Oseo 14:3 - Tosi Tapu

³ E leaise fakamauli loa matou e le tagata Asilia, e leaise motou eke loa i ni osi, Ti e leaise motou toe pati loa ki le gaoiaga o omatou lima : Lomatou Atua ! Talie ko ou tafa a la e maua ai e le toe sala matua le manava alofa.

Oseo 14:3 ပူးပေါင်းရင်းမြစ်များ

Lua tosi o Koloniko 16:7

I le temi lena, na ano loa Anani, le polofeta kia Asa, sau o Suta, o pati kiate ia : O tupu na ke fanaki ki le sau o Silia, kae na leaise ke fanaki ki le Eteleno, lou Atua, koia kua sola ai le solia a le sau o Silia mei ou lima.

Pesalemo 10:14

Kae e ke tio maoki, talie e ke tio ki le pakia mo le mamae, Ti e ke tokaga ki olatou mauli. Ko koe leia e fanaki ki ai le tagata mativa ! Ko koe leia e tokoi ki le toe sala matua !

Pesalemo 146:3

Aua na kotou fanaki ki le kau lalasi, Ki vosa o le tagata, ala e leaise mafai ke fakamauli ia.

Pesalemo 146:9

E puipui e le Eteleno le kau matapule. E tokoi a ia ki le toe sala matua mo le fafine lokonui, Kae e maumaui e ia le ala o le kau agaveli.

Pesalemo 33:17

E leaise se uiga o le makeke o le osi ki le fakamauli, Ti e leaise mafai e lona makeke katoa ke soli ia le malo.

Pesalemo 68:5

Kotou sua ki le Atua ! kotou fakafetai ki lona suafa ! Kotou tofa le ala ki leia e saele mai i le toafa ! Ko le Eteleno lona suafa : Kotou fiafia i ona mua !

Esaia 1:29

E kotou luma loa o tupu ko laakau ala na kotou tui ki ai, Ti e kotou luma loa o tupu ko oloto ala na fai ia okoutou fiafiaaga ;

Esaia 2:20

I le aso lena, e tiaki loa e tagata Olatou taulaatua siliva mo olatou taulaatua aulo, Ala na lotou fau ke lotou atolasio ki ai, ki kimoa mo pekapeka ;

Esaia 27:9

Koia na fakamolemole loa i ai le agasala a Sakopo, Ti ko leinei le fua o le fakamolemole o lana agasala : Kua fakaliliu e le Eteleno a fatu fuli o aletale Ke tatau mo ni fatu lase ala kua efu ; Ti e leaise toe fakatuu ake loa ki aluga a taulaatua o Asetalate mo fakatata o le laa.

Esaia 30:16

Na kotou pati : Leai ! e motou lele loa i ni osi ! Koia e kotou lele ai loa i ni osi, kae o sosola. Na kotou pati : e motou eke loa i ni osi gasolo ! Koia e tuli loa koutou e ni osi ala e toe gasolo ake.

Esaia 30:2

Ala e ifo ki Esipito kae na leaise afa mai kiate au, O afa se makeke i tafa o Falaone, O afa se mumuniaga i le malu o Esipito !

Esaia 31:1

Malaia kia latou ala e ifo ki Esipito o afa se tokoi i ai, Latou ala e fanaki ki ni osi, Ti e tui ki le lasi o saliote mo le makeke o le kau solia ekeosi, Kae e leaise lotou tio ki le Sagato o Iselaele, Ti e leaise lotou afa le Eteleno !

Esaia 31:3

Ko le tagata Esipito e tagata, kae e leaise Atua ; E kanofi ana osi kae e leaise laumalie. Ka falo loa e le Eteleno lona lima, E siga loa leia e tokoi, Ti e vilo loa ki lalo leia e fai ki ai le tokoi, Ti e la mamate loa toka lua.

Esaia 36:8

I le aso nei, fai se talaga mo loku pule, le sau o Asilia, ti e kau soli atu loa kiate koe ni kau osi e lua afe mo ka e ke maua ni tagata ke eke ia latou.

