Oseo 13:1 - Tosi Tapu

¹ Ka masau Efalaimi, ko se nea fakaii ai. Na malaga a ia ki aluga i Iselaele. Kae na agasala a ia ia Paale, ti na mate a ia.

Oseo 13:1 ပူးပေါင်းရင်းမြစ်များ

Senesi 2:17

kae e leaise ke kai loa ki le laakau o le iloa o le malie mo le veli, talie ko le aso leia e ke kai ai loa ki le laakau lena, e ke mate loa.

Uluaki tosi o Sau 12:25

Na laga loa e Selopoamo a Siseme i le mauga o Efalaimi, ti na nofo loa a ia i ai ; ti na mavae loa a ia mei ai, ti na toe laga loa e ia Penuele.

Sopo 29:21

I le temi lena na fakalogo mai kiate au, ti na nofo le kakai o talitali mai kiate au, Ti na fakalologo o fakalogo mai ki aku akonaki.

Sopo 29:22

I le oki o laku masau, e leaise toe tali se tasi, Ti na fai laku masau kia latou fuli pe se sasau mokomoko ;

Taagapati 18:12

I mua o le maumau, e malaga ki aluga le loto o le tagata ; Kae e muamua le fakataulalo i le kololia.

Esaia 66:2

Ko nea fuli ana, ko loku lima leia na fai ia latou, Ti ko nea fuli a aku, e pati le Eteleno. Kae ko leinei leia e tio loa ki ai oku mata : Ki leia e mamae ti mo leia e loto fakasemala maoki, Ki leia e i ki laku folafola.

Esaia 7:8

Talie ko le ulu o Silia ko Tamaso, Ti ko le ulu o Tamaso ko Letisini. Koi toe fai a fetuu e kau ono tupu lima, Ti e leaise toe nofo loa Efalaimi ko se kakai.

Oseo 11:2

Kae na lotou fakamamao ia latou ala na kalagai ia latou ; Na lotou fai ni sakilifisio kia Paale, Ti na lotou momoli se iseso ki taulaatua.

Oseo 2:10

Na leaise iloa e ia ko au leia na soli ia kiate ia le fulumeto, mo le vino, ti mo le lolo ; ti na momoli kia Paale le paaga mo le aulo leia na kau soli fakalasi kiate ia.

Oseo 2:8

Koia, e kau tapono loa lona ala ki ni laakau talatala ti e kau fakatuu loa i ai se kau a, o tupu ke aua na toe maua e ia ona ala.

Oseo 8:4

Na lotou fakanofo ni sau, kae na leaise kau fakatotonu a ia, Ti mo ni pule kae na leaise lotou afa mai kiate au ; Na lotou fai ni taulaatua ki lalatou siliva mo lalatou aulo ; Koia leia e tuuti ai loa latou.

Numelo 10:22

Na ano loa le manumanu o le nofolaga o vosa o Efalaimi, mo ona kau tau. Na taki le kau tau o Efalaimi e Elisama, vosa o Amiute ;

Numelo 13:16

Ko igoa ana o le kau tagata leia na kakau e Moisese ke ano o tioi le fenua o Kanaane. Na tuku loa e Moisese kia Ose, vosa o Nune, le igoa ko Sosue.

Numelo 13:8

Ki le faasiga o Efalaimi : ko Sosue, vosa o Nune.

Luka 14:11

Talie ko leia e fia taualuga e tuku loa a ia ki lalo, ti ko leia e fakataulalo e siki loa a ia ki aluga.

Loma 5:12

Koia, ofaipe le ulu o le agasala ki le malama nei i se tagata e toka tasi, ti i le agasala le mate, o kaku ai loa le mate ki tagata fuli talie na agasala tagata fuli…

Lua tosi ki le kau Kolinto 5:14

Talie e ekenaki maua e le alofa o Kilisito, talie e ma iloa kapau na mate se toka tasi ki tagata fuli, ti na mamate a tagata fuli ;

Sosue 3:7

Na pati loa le Eteleno kia Sosue : I le aso nei e kau kamata loa le fakamakeke o lou pule i mata o fanau fuli a Iselaele, talie ke lotou iloa e kau nofo mo koe ofaipe laku nofo mo Moisese.

Tuifakamaau 12:1

Na tanaki loa a tagata o Efalaimi, ti na lotou ano loa ki le noleto, ti na lotou pati loa kia Sefete : Kolea na ke ano ai o taui a vosa o Amone, kae na leaise ke kalagai mai matou ke motou ano mo koe ? E motou loto ke tutu lou fale ti ke tutu a koe mo ia.

Tuifakamaau 8:1

Na pati loa a tagata o Efalaimi kia Seteone : Kolea na ke fai ai le nea lena kia matou ? Kolea na leaise ke kalaga mai ai kia matou i le lakaga leia na ke ano ai o taui Matiane ? Ti na lotou masau fakamakeke loa kia Seteone.

Uluaki tosi a Samuele 15:17

Na pati loa Samuele : I le temi leia na ke ikiiki ai ki ou mata, pe na leaise ke liliu loa ko le pule o faasiga o Iselaele, ti na leaise fakanofo loa a koe e le Eteleno ko le sau o Iselaele ?