Oseo 14:4 - Tosi Tapu

⁴ E kau fakamauli loa Iselaele i lana agatuu, E kau alofa maoki loa kia latou ; Talie kua maliu loku sausau ia latou.

Oseo 14:4 ပူးပေါင်းရင်းမြစ်များ

Pesalemo 10:14

Kae e ke tio maoki, talie e ke tio ki le pakia mo le mamae, Ti e ke tokaga ki olatou mauli. Ko koe leia e fanaki ki ai le tagata mativa ! Ko koe leia e tokoi ki le toe sala matua !

Pesalemo 20:8

E fanaki latou anei ki alatou saliote, ti ko latou ala ki alatou osi ; Kae ko matou, e motou too le suafa o le Eteleno, lomatou Atua.

Pesalemo 78:38

Kae, i lona manava alofa, e fakamolemole e ia le agaveli, ti e leaise maumaui e ia. E tau taofi e ia lona sausau, ti e leaise tuku e ia ke vilo lona mamafa katoa.

Ekesote 15:26

Na pati loa a ia : Kapau e ke tokaga malie ki le leo o le Eteleno lou Atua, kapau e ke fai le nea leia e totonu ki ona mata, kapau e fakalogo lou taliga ki ana fakatotonu, kapau e ke tausi ana lao fuli, ti e leaise kau tautea loa a koe ki se masaki i masaki ala na kau tautea ki ai le kau Esipito ; talie ko au ko le Eteleno leia e fakamauli ia a koe.

Esaia 12:1

E ke pati loa i le aso lena : E kau fakafetai kiate koe, Eteleno ! Talie na ke sausau kiate au, Kae kua ke fakamaliu lou ita iate au, ti kua ke fakafimalie au.

Esaia 55:1

Koutou fuli ala e fia inu, kotou au ki atu vai, Mo leia foki e leaise maua ia sana paaga ! Kotou au, kotou totogi ti kotou kai, Kotou au, kotou totogi se vino mo se sua u, sala paaga, sala totogi !

Esaia 57:18

Na kau tio ki ona ala, Ti e kau fakamauli loa a ia ; E kau liliu loa kiate ia ko lona tagata taki, Ti e kau fakapelepele loa a ia, a ia ti mo latou ala e tagi mo ia.

Selemia 14:7

Kapau kua fakamaoki amatou agaveli kia matou, Kae ko koe, ei Eteleno, gaoi o tupu ko lou suafa ! Talie kua lasi amatou agatuu, Kua motou agasala kiate koe.

Selemia 17:14

Eteleno, fakamauli au i loku masaki, ti e kau mauli loa ; Fakamauli au, ti e kau mauli loa ; Talie ko koe ko loku kololia.

Selemia 3:22

Kotou tafoki mai kiate au, fanau agatuu : E kau fakamolemole loa akoutou agatuu. Ko nei matou, e motou ano kiate koe, Talie ko le Eteleno a koe, lomatou Atua.

Selemia 31:20

Pe ko Efalaimi ko se vosa alofaina kiate au ? Se fanau leia e fakafiafia ia loku loto ? Talie ka lasi laku masau kiate ia, ti e toe lasi ake laku manatu kiate ia ; Koia e mamae ai loku manava o tupu ko ia : E kau alofa loa kiate ia, e pati le Eteleno.

Selemia 33:6

Ko leinei, e kau soli loa kiate ia le mauli mo le malolo, ti e kau faitoo loa latou, Ti e kau fakamavaa loa kia latou se matapuna lasi o le tokamalie mo le agatonu.

Selemia 5:6

Koia e tamate ai latou e le laione o le vao, E maumaui ai latou e le lupo o le toafa, E lamalama ai latou e le taika i mua o olatou kolo ; Ko latou fuli ala e mavae loa i kolo e sae loa ; Talie kua lasi ai alatou agasala, ti kua liuliuga ai alatou agatuu.

Selemia 8:22

Pe leaise maua se faitoo i Kalaate ? Pe leai se toketa ? Kolea e leaise fai ai le fakamauli o le taine o loku kakai ?

Esekiele 33:14

Ti kapau e kau pati ki le tagata agaveli : E ke mate loa ! - kae kapau e tafoki loa a ia i lana agaveli, o fai le nea leia e totonu mo maoki,

Esekiele 36:36

Ti e iloa loa e puleaga ala e nonofo loa i okoutou tafatafa ko au, le Eteleno, na kau toe fakatuu le nea leia na maumaui, ti na kau toe to ia le kele leia na tiaki. Ko au le Eteleno, kua kau masau, ti e kau fai loa a ia.

Oseo 11:7

E pipiki loku kakai ke fakamamao iate au ; E toe fakamanatu kia latou le Taualuga, Kae e leaise tasi fua ia latou e fakavikiviki kiate ia.

Oseo 2:19

E kau too loa mei lona gutu a igoa o Paale, o tupu ke aua na toe too olatou igoa.

Oseo 6:1

Kotou au, tou toe liliu ki le Eteleno ! Talie na saei e ia, kae e fakamauli loa e ia tatou ; Na taai e ia, kae e sai loa e ia otou lavea.

Sofoni 3:17

E nofo le Eteleno, lou Atua i loto malie o ou, ofaipe se tagata toa leia e fakamauli ia a koe ; E maua loa lona fiafia lasi iate koe ; E fakalologo loa a ia i lona alofa ; E sua fakafiafia loa a ia kiate koe.

Numelo 25:11

Ko Finesi, vosa o Eleasale, vosa o le tagata faisakilifisio lasi ko Alone, na fakamaliu ia loku sausau mei fanau a Iselaele, talie na fakasa e ia le finenonofo o lona Atua i loto malie o fanau a Iselaele ; koia na leaise kau tamate ai latou, i loku finenonofo.

Numelo 25:4

Na pati loa le Eteleno kia Moisese : Fakatasii a pule fuli o le kakai, ti ke tautau latou ala kua agasala i mua o le Eteleno, o fakatio latou ki le laa, o tupu ke maliu kese le sausau o le Eteleno i Iselaele.

Loma 3:24

ti kua fakamatonu fakaalofa latou e lona kalasia, i le totogi leia e maua ia Sesu-Kilisito.

Efeso 1:6

ke fakafetai ki le kololia o lona kalasia leia kua soli fakaalofa e ia kia tatou i lona Alo alofaina.

Lua tosi kia Timoteo 1:9

leia kua fakamauli ia tatou, ti kua kalagai ia tatou ke tou liliu ko lona kakai maokioki, o leaise tupu ko atatou gaoi, kae o mulimuli ki lana fakatuutuu totonu, ti mo le kalasia leia kua soli mai kia tatou ia Sesu-Kilisito i mua o le kamataaga o sekulo.

Tito 3:4

Kae i le oki o le fakasa o le agamalie o le Atua ko lotatou Fakamauli ti mo lona alofa ki le tagata,