Oseo 11:9 - Tosi Tapu

⁹ E leaise kau fai loa o mulimuli ki loku sausau kaka, E kau fakafiti ke maumaui Efalaimi ; Talie ko au ko le Atua, kae leai ko se tagata. Ko au ko le Sagato i loto malie o ou ; E leaise kau au loa mo le ita.

Oseo 11:9 ပူးပေါင်းရင်းမြစ်များ

Lua tosi a Samuele 20:10

Na leaise tokaga loa Amasa ki le seleta leia na too e le lima o Soape ; ti na sukii loa a ia e Soape i lona manava, ti na maluku ai loa ona vava ki le kele, ti na leaise toe sukii tua lua loa e ia. Ti na mate ai loa Amasa. Na ano loa Soape mo lona taina ko Apisai, o tuli a Sepa, vosa o Pikili.

Pesalemo 46:5

E i ai se vaitafe leia e fakafiafia ia e ona vai le kolo o le Atua, Le sagatualio o nofoaga o le Taualuga.

Pesalemo 78:38

Kae, i lona manava alofa, e fakamolemole e ia le agaveli, ti e leaise maumaui e ia. E tau taofi e ia lona sausau, ti e leaise tuku e ia ke vilo lona mamafa katoa.

Pesalemo 85:4

Kua ke too lou sausau katoa, ti kua ke tafoki mei le ulaula o lou sausau.

Esaia 12:6

Fai ni kalaga fakafiafia mo nekenekea, a koe leia e nofo i Sione ! Talie e lasi a ia i loto malie o ou, le Maokioki o Iselaele.

Esaia 31:1

Malaia kia latou ala e ifo ki Esipito o afa se tokoi i ai, Latou ala e fanaki ki ni osi, Ti e tui ki le lasi o saliote mo le makeke o le kau solia ekeosi, Kae e leaise lotou tio ki le Sagato o Iselaele, Ti e leaise lotou afa le Eteleno !

Esaia 41:14

Aua na ke i ki se nea, kelemutu o Sakopo, Toetoega gaegae o Iselaele ; E kau au o tokoi kiate koe, e pati le Eteleno, Ti ko le Sagato o Iselaele ko lou fakamauli.

Esaia 41:16

E ke tuui loa latou, ti e ave loa latou e le matagi, Ti e fakamavete loa latou e se sasataki. Kae ko koe, e ke fiafia loa i le Eteleno, Ti e tuku loa lou kololia ki le Maokioki o Iselaele.

Esaia 48:9

Kae o tupu ko loku suafa, e kau taofi loku sausau kiate koe ; O tupu ko loku kololia, e kau taofi loku lima kiate koe, Ke aua na kau tuuti a koe