Oseo 12:5 - Tosi Tapu

⁵ Na poko loa a ia mo se aselo, ti na malo loa a ia, Na tagi loa a ia, ti na fai loa e ia kiate ia ni kole. I Petele na maua loa e Sakopo le Eteleno, Ti ko lena le ganea na folafola ai a ia kia tatou.

Oseo 12:5 ပူးပေါင်းရင်းမြစ်များ

Senesi 28:16

Na ala ake loa Sakopo i lana moe, o pati : E nofo maoki le Eteleno i le ganea leinei, kae e leaise kau iloa a ia.

Senesi 32:30

Na soli loa e Sakopo le igoa ko Peniele ki le ganea lena ; talie na pati a ia : Kua kau tio mata ki le Atua, ti na fakamauli loa e ia loku mauli.

Senesi 35:9

Na toe sa loa le Atua kia Sakopo, i lana liliu mei Patane-Alame, ti na tapuaki loa a ia kiate ia.

Pesalemo 135:13

Eteleno ! e tuu lou suafa o lee gato ! Eteleno ! e tuu lou suafa i tautupu mo tautupu !

Pesalemo 30:4

Eteleno ! Na ke fakatuu ake loku laumalie i le nofoaga o le kau mate, Ti na ke toe tuku ke kau toe mauli o mamao ia latou ala e ifo ki le popoko.

Ekesote 3:15

Na toe pati foki le Atua kia Moisese : E ke masau loa ki fanau a Iselaele, o pati : Ko le Eteleno, le Atua o okoutou tamana, le Atua o Apalaamo, le Atua o Isaake, ti mo le Atua o Sakopo, e kakau ia mai au kia koutou. Ko lena loku suafa ki le lee gato, ko lena loku suafa ki tautupu mo tautupu.

Esaia 42:8

Ko au ko le Eteleno, ko loku igoa a ia ; Ti e leaise kau soli loa loku kololia ki se tasi, Pe ko loku mauiga ki taulaatua.