ? Ke fakasa e ia a ia, e leia na masau ki ai le gutu o le Eteleno ! Kolea kua maumau ai le fenua, Kua vela ai ofaipe se toafa leia e leaise fakalaka ai se tasi ?

Esekiele 11:18

Ko lena le ganea e lotou ano loa ki ai, Ti e lotou too loa i ai a taulaatua fuli mo nea fakalialia fuli.

Esekiele 18:25

E kotou pati : E leaise sako le ala o le Aliki. Koia ke kotou fakalogo mai, fale o Iselaele ! Pe ko loku ala leia e leaise sako ? Pe leaise ko okoutou ala ala e leaise sako ?

Esekiele 36:25

E kau liligi loa kia koutou se vai mea, ti e kotou mea loa ; e kau fakamea loa koutou i akoutou aga fakalialia fuli mo okoutou taulaatua fuli.

Taniela 12:10

E toka api loa latou ala e fakamea loa, mo fakatetea loa, ti mo asiasii loa. E soko atu loa e le kau agatuu le fai o le veli, talie leaise lotou matala fua ki se nea, kae e matala loa latou ala e atamai.

Sofoni 3:5

Kae e faitotonu le Eteleno i loto malie o ia, E leaise fai e ia se nea e veli ; I usu fuli e fakasa e ia ki le malama ana fakamaauaga, Ti e leaise toe faisala a ia i le nea lena ; Kae ko leia e agaveli e leaise iloa ia le luma.

Sakalia 10:6

E kau fakamakeke loa le fale o Suta, Ti e kau saofaki loa le fale o Sosefo ; E kau toe aumai loa latou, talie e kau alofa loa kia latou, Ti e lotou fai loa pe ni iki ala na leaise kau tiaki ; Talie ko au ko le Eteleno, lolatou Atua, ti e kau tali loa latou.

Mateo 11:19

Na au le Vosa o le tagata, o kai mo inu, ti na lotou pati : Ko se tagata kai fakavale a ia ti ko se tagata inu kava a ia, ko se kaukau nea a ia o le kau popelikano mo le kakai mauli veli. Kae na fakasa le poto o le Atua e ana gaoi.

Luka 2:34

Na tapuaki loa Simeone kia latou, o pati kia Malia, lona tinana : Ke ke iloa, kua fakatuu le fanau leinei ke tukia ai ti ke toe lagai ai se toka api i Iselaele, ti ke liliu a ia ko se fakamailoga ki ai,

Luka 7:23

Manuia leia e leaise tukia loa iate au !

Soane 15:24

Kanapau na leaise kau fai i lotolotoga o latou ni gaoi ala na leaise fai e se tasi, e leaise sa loa lalatou agasala ; kae ko leinei kua lotou tio kia latou, ti kua lotou vesia kiate au mo loku Tamana.

Soane 18:37

Na pati loa Pilato kiate ia : Pe ko se sau koia a koe ? Na tali loa Sesu : E ke fakasa a ia, e kau sau. Na kau tupu ti na kau au ki le malama nei o fakamaoki ki le maoki. Ko leia e nofo i le maoki, e logo a ia ki loku leo.

Soane 8:47

Ko leia e tupu mei le Atua e fakalogo a ia ki folafola a le Atua ; e leaise kotou fakalogo, talie e leaise kotou tupu mei le Atua.

Soane 9:39

Ti na pati loa Sesu : Na kau au ki le malama nei o tupu ko se fakamaau : talie ke tio latou ala na kivi, ti ke liliu o kivi latou ala na tio.

Gaoi 13:10

Ko le tagata a koe kua apele i kaka fuli ti mo veli fuli, ko le vosa o le temonio, ko le fili o le maokioki, pe leaise tuku lau fakavelii a ala totonu o le Aliki ?

Loma 7:12

Koia e maokioki ai le lao, ti e maokioki le fakatotonu, mo totonu, ti mo malie.

Tetelonome 32:4

Ko le Utu a ia ; e malie tukupau ana gaoi, Talie e agatonu ona ala fuli, Ko se Atua agatonu mo faitotonu a ia, E apele a ia i le agatonu mo le maokioki.

Apokalipisi 15:3

Ti na lotou sua loa le katiko a Moisese ko le tagata fakasausau a le Atua, ti mo le katiko o le Akeno, o pati : E lalasi ai mo fulumalie ai au gaoi, ei Aliki ko le Atua Mafimafi ! E maokioki mo maoki ou ala, Sau o atu puleaga !