Oseo 14:8 - Tosi Tapu

⁸ Efalaimi, pe koi i ai se nea iate koe mo taulaatua ? E kau tali loa lana kole, e kau tagaki loa kiate ia, E kau liliu loa kiate ia ofaipe se sipele sesega. E ke maua loa lou fua iate au.

Oseo 14:8 ပူးပေါင်းရင်းမြစ်များ

Sopo 33:27

E sua loa a ia o fakasa ki tagata fuli : Na kau agasala, na kau maumaui le lao, kae na leaise fakatua au o mulimuli ki laku agaveli ;

Sopo 34:32

Fakasa mai kiate au le nea leia e leaise kau tio ki ai ; Kapau na kau fai ni sala, e leaise kau toe fai loa latou ?

Esaia 41:19

E kau tuku loa i le toafa le sete, mo le akasia, Le mila mo le olive ; E kau tuku loa i le potu kele kaka Le sipele, mo le oleme, ti mo le pui, fakatasi fuli ;

Esaia 55:13

E tupu loa le sipele i le ganea leia na tuu ai le laakau talatala, Ti e tupu loa le mila o fetogi le vao veli ; Ti e liliu loa le nea lena ko se kololia ki le Eteleno, Ko se fakamanatu lee gato, leia e leaise toe puli loa.

Esaia 60:13

E au loa kiate koe le kololia o Lipane, Le sipele, mo le oleme ti mo le pui, latou fuli fakatasi, Ke teuteu ai loku sagatualio, Ti e kau fakakololia loa le ganea leia e malolo ai oku vae.

Esekiele 17:23

E kau to loa a ia i se mauga taualuga o Iselaele ; ti e toe sosomo loa ni ona laa ti e toe fua loa a ia ; ti e liliu loa a ia ko se sete fulumalie. E malolo loa a manu lele kesekese fuli i ona lalo, ti e malolo loa a manu fuli ala e mua ni olatou kapakau i le malu o ona laa.

Esekiele 36:25

E kau liligi loa kia koutou se vai mea, ti e kotou mea loa ; e kau fakamea loa koutou i akoutou aga fakalialia fuli mo okoutou taulaatua fuli.

Luka 15:20

Ti na tuu loa a ia ki aluga, ti na ano loa a ia ki lona tamana. Koi natu a ia i mamao, kae kua tio mai lona tamana kiate ia, ti na manavaalofa loa a ia, ti na makape loa a ia, o fui lona vosa ki ona lima, ti mo sogi kiate ia.

Soane 1:16

Ti kua tou tali fuli mei lona apele katoa le kalasia ki le kalasia ;

Efeso 5:9

Talie ko le fua o le malama ko agamalie fuli, mo faitotonu fuli, ti mo maoki.

Filipe 1:11

ti ke kotou apele i le fua o le maokioki leia ia Sesu-Kilisito, ke kotou fakakololia ai mo fakavikiviki ai ki le Atua.

Filipe 2:13

talie ko le Atua leia e fakatupu ia ia koutou le loto mo le fai o lona finegalo malie.

Filipe 4:13

E kau mafai a nea fuli i leia e fakamakeke ia au.

Uluaki tosi ki le kau Tesalonika 1:9

Talie e fakamatala, o uiga mo matou, pe na feaki lakotou tali matou ti mo lakotou tafoki ki le Atua, o tiaki a taulaatua, kae ke tausi le Atua mauli mo maoki,

Sakopo 1:17

Ko kalasia malilie fuli ti mo nea alofa malilie tukupau fuli, e lotou ifo mei aluga, mei le Tamana o malama, leia e leaise toe fetogi pe moumou lakaga.