Oseo 13:13 - Tosi Tapu

¹³ E soko loa kiate ia a mamae o le fafine leia e fanau ; Ko se toe valea a ia, Leia e leaise vilo i le manava o le tinana i le temi na tonu ke fanaui ai a ia.

Oseo 13:13 ပူးပေါင်းရင်းမြစ်များ

Lua tosi o Sau 19:3

Ti na lotou pati loa kia Esaia : Ko leinei le masau a Esekiasi : Ko le aso leinei ko se aso o le mamae, mo le tautea, ti mo le luma ; talie kua vave vilo fua a toe mei manava o olatou tinana, kae e leaise maua se makeke ke fanaui ai latou.

Pesalemo 48:6

Na lotou tio, ti na lotou punamauli ; Na lotou i, ti na lotou sosola.

Taagapati 22:3

E tio le tagata poto ki le veli ti e mumuni a ia ; Kae e fakafeofi ki ai le kau vale ti e lotou tautea ai.

Esaia 13:8

Kua maua latou e le i ; Kua kaku kia latou le sosa mo le mamae ; Kua lotou mapelu ki lalo ofaipe se fafine e fanau ; Kua lotou fetioaki fakapunamauli, Ti kua fai olatou mata pe le ula o le afi.

Esaia 21:3

Koia kua kau logoi ai le mamae o oku vakavaka. Kua kau maua e ni mamae, Ofaipe ni mamae o se fafine leia kua laga lona ganea. Ku leaise koi logo oku taliga, o tupu ko le tautau laga o oku mamae, Ti e leaise koi tio oku mata i loku lulu.

Esaia 26:17

Ofaipe se fafine tinae, ka fanau, E mapelu ti e kalaga i lona mamae, Na motou fenaaki foki i le aso leia na motou mamao ai i ou mata, ei Eteleno !

Esaia 37:3

Na lotou pati loa kia Esaia : Ko leinei le masau a Esekiasi : Ko le aso leinei ko se aso o le i, mo le tautea, ti mo le luma ; talie kua vave vilo a toe mei le manava o le tinana, kae e leaise koi maua se makeke ke fanaui ai latou.

Esaia 66:9

Pe kau fakamavaa ia loa le manava o le tinana, Ke aua na fanau a ia ? e pati le Eteleno ; Ko au, leia e fakafanau ia, Pe e kau taofi ia loa ke fanaui le toe ? e pati lou Atua.

Selemia 13:21

Kolea loa lau pati ki lou tautea e ia ? Ko koe totonu leia na ako ia latou ke liliu ko ou pule. Pe leaise maua fakafokifa loa a koe e mamae Ofaipe mamae o se fafine fanau ?

Selemia 22:23

A koe leia e nofo i aluga o le Lipane, Leia kua fau lou ofaga i sete, E ke tagi mamae loa mo ka kaku atu loa kiate koe a mamae, Io, a mamae ofaipe la o se fafine fanau !

Selemia 30:6

Kotou afaafa, ti kotou tio pe kua fanau se tagata ! Kolea e kau tio ai ki tagata fuli e too ona lima ki lona vakavaka, Ofaipe se fafine e fanau ? Kolea kua fakalaulautetea ai a mata fuli ?

Selemia 4:31

Talie e kau logo ki ni tagi ofaipe ni tagi i le mamae a se fafine e lolotoga gaoi, Ni tagi o le mamae ofaipe se uluaki fanau. Ko le leo o le taine o Sione ; e tukumanava a ia, e siki e ia ona lima, O pati : Malaia kiate au ! E gaegae loku laumalie o tupu ko le kau tukipo !

Selemia 49:24

Kua gaegae Tamaso, e maliu a ia ke sola, Talie kua kaku le i kiate ia ; Kua maua a ia e le i mo mamae Ofaipe se fafine leia e fanau.

Oseo 5:4

Ko alatou gaoi e leaise fakataga ia kia latou ke toe liliu ki le Atua, Talie e nofo le laumalie o le faiaga i loto malie o latou, Talie e leaise lotou iloa le Eteleno.

Soane 16:21

Ko le fafine, mo ka fanau, e logoi e ia le mamae, talie kua soko lona ola ; kae, ka fanaui loa e ia lona toe, e leaise toe manatui loa e ia lona mamae, i lona fiafia talie kua tupu se tagata ki le malama nei.

Soane 5:4

talie na tautau ifo mai se aselo ki le maanuaga, o taposu i le vai ; ti ko leia e uluaki ifo ki ai i le oki o lana taposu i le vai e mauli loa i lona masaki.

Gaoi 24:25

Kae i le masau a Paulo ki le faitotonu, mo le oli veli, ti mo le fakamaau fakamuli, na lulu loa Felise, o pati kiate ia : Ano, kua feauga le aso nei ; ka kau toe maua loa se tasi faigamalie, ti e kau toe kalagai atu loa a koe.

Lua tosi ki le kau Kolinto 6:2

Talie e pati i le Tosi : I le temi faigamalie na kau tali a koe, Ile aso o le fakamauli na kau tokoi kiate koe. Tio, ko leinei le temi faigamalie ; Tio, ko leinei le aso o le fakamauli.

Tetelonome 32:6

Pe ke tuku loa le sala ki le Eteleno, Kakai ulu vale, kakai sala atamai ? Pe leaise ko lou Tamana a ia, ko lou pule ? Pe leaise ko ia leia na fakatupu ia a koe, ti na fakamakeke ia a koe ?

Uluaki tosi ki le kau Tesalonika 5:3

I le temi leia e pati ai loa a tagata : Tokamalie mo fimalie ! I le temi loa lena e fakamauatoka loa latou e se tuutamaki fakapunamauli, ofaipe mamae o le temi fanau ala e fakamauatoka ia le fafine faitoe ; ti e leaise lotou sao loa i ai.