Oseo 14:1 - Tosi Tapu

¹ Iselaele, toe liliu mai ki le Eteleno, lou Atua, Talie kua ke vilo o tupu ko lau agaveli.

Oseo 14:1 ပူးပေါင်းရင်းမြစ်များ

Lua tosi o Sau 8:12

Na pati loa Asaele : Kolea e tagi ai loku aliki ? Ti na tali loa Eliseo : Talie e kau iloa le veli fuli leia e ke fai loa ki fanau o Iselaele ; e ke tutu loa olatou kolo tau, e ke tamate loa ki le seleta ona kau tagata tupulaga, e ke laliki loa alatou fanau liliki, ti e ke fakapaisi loa a manava o fafine tinanae.

Esaia 19:22

Koia e taai ai loa e le Eteleno le kau Esipito ; E taai loa e ia latou, kae e toe fakamauli loa e ia latou ; Ti e lotou tafoki loa ki le Eteleno, Leia e tali ia loa alatou kole ti e fakamauli ia loa latou.

Selemia 2:19

E tautea loa a koe e lou agaveli, ti e taai loa a koe e lou agatuu. E ke iloa loa ti e ke tio loa ko se nea veli mo kona Le tiaki o le Eteleno, lou Atua, Ti mo le leaise maua se i kiate au, E pati le Aliki, le Eteleno o kau tau.

Selemia 4:1

Iselaele, kapau e ke tafoki mai, kapau e ke tafoki mai kiate au, e pati le Eteleno, Kapau e ke too au nea fakalialia i oku mua, E leaise ke toe sese loa.

Tagi laulau a Selemia 5:16

Kua vilo le pala o lomatou ulu ! Malaia kia matou, talie kua motou agasala !

Esekiele 16:46

Ko lou taina mua, leia e nofo i lou fetuu sema, ko Samalia mo ona taineliki ; ti ko lou ga taina ikiiki, leia e nofo i lou fetuu atamai, ko Sotoma mo ona taineliki.

Esekiele 33:11

Pati kia latou : E kau mauli ! e pati le Aliki, le Eteleno, ko le nea leia e kau loto ki ai, e leaise ko le mate o le tagata agasala, kae ke fetogi lona mauli ti ke mauli a ia. Kotou toe liliu mai, kotou toe liliu mai i lokoutou ala veli ; kolea e kotou mamate ai loa, fale o Iselaele ?

Esekiele 33:14

Ti kapau e kau pati ki le tagata agaveli : E ke mate loa ! - kae kapau e tafoki loa a ia i lana agaveli, o fai le nea leia e totonu mo maoki,

Oseo 10:12

Kotou muluki le fakaili o mulimuli ki le faitotonu, Kotou tuuti le fulumeto o mulimuli ki le manava alofa, Kotou faala sokoutou faisaga foou ! Ko le temi leinei ke afa ai le Eteleno, O kaku ki lana saele mai, o liligi kia koutou le faitotonu.

Oseo 12:6

Ko le Eteleno ko le Atua o kau tau ; Ko lona suafa ko le Eteleno.

Oseo 12:8

Ko Efalaimi ko se tagata faikoloa e too ia i lona lima ni fua salasala, Ti e alofa a ia ki le kaka.

Oseo 13:9

Ko le nea leia e tupu ai lou maumau, Iselaele, Ko lau agatuu kiate au, ki leia na feala ke saofaki ia a koe.

Oseo 4:8

E lotou kai a agasala o loku kakai, E lotou oli mamae ai ki ana agaveli.

Oseo 5:5

Ko le fia nealasi o Iselaele e fakamaoki kiate ia ; Ko Iselaele mo Efalaimi e vivilo loa i ala agasala totonu ; Ti ko Suta e vilo loa mo laua.

Oseo 6:1

Kotou au, tou toe liliu ki le Eteleno ! Talie na saei e ia, kae e fakamauli loa e ia tatou ; Na taai e ia, kae e sai loa e ia otou lavea.

Oseo 9:13

Ko Efalaimi, e kau tio kiate ia i le fetuu o Tile, E tuu a ia i se ganea malie ; Kae e taki loa e Efalaimi ana fanau ki leia e tamate ia loa latou.

Oseo 9:7

Kua lotou soko mai, a aso o le tautea, Kua lotou kaku mai, a aso o le totogi o gaoi : E tonu ke iloa a ia e Iselaele ! Kua valea le polofeta, kua ulu vale le tagata tio malama ! O tupu ko le lasi o au agaveli mo au agatuu.

Amosi 1:13

Koia e folafola ai le Eteleno, o pati : O tupu ko agaveli e tolu a fanau o Amone, Ti e fa foki, e leaise kau toe fetogi laku fakatotonu, Talie na lotou paipaisi a manava o fafine tinae o Kalaate, O tupu ke fakalasi lolatou fenua.