Oseo 14:7 - Tosi Tapu

⁷ E lotou toe liliu mai loa o tonatona i lona malu, E lotou toe soli loa le mauli ki le fulumeto, ti E lotou se loa ofaipe le vite ; E lotou maua loa le logologona o le vino o Lipane.

Oseo 14:7 ပူးပေါင်းရင်းမြစ်များ

Pesalemo 138:7

Kapau e kau saele i loto malie o le mamae, e ke toe soli mai kiate au le mauli, E ke falo lou lima ki le itaita o oku fili, Ti e fakamauli au e lou lima atamai.

Pesalemo 85:6

Pe ke ita loa kia matou o lee gato ? Pe sosolo loa lou ita i tautupu fuli ?

Pesalemo 91:1

Ko leia e nofo i le potu lilo o le Taualuga E malolo i le malu o le Mafimafi.

Katiko o Katiko 2:3

Ofaipe se pome i loto malie o laakau o le vao, E fenaaki loku alofaaga i lotolotoga o tama tupulaga. Na kau oli ke kau tonatona i lona malu, Ti e suamalie lona fua ki loku gutu.

Katiko o Katiko 4:11

Ei laku feauaki, e sali i ou laugutu le meli, Ti e maua i lalo o lou alelo le meli mo le sua u ; Ti ko le manogi o ou kofu e faipe le manogi o le Lipane.

Katiko o Katiko 6:11

Na kau ifo ki le oloto o tuitui, O tio pe kua sosomo le vao i le vaivailiua, O tio pe kua somo le vite i faisaga, Pe kua se a kelenati.

Esaia 61:11

Talie, ofaipe le kele leia e fakasomo ia lona pulapula, Ti e faipe le oloto leia e fakatupu ia ona fakaili, E fakatupu loa e le Aliki, le Eteleno, le fakamauli mo le fakafetai I mua o atu puleaga fuli.

Esekiele 17:23

E kau to loa a ia i se mauga taualuga o Iselaele ; ti e toe sosomo loa ni ona laa ti e toe fua loa a ia ; ti e liliu loa a ia ko se sete fulumalie. E malolo loa a manu lele kesekese fuli i ona lalo, ti e malolo loa a manu fuli ala e mua ni olatou kapakau i le malu o ona laa.

Oseo 14:5

E kau liliu loa ofaipe le sasau ki Iselaele, E se loa a ia ofaipe le lilio, Ti e somo loa ona aka ofaipe le Lipane.

Oseo 2:21

E kau liliu loa ko lou avaga o lee gato ; io, e kau liliu loa ko lou avaga i le faitotonu, mo le maoki, ti mo le kalasia, ti mo le manava alofa ;

Oseo 2:22

E kau liliu loa ko lou avaga i le agatonu, ti e ke iloa loa le Eteleno.

Oseo 6:2

E toe tuku loa e ia le mauli kia tatou i le sili o aso e lua ; I le tolu o aso e fakatuu loa e ia tatou ki aluga, Ti e tou mauuli loa i ona mua.

Sakalia 8:12

Talie e mauli loa a pulapula ala na to, ti e fua loa le vite, ti e soli loa e le kele ona fua, ti e tuku loa e le lagi lona sasau ; e kau fakafiafia loa le loto o le toega o loku kakai ki nea fuli ana.

Soane 11:25

Na pati loa Sesu kiate ia : Ko au ko le toe tuuake mo le mauli. Ko leia e tui kiate au e mauli loa a ia, tatau aifai pe mate a ia ;

Soane 12:24

E maoki, e maoki, e kau pati atu kia koutou, kapau e leaise vilo le fuai fulumeto ki le kele o pala, e nofo toka tasi a ia ; kae kapau e pala a ia, e fua a ia o lasi ai.