Oseo 14:5 - Tosi Tapu

⁵ E kau liliu loa ofaipe le sasau ki Iselaele, E se loa a ia ofaipe le lilio, Ti e somo loa ona aka ofaipe le Lipane.

Oseo 14:5 ပူးပေါင်းရင်းမြစ်များ

Lua tosi a Samuele 23:4

E tatau a ia mo le malama o le usu, mo ka sopo ake le laa, Ti e leaise aoaoa le lagi i le pogipogi usu ; E fakasosomo ake e lona malama le vao mei le kele, i le oki o le ua.

Lua tosi o Sau 19:30

Ko le nea leia e sao loa mei le fale o Suta, le nea leia e toe loa e toe sosomo loa ona aka i le kele, ti e kalulu loa ona fua i aluga.

Sopo 29:19

E ulu loa le vai ki oku aka, Ti e fakamokomoko loa e le sasau o le mafoata oku laa.

Pesalemo 133:3

E fai a ia pe le sasau o le Elemoni, Leia e ifo ki mauga o Sione ; Talie ko le ganea lena e kakau mei ai e le Eteleno le tapuakina, Le mauli, ki le lee gato.

Pesalemo 72:16

E lasi loa le fulumeto i le fenua, i le tumutumu o mauga, Ti e taugaoi loa olatou taulu fulumeto ofaipe laakau o Lipane ; E se loa a tagata i kolo ofaipe le mutie o le fenua.

Pesalemo 72:6

E fai loa a ia pe se ua leia e ifo ki se kele na faala, Ofaipe ni ua lalasi ala e fakavai ia le ulu fenua.

Pesalemo 80:9

Na ke taaki se vite i Esipito, Na ke kapu ni puleaga, kae na ke to a ia.

Pesalemo 92:12

E fiafia loku mata i le tio ki oku fili, Ti mo loku taliga i le logo ki le kau agaveli e vesia kiate au.

Pesalemo 92:13

E tutupu sako le kau agatonu ofaipe le palemie, E lotou lalasi ofaipe le sete o Lipane.

Taagapati 19:12

Ko le ita o le sau e faipe le gugulu o le laione, Ti ko lona agamalie e faipe le sese i le mutie.

Katiko o Katiko 2:16

Ko loku alofaaga a aku ; ti ko au, a ana ; E fagai e ia lana kau manu i lotolotoga o lilio.

Katiko o Katiko 4:5

Ko ou fa u e lua e faipe ni uviki tia e lua, Pe ni masaga a se kaseli fafine, Ala e kai i loto malie o lilio.

Esaia 12:1

E ke pati loa i le aso lena : E kau fakafetai kiate koe, Eteleno ! Talie na ke sausau kiate au, Kae kua ke fakamaliu lou ita iate au, ti kua ke fakafimalie au.

Esaia 18:4

Talie na folafola mai le Eteleno kiate au, o pati : E kau tio fakafulufulumalie mei loku nofoaga, I le vevela gigila o le malama, I le aafu o le sasau, i le temi vevela leia e tuuti ai le fulumeto.

Esaia 26:19

Ke toe mauuli ou mate ! Ke toe tutuu ake ki aluga oku mate ! Kotou alaala ti kotou fiafia, kakai o le efu ! Talie ko lou sasau ko se sasau fakamauli, Ti e toe soli loa e le kele le malama o le aso ki le kau mate.

Esaia 27:6

I temi ka au, e tauaka loa Sakopo, E toe sosomo loa ni se i Iselaele ti mo ni uli, Ti e fakaapele loa e ia le malama nei ki ona fua.

Esaia 35:2

E se apele loa a ia i se, ti e soposopo loa a ia i le fiafia, I ni sua fakafiafia, ti mo ni kalaga o le malo ; Ti e soli loa kiate ia le kololia o Lipane Ti mo le fulumalie o le Kalemelo mo Saloni. E lotou tio loa ki le kololia o le Eteleno, Mo le fulumalie o lotatou Atua.

Esaia 44:3

Talie e kau liligi loa ni vai ki le fenua kua mate i le fia inu, Ti mo ni liua ki le kele malo ; E kau liligi loa loku Laumalie ki lou sakoga, Ti mo laku tapuakina ki ou uli.

Esaia 45:8

Ke ifo a atu lagi mei aluga Ti ke tuku e ao ke sali le faitotonu ! Ke mavaa le kele, ke tupu i ai le fakamauli, Ti ke toe tupu foki i ai le faitotonu ! Ko au, le Eteleno, e kau fakatupu ia a nea ana.

Esaia 57:18

Na kau tio ki ona ala, Ti e kau fakamauli loa a ia ; E kau liliu loa kiate ia ko lona tagata taki, Ti e kau fakapelepele loa a ia, a ia ti mo latou ala e tagi mo ia.

Esaia 57:19

E kau tuku loa le fakafetai ki ona laugutu. Tokamalie, tokamalie ki leia e mamao ti mo leia e feofi ! e pati le Eteleno. E kau fakamauli loa latou.

Selemia 3:22

Kotou tafoki mai kiate au, fanau agatuu : E kau fakamolemole loa akoutou agatuu. Ko nei matou, e motou ano kiate koe, Talie ko le Eteleno a koe, lomatou Atua.

Selemia 32:41

E kau fiafia loa i le fai o le nea leia e malie kia latou, Ti e kau to fakamaokioki loa latou i le fenua leinei, I loku loto katoa mo loku laumalie katoa.

Oseo 6:3

Tou iloa, tou afa ke iloa le Eteleno ; Ko lana au e maoki ofaipe le au o le mafoata. E au loa a ia kia tatou ofaipe le ua, Ofaipe le ua o le temi mafana leia e fakavai ia le kele.

Mikea 5:7

E nofo loa le toega o Sakopo i lotolotoga o atu puleaga, I loto malie o ni kakai toka api, Ofaipe se laione i lotolotoga o manu o le vaomatua, Ofaipe se uviki laione i lotolotoga o kau ovi : Ka fakalaka a ia, e takatakafi e ia ti e sae e ia, Ti e leaise saofaki e se tasi.

Mikea 7:18

Ko le Atua fea leia e tatau mo koe, Leia e fakamolemole ia le agaveli, leia e galoi ia agasala O le toetoega o lou tofiga ? E leaise taupau e ia lona sausau o lee gato, Talie e fiafia a ia i le manava alofa.

Mateo 6:28

Ti kolea e kotou tuania ai ki le nea lava ? Kotou tio mua pe feaki le tutupu ake o se o le vao : E leaise lotou gaoi pe lalaga ;

Luka 12:27

Kotou tio pe feaki le tutupu o sei laakau o le vao : E leaise lotou gaoi mo lalaga ; kae e kau fakasa atu kia koutou, ko Salomone foki, i lona kololia katoa, na leaise teu ofaipe se tasi o sei laakau ana.

Efeso 3:17

o tupu ke nofo Kilisito i okoutou loto i le tui ; ti ke kotou tauaka mo fakatafito i le alofa,

Tetelonome 32:2

Ke vilo laku akonaki ofaipe se ua, Ke vilo laku masau ofaipe se sese, Ofaipe se sasau ki le vao sesega, Ofaipe ni motii vai ki le mutie !