Oseo 12:11 - Tosi Tapu

¹¹ Na kau masau ki le kau polofeta, Na kau liuliuga a tio, Ti na kau tuku ki le kau polofeta ni folafola fakatata.

Oseo 12:11 ပူးပေါင်းရင်းမြစ်များ

Uluaki tosi o Sau 17:1

Ko Elia, le tagata Tisipe, ko se tasi i le kakai o Kalaate, na pati loa kia Akapo : E mauli le Eteleno, le Atua o Iselaele, leia e kau tausi ki ai ! E leaise toe to loa se ua pe ko se sasau i fetuu anei, kae e gato tasi loa i laku pati.

Lua tosi o Sau 17:13

Na valoki loa e le Eteleno a Iselaele mo Suta ki ana polofeta fuli mo le kau kikite katoa, o pati kia latou : Kotou tafoki mai mei okoutou ala veveli, ti ke kotou tausi aku fakatotonu mo aku lao, o mulimuli katoa ki le lao leia na kau fakatotonu ki okoutou tamana ti na kau soli atu kia koutou i aku tagata fakasausau, le kau polofeta.

Selemia 10:15

Ko ni nea mamate latou, ko se gaoiaga kaka ; E lotou maumau loa, mo ka au loa le tautea.

Selemia 10:8

Ko latou fuli fakatasi, e lotou sala atamai mo valelea ; E leaise uiga lolatou poto, ko se laakau a ia !

Selemia 2:20

Kua fualoa ai lau fatii lau amoga, Lau motusi ou sai, Ti na ke pati : E leaise koi kau loto ke kau popula ! Kae i atu mauga liliki taualuga fuli, Ti mo lalo o laakau lalasi fuli, Kua ke punou ofaipe se fafine faiaga.

Selemia 2:28

Kofea ou atua ala na ke fau ia kiate koe ? Ke lotou tutuu ki aluga, mo kapau e mafai ke lotou fakamauli a koe i le aso o le malaia ! Talie kua tatau le lasi o ou atua mo ou kolo, ei Suta !

Esekiele 17:2

Vosa o le tagata, fai se masau ke lotou aga o mate, tuku se folafola fakatata ki le fale o Iselaele !

Oseo 10:1

Ko Iselaele ko se vite fua, Leia na soli ia ni fua lasi ai. Kae na lasi ona fua ; Ti na lasi lana liuliuga a aletale ; Kae na lasi le mou koloa o lona fenua, Ti na lasi lana fakafulumalie a fakatata.

Oseo 10:2

Kua vaelua olatou loto : e lotou amo loa lona veli. E soloi loa e le Eteleno olatou aletale, ti e maumaui loa e ia olatou fakatata.

Oseo 4:15

Kapau kua ke faifeauaki, Iselaele, Kae ke aua na agasala a Suta ! Ke aua na kotou ano ki Kilikale, ke aua na kotou pale ki Pete-Aveni, Ti ke aua na kotou fakapapau : E mauli le Eteleno !

Oseo 6:8

Ko Kalaate ko se kolo o tagata agaveli, E maua e ia ni pulepule toto.

Oseo 8:11

Na liuliuga e Efalaimi a aletale ke agasala ai, Ti na fakavilo a ia e aletale ana ki le agasala.

Oseo 9:15

E sa lalatou agaveli fuli i Kilikale ; Ko le ganea lena na kau fakalialia ai kia latou. O tupu ko le veli o alatou gaoi, E kau kapu loa a ia i loku fale. E leaise kau toe alofa loa kia latou ; Ko olatou pule fuli ko ni kau agatuu.

Amosi 4:4

Kotou ano ki Petele, ti kotou agasala ! Kotou ano ki Kilikale, ti kotou asilisili agasala ! Kotou momoli akoutou sakilifisio i usu fuli, Ti mo akoutou vaega kau agafulu i aso fuli e tolu !

Amosi 5:5

Aua na kotou afa Petele, Aua na kotou ano ki Kilikale, Aua na kotou fakalaka i Pele-Sepa. Talie e popula loa Kilikale, Ti e liliu loa Petele ko se kolo maumau.

Sonasi 2:8

I le temi leia na gaegae ai loku laumalie iate au, Na kau manatui a koe, Eteleno, Ti na kaku laku kole kiate koe, I lou faletapu maokioki.

Numelo 12:6

Ti na pati loa a ia : Kolua fakalogo malie mai ki aku masau ! Ka maua loa ia koutou se polofeta, ko se ata loa leia e kau sa ai loa kiate ia, a au ko le Eteleno, ti e kau masau loa kiate ia i se moe miti.