Oseo 12:8 - Tosi Tapu

⁸ Ko Efalaimi ko se tagata faikoloa e too ia i lona lima ni fua salasala, Ti e alofa a ia ki le kaka.

Oseo 12:8 ပူးပေါင်းရင်းမြစ်များ

Pesalemo 49:6

Kolea e kau i ai loa i le aso o le malaia, Mo ka takatakai au e le agaveli o oku fili ?

Pesalemo 52:7

Koia e maumaui ai loa a koe e le Atua o lee gato, E too loa e ia a koe, ti e ave loa e ia a koe i lou falela ; E taaki loa e ia a koe i le kele o le kau mauli. - Manava.

Pesalemo 62:10

Io, e vaiga a vosa o le tagata ! E loi a vosa o le tagata ! Ka teki latou fuli ki se fua, e lotou maamaa ake i se tukumanava.

Taagapati 11:1

E fakalialia le Eteleno ki le fua leia e sala, Kae e malie kiate ia le fua leia e totonu.

Taagapati 30:12

E i ai se tautagata leia e pati e mea, kae e leikiaise fufulu e ia lona kelekele.

Taagapati 30:20

Ko leinei le ala o le fafine tono tagata : E kai a ia, ti e solosolo e ia lona gutu, Ti pati a ia : Na leaise kau fai se nea e veli.

Selemia 2:23

E feaki loa lau pati : Na leaise kau fakakelekele, Na leaise kau ano ki Paale ? Tio ki ou lakaaga i le vaivailiua, Fakamaoki ki le nea leia na ke fai, Kamelo vae gasolo mo vae mafi i le eva.

Selemia 2:35

Kae logo ai le nea lena, e ke pati : Io, e kau mea ! Kua maliu maoki lona sausau iate au ! Ko leinei, ka kau fakamaau loa mo koe, Talie e ke pati : Na leaise kau agasala fua.

Selemia 5:27

Ofaipe se kisi kua apele i manu lele ; Kua apele foki olotou fale i le kaka ; Koia leia kua lotou liliu ai o mauiga mo mou koloa.

Esekiele 28:5

I lou poto lasi mo lau fai koloa Na ke fakatupu o lasi ou koloa, Ti na malaga ki aluga lou loto o tupu ko ou koloa.

Oseo 13:6

Na lotou kai makona i ni faisaga sesega ; Na lotou kai makona, ti na makita loa olatou loto i le fia nealasi ; Koia na lotou galoi ai au.

Oseo 14:1

Iselaele, toe liliu mai ki le Eteleno, lou Atua, Talie kua ke vilo o tupu ko lau agaveli.

Oseo 4:8

E lotou kai a agasala o loku kakai, E lotou oli mamae ai ki ana agaveli.

Amosi 8:5

E kotou pati : Ke oki vave la a aso lalasi o le masina foou, Kae feala ke motou toe fakatau lamatou fulumeto ! Ke oki vave la le sapato kae toe fakamavaa omatou fale tanaki fulumeto ! E motou fakaikiiki loa le kilo, kae motou siki loa lona totogi, E motou fakasalasala loa a fua ke kakaai.

Apakuki 1:16

Koia leia e momoli ai e ia ni sakilifisio ki lona kupega, E tutu ai e ia se iseso ki ana kukuti ; Talie e maua e ia ni nea kai gako mo kano malie i nea ana.

Sakalia 11:5

Ko latou ala e totogi ia latou e tamate fakavalevale ia latou, Ko leia e fakatau ia latou e pati : Ke fakafetai ki le Eteleno, talie kua kau mou koloa ! Ti e leaise saofaki latou e olatou tagata tausi manu.

Malakia 2:17

E kotou fakapakia le Eteleno ki akoutou masau, Ti e kotou pati : kolea le nea na motou fakapakia ai a ia ? Se tupu na kotou pati : Ko leia e fai ia le veli e malie ki mata o le Eteleno, Ti e fiafia a ia i le tagata lena ! Pe kotou pati : Kofea le Atua o le faitotonu ?

Malakia 3:13

E fia nealasi akoutou masau kiate au, e pati le Eteleno, Ti e kotou pati : Kolea na motou lau kiate koe ?

Luka 10:29

Kae i lana fia fakatonu ia a ia, na pati loa a ia kia Sesu : Ti ko ai loku oloi ?

Luka 12:19

ti e kau pati loa ki loku laumalie : Ei loku laumalie, kua lasi ai ou koloa ala kua tanaki ki ni fetuu mauke ai ; malolo la, mo kai, mo inu, ti mo fiafia.

Luka 16:13

E leaise mafai e se tagata fakasausau ke tausi ki ni pule e toka lua, talie e vesia loa a ia ki le tasi kae e alofa loa a ia ki le tasi ; pe e pipiki a ia ki le tasi kae e fakamamao a ia mei le tasi. E leaise mafai ke kotou tausi ki le Atua mo Mamone.

Luka 16:15

Na pati loa a ia kia latou : Ko koutou, e kotou fia agatonu i mua o le tagata, kae e iloa e le Atua okoutou loto ; talie ko le nea leia e mauiga lasi ki tagata e fakalialia i mua o le Atua.

Tetelonome 8:17

Ke aua na ke pati loa i se aso i lou loto : ko loku makeke mo le makeke o loku lima leia kua kau maua ai a koloa anei.

Uluaki tosi kia Timoteo 6:17

Fakatotonu ki le kau mou koloa o le sekulo leinei ke aua na lotou fia nealasi, ti ke aua na lotou tuku lalatou fanaki ki ni koloa fakatemi, kae ke tuku lalatou fanaki ki le Atua, leia e soli lasi ia kia tatou a nea fuli, o tupu ke tou fiafia ai.

Uluaki tosi kia Timoteo 6:5

mo visi noa a ni tagata atamai fakapouli, ala e puli ai le maoki, ti e masalo ko le aga fakaatua ko se matapuna a ia o se koloa lasi.

Apokalipisi 3:17

Talie e ke pati : E kau mou koloa, kua kau fakatupu o lasi oku koloa, ti e leaise aoga mai kiate au se nea, kae e leaise ke iloa e ke malaia, mo fakaaloalofa, mo mativa, mo kivi, ti mo telefua,