Oseo 12:9 - Tosi Tapu

⁹ Ti e pati Efalaimi : Kua kau soko maoki o mou koloa, Kua kau maua se koloa lasi ; Ti ko le fua katoa a ia o laku gaoi. E leaise maua loa iate au se agaveli, pe ko se nea fua e sala.

Oseo 12:9 ပူးပေါင်းရင်းမြစ်များ

Senesi 25:27

Na lalasi ake loa a toe. Ti na poto loa Esau i le kapu manu, ko se tagata taka uta a ia. Kae na liliu loa Sakopo ko se tagata agamalu, leia na nofo mau i falela.

Lua tosi a Samuele 7:2

na pati loa Tavite ki le polofeta ko Natane : Tio ! E kau nofo nei i se fale kua fau ki le laakau ko le sete, kae e nofo nei le aleka o le Atua i se falela.

Esetalasi 3:4

Na lotou fakamanatu loa le aso o tapenakulo, ofaipe lona tuu i le tosi, ti na lotou momoli loa ni failaulau i aso taki tasi, o mulimuli ki le lasi o failaulau o le aso.

Pesalemo 49:7

E lotou fanaki ki lolatou makeke, Ti e lotou nekenekea i le lasi o olatou koloa.

Pesalemo 81:10

Ke aua na maua loa iate koe se atua kese ! Aua na ke punou loa i mua o ni atua kese !

Ekesote 20:2

Ko au ko le Eteleno, ko lou Atua, leia na fakamavae ia a koe mei le fenua o Esipito, mei le fale o le popula.

Taagapati 30:12

E i ai se tautagata leia e pati e mea, kae e leikiaise fufulu e ia lona kelekele.

Selemia 35:7

Ti aua na kotou fakatuu loa ni fale, ti aua na kotou muluki loa se fakaili e tasi, ti aua na kotou to loa se faisaga vite, ti aua na kotou maua loa se faisaga vite ; kae kotou nonofo loa i ni falela, i lokoutou mauli katoa, o tupu ke kotou mauli fualoa i le fenua leia e kotou nofo matapule ai.

Selemia 5:27

Ofaipe se kisi kua apele i manu lele ; Kua apele foki olotou fale i le kaka ; Koia leia kua lotou liliu ai o mauiga mo mou koloa.

Oseo 11:1

I le ikiiki o Iselaele, na kau alofa kiate ia, Ti na kau kalagai loku vosa ke mavae mei Esipito.

Oseo 13:4

Kae ko au, ko le Eteleno au, lou Atua, talu mei le fenua o Esipito. E leaise ke iloa se tasi ake Atua kese iate au, Ti e leai se tasi ake fakamauli kese iate au.

Oseo 2:15

E kau totogi loa kiate ia a aso ala na tutu ai e ia le iseso kia Paale, mo aso ala na teuteu ai a ia ki ona matemate mo ona tuikasoa, ti mo aso ala na ano ai a ia ki ana feauaki, kae na galoi e ia au, e folafola le Eteleno.

Levitiko 19:36

E kotou maua loa ni fua totonu, mo ni kilo totonu, mo ni liti totonu, mo ni meta totonu. Ko au ko le Eteleno, ko lokoutou Atua, leia na fakamavae ia koutou mei Esipito.

Levitiko 26:13

Ko au ko le Eteleno, ko lokoutou Atua, leia na fakamavae ia koutou mei le fenua o Esipito, o tupu ke aua na kotou toe liliu o popula kia latou. Na kau motusi a tini o Esipito ala na sai ia koutou, ti na kau fakasaele ia koutou i le fia tagata.

Mikea 6:4

Talie na kau fakamavae a koe i le fenua o Esipito, Na kau saofaki a koe i le fale o le popula, Ti na kau kakau i ou mua Moisese, mo Alone mo Malia.

Sakalia 11:5

Ko latou ala e totogi ia latou e tamate fakavalevale ia latou, Ko leia e fakatau ia latou e pati : Ke fakafetai ki le Eteleno, talie kua kau mou koloa ! Ti e leaise saofaki latou e olatou tagata tausi manu.

Numelo 15:41

Ko au ko le Eteleno, ko lokoutou Atua, leia na fakamavae ia koutou mei le fenua o Esipito, ke kau nofo ko lokoutou Atua. Ko au ko le Eteleno, ko lokoutou Atua.

Soane 7:2

Kae kua ofi le aso lasi o le kau Sutea, ko le aso o Tapenakulo.