Selemia 49:11

Tuku au fanau sala matua, e kau fakamauli loa latou, Ti ke fanaki au fafine lokonui kiate au !

Esekiele 36:25

E kau liligi loa kia koutou se vai mea, ti e kotou mea loa ; e kau fakamea loa koutou i akoutou aga fakalialia fuli mo okoutou taulaatua fuli.

Esekiele 37:23

E leaise lotou toe fakakelekele loa i olatou taulaatua, mo alatou aga fakalialia, mo alatou agaveli fuli. E kau too loa latou i potu fuli ala na lotou nonofo ai ti na lotou agasala ai, ti e kau fakamea loa latou. E lotou liliu loa ko loku kakai, ti e kau liliu loa ko lolatou Atua.

Oseo 12:1

E takatakai au e Efalaimi ki ni loi, Ti mo le fale o Iselaele ki ni kaka ; Koi tuu makeke a Suta ki le Atua, Ki le Maokioki agatonu.

Oseo 13:2

I le aso nei e soko atu lalatou agasala, E lotou fai ki lalatou paaga ni fakatata ukamea saka, Mo ni taulaatua o mulimuli ki alatou fakakaukau ; Ko nea fuli ko le gaoiaga a ni kau tufuga. E lotou pati o uiga mo latou : E tonu ke momoli kia latou ni sakilifisio, ti ke sogi ki uviki pipi tagata !

Oseo 14:8

Efalaimi, pe koi i ai se nea iate koe mo taulaatua ? E kau tali loa lana kole, e kau tagaki loa kiate ia, E kau liliu loa kiate ia ofaipe se sipele sesega. E ke maua loa lou fua iate au.

Oseo 2:17

I ai, e kau soli loa kiate ia ona faisaga vite mo le vaivailiua o Akole, ofaipe se matapa o le amanaki malie ; i ai, e sua loa a ia ofaipe lona temi ikiiki, ofaipe le temi leia na pale mai ai a ia mei le fenua o Esipito.

Oseo 4:12

E afa e loku kakai ki lona taulaatua ; Ti ko lana potu laakau leia e tali kiate ia ; Talie e fakasese le laumalie o le faifeauaki, Ti e fakamamao e ia latou i lolatou Atua.

Oseo 5:13

E tio Efalaimi ki lona masaki, ti mo Suta ki ona lavea ; E ano Efalaimi ki Asilia, o masau ki le sau ko Salepe ; Kae e leaise mafai e le sau lena ke faitoo ia koutou, Talie e leaise maua e ia se faitoo ki okoutou lavea.

Oseo 7:11

E fai Efalaimi pe se lupe valea, sala atamai ; E lotou kole tokoi ki Esipito, e lotou ano ki Asilia.

Oseo 8:6

E au a ia mei Iselaele, na fau a ia e se tagata tufuga, Kae e leaise ko le Atua ; Koia leia e liliu ai loa le uviki pipi o Samalia o efu.

Oseo 8:9

O tupu na lotou ano ki Asilia, Ofaipe se asino vao leia e tuu toka tasi ; Na fai e Efalaimi ni nea alofa ke maua ai ni ona kaukau nea.

Sonasi 2:10

Kiate au, e kau momoli loa kiate koe ni failaulau mo ni kalaga fakafetai, E kau fai loa a fakapapau ala na kau fai : E au le fakamauli mei le Eteleno.

Sakalia 13:2

I le aso lena, e pati le Eteleno o kau tau : E kau tuuti loa i le fenua a igoa o taulaatua, O tupu ke aua na toe manatu kia latou ; E kau too loa i le fenua le kau polofeta loi mo le laumalie fakakelekele.

Soane 14:18

E leaise kau tuku loa koutou ke sala matua, e kau au loa kia koutou.

Tetelonome 17:16

Kae ke aua na maua loa e ia se kau osi lasi ; ti ke aua na toe fakaliliu loa e ia le kakai ki Esipito o totogi ni osi. Talie na pati le Eteleno kia koutou : Ke aua na kotou toe liliu loa i le ala lena.