Oseo 13:14 - Tosi Tapu

¹⁴ E kau totogi loa latou mei le makeke o le nofoaga o le kau mate, E kau saofaki loa latou mei le mate. Ei mate, kofea au masafu ? Nofoaga o le kau mate, kofea lau pule ki le mate ? Kae kua sola le fakasemala i oku mata !

Oseo 13:14 ပူးပေါင်းရင်းမြစ်များ

Sopo 33:24

E alofa loa le Atua kiate ia, ti e pati loa a ia ki le aselo : Saofaki a ia, ke aua na vilo a ia ki le popoko ; Kua kau maua se totogi kiate ia !

Sopo 41:22

E fakapiau e ia le takele o le tai ofaipe se kulo vai vela kua pula, Ti e luui e ia a ia ofaipe se fagu kua apele i le kaloni.

Pesalemo 16:10

Talie e leaise ke tuku loa loku laumalie ki le nofoaga o le kau mate, Ti e leaise ke fakataga loa ke tio lou alofaaga ki le pala.

Pesalemo 30:3

Eteleno, loku Atua ! Na kau tagi kiate koe, ti na ke fakamauli au.

Pesalemo 49:15

Ofaipe se kau manu, e tuku latou ki le nofoaga o le kau mate, E fai e le mate lana nea kai kia latou ; Ti e leaise tuvai e takatakafi latou e le kau agatonu, E puli loa lolatou fulumalie, ko lolatou nofoaga ko le nofoaga o le kau mate.

Pesalemo 49:16

Kae e fakamauli loa e le Atua loku laumalie mei le nofoaga o le kau mate, Talie e puipui loa e ia au. - Manava.

Pesalemo 71:20

Na ke asiasii matou ki ni mamae mo ni malaia ; Kae e ke toe soli mai loa le mauli kia matou, E ke toe paleaki ake loa matou i le vanu o le kele.

Pesalemo 86:13

Talie e lasi ai lou agamalie kiate au, Ti kua ke saofaki loku laumalie mei le nofoaga loloto o le kau mate.

Esaia 25:8

E folo loa e ia le mate o talu oki ; Ti e solosolo loa e le Aliki, le Eteleno, a loimata i mata fuli ; Ti e fakapuli loa e ia i le fenua katoa le luma o lona kakai ; Talie kua masau le Eteleno.

Esaia 26:19

Ke toe mauuli ou mate ! Ke toe tutuu ake ki aluga oku mate ! Kotou alaala ti kotou fiafia, kakai o le efu ! Talie ko lou sasau ko se sasau fakamauli, Ti e toe soli loa e le kele le malama o le aso ki le kau mate.

Selemia 15:6

Na ke tiaki au, e pati le Eteleno, Na ke toe liliu ki muli ; Kae e kau falo loku lima kiate koe, ti e kau maumaui a koe, Kua kau kaekae i le kataki.

Selemia 20:16

Ke liliu le tagata lena ofaipe kolo Ala na maumaui fakaveliveli e le Eteleno ! Ke logo a ia ki ni tagi mamae i le usu, Ti mo ni kalaga tau i le lalatea !

Selemia 31:35

E folafola le Eteleno, leia na fakatupu ia le laa ke fakamalama ia le ao, Leia na fakatuutuu ia le masina mo fetuu ke fakamalama ia le pouli, Leia e fakamalagalaga ia le tai ti e fakagugulu ia ona galu, Leia e igoa ko le Eteleno o kau tau :

Esekiele 37:9

Na pati mai loa a ia kiate au : Kikite, o masau ki le laumalie ! Kikite, vosa o le tagata, o pati ki le laumalie : E folafola le Aliki, le Eteleno, o pati : Laumalie, au i fetuu matagi e fa, agi ki mate anei, ti ke lotou toe mauli !

Oseo 6:2

E toe tuku loa e ia le mauli kia tatou i le sili o aso e lua ; I le tolu o aso e fakatuu loa e ia tatou ki aluga, Ti e tou mauuli loa i ona mua.

Oseo 7:10

E fakamaoki le fia nealasi o Iselaele kiate ia ; E leaise lotou toe liliu mai ki le Eteleno, lolatou Atua, Ti e leaise lotou afa a ia, logo ai a nea fuli ana.

Malakia 3:6

Talie ko au ko le Eteleno, e leaise kau fetogi. Ti ko koutou, fanau a Sakopo, na leaise kotou fetogi foki.

Numelo 23:19

Ko le Atua e leaise ko se tagata a ia ke loi, Pe ko se vosa a ia o le tagata ke toe fetogi manatu. Ko le nea leia kua folafola a ia ki ai, pe se fai loa e ia a ia ? Ko le nea leia kua fakapapau e ia, pe se fakasoko loa e ia a ia.

Loma 11:15

Talie kapau ko lolatou tiaki, ko le fakatokatoka a ia o le malama nei mo le Atua, e feaki ake loa lolatou toe aumai ? Ko le mauli loa aia kia latou ala na mamate ?

Loma 11:29

Talie e leaise toe fakasemala le Atua ki ana nea alofa ala kua soli ti mo lana kalaga.

Lua tosi ki le kau Kolinto 5:4

Talie i le temi katoa leia e ma nonofo ai i le falela leinei, e ma lauga i le mafaia, talie e ma loto, ke aua na tatala oma kofu fakakele, kae ke ma kofu oma tino fakaselo, o tupu e folo le nea leia e mate e le mauli.

Filipe 3:21

leia e fetogi ia loa lotatou tino fakaaloalofa, ke tatau mo lona tino fakakololia, i le pule leia e maua e ia ke aumai ai a nea fuli ke fakalogo kiate ia.

Uluaki tosi ki le kau Tesalonika 4:14

Talie, kapau e tou tui na mate Sesu ti na toe tuuake, ti e tou tui foki e aumai loa e le Atua o fakatasi mo Sesu latou ala na mamate iate ia.

Sakopo 1:17

Ko kalasia malilie fuli ti mo nea alofa malilie tukupau fuli, e lotou ifo mei aluga, mei le Tamana o malama, leia e leaise toe fetogi pe moumou lakaga.

Apokalipisi 20:13

Ti na tuku ake loa e le tai a kau mate ala na maua e ia. Ti na tuku ake loa e le mate mo le nofoaga o le kau mate a kau mate ala na la maua ia. Ti na fakamaaui loa le tagata taki toka tasi o mulimuli ki ana gaoi.

Apokalipisi 21:4

E solosoloi loa e ia a loimata fuli mei olatou mata, ti e leaise toe maua loa le mate : e leaise toe maua loa se tagi, mo se lauga, mo se mamae, talie kua puli loa a uluaki nea.

Apokalipisi 6:8

Ti na kau tio loa, ti ko leinei, na sa mai loa se osi sega fakapouli. Ti ko leia na eke i ai na igoa ko le mate, ti na muli iate ia le nofoaga o le kau mate. Ti na tuku loa kia laua le pule ki le vaega fa o le malama nei, ke la tamate a tagata ki le seleta, mo le oge, mo le masaki, ti mo manu fekai o le kele.

Uluaki tosi a Samuele 15:29

Ko ia leia ko le makeke o Iselaele e leaise loi ti e leaise toe fakasemala, talie e leaise ko se tagata a ia ke fakasemala.