Oseo 13:11 - Tosi Tapu

¹¹ Na kau soli atu kiate koe se sau i loku ita, E kau toe too loa a ia iate koe i loku sausau lasi.

Oseo 13:11 ပူးပေါင်းရင်းမြစ်များ

Taagapati 28:2

Ka maveuveu se fenua, e toka api le kau pule ; Kae kapau sau se tagata atamai mo poto, e tologa lana sau.

Oseo 10:3

Ti e leaise tuvai loa ti lotou pati loa : E leaise tou maua ia se sau, O tupu na leaise tou i ki le Eteleno ; Ti kolea e mafai loa e le sau kia tatou ?

Oseo 10:7

Kua oki Samalia, kua oki lona sau, Ofaipe le piau i aluga o le tai.

Oseo 3:4

Talie e nonofo loa a fanau o Iselaele o fualoa sala sau, mo sala pule, mo sala sakilifisio, mo sala fatu mauiga, mo sala efote, ti mo sala telafimi.

Oseo 8:4

Na lotou fakanofo ni sau, kae na leaise kau fakatotonu a ia, Ti mo ni pule kae na leaise lotou afa mai kiate au ; Na lotou fai ni taulaatua ki lalatou siliva mo lalatou aulo ; Koia leia e tuuti ai loa latou.

Uluaki tosi a Samuele 10:17

Na kalagai loa e Samuele le kakai ki mua o le Eteleno i Misipa,

Uluaki tosi a Samuele 10:19

Kae i le aso nei, kua kotou tiaki lokoutou Atua, leia na saofaki ia koutou mei okoutou malaia fuli mo okoutou mamae fuli, ti kua kotou pati kiate ia : Fakanofo se sau kia matou ! Ke kotou tutuu i le temi nei i mua o le Eteleno, o mulimuli ki okoutou faasiga mo okoutou tino afe.

Uluaki tosi a Samuele 12:1

Na pati loa Samuele ki Iselaele katoa : Ko leinei, kua kau fakalogo ki lokoutou leo i nea fuli ala na kotou pati mai kiate au, ti kua kau fakanofo se sau kia koutou.

Uluaki tosi a Samuele 12:13

Ko leinei loa le sau leia na kotou filifili ti na kotou tagi ki ai ; ko leinei, kua fakanofo loa e le Eteleno kia koutou se sau.

Uluaki tosi a Samuele 15:26

Na pati loa Samuele kia Saulo : E leaise kau toe liliu loa mo koe ; talie kua ke tiaki le folafola a le Eteleno, ti kua tiaki a koe e le Eteleno, ke aua na ke toe sau loa i Iselaele.

Uluaki tosi a Samuele 16:1

Na pati loa le Eteleno kia Samuele : E tuku loa afea lau tagi kia Saulo ? Kua kau tiaki a ia, ke aua na toe pule a ia i Iselaele. Ke ke fakaapele lau talai manu ki le lolo, ti ke ano ; e kau kakau loa a koe kia Isaia, ko le tagata Peteleemi, talie kua kau tio i ona vosa ki leia e kau loto ke sau.