Oseo 12:12 - Tosi Tapu

¹² Ko le kakai o Kalaate ko se kakai kaia i le temi mua, kua lotou puli noa i le temi nei. Na lotou momoli ni pipi i Kilikale : Kae kua fai olatou aletale pe ni tuuga fatu I ganea popoko o faisaga.

Oseo 12:12 ပူးပေါင်းရင်းမြစ်များ

Senesi 27:43

Koia ei loku tama, i le aso nei fakalogo mai ki loku leo ! Tuu o sola ki loku tuagaane ko Lapane, i Salani ;

Senesi 30:26

Tuku mai ke kau ano mo oku avaga ti mo aku fanau, ala na kau gaoi ki ai i lou fale ; talie e ke iloa le lasi o le gaoi na kau fai kiate koe.

Senesi 31:41

Ko leinei kua fetuu kau lua laku nofo i lou kaiga ; na kau gaoi kiate koe i fetuu e kau agafulu tupu fa ke totogi ai ou taineliki e toka lua, ti mo fetuu e ono ke totogi ai laku kau manu, kae ko koe, na ke fetogi tua kau agafulu loku totogi.

Oseo 4:15

Kapau kua ke faifeauaki, Iselaele, Kae ke aua na agasala a Suta ! Ke aua na kotou ano ki Kilikale, ke aua na kotou pale ki Pete-Aveni, Ti ke aua na kotou fakapapau : E mauli le Eteleno !

Oseo 6:8

Ko Kalaate ko se kolo o tagata agaveli, E maua e ia ni pulepule toto.

Tetelonome 26:5

Ti e ke toe masau loa o fakasa i mua o le Eteleno, lou Atua : ko loku tamana ko se tagata Alame leia na taka fenua ; na ifo loa a ia ki Esipito mo se ga kakai toka teiki, o nofo i ai. Kae na liliu loa a ia i ai ko se puleaga lasi, mo makeke, mo api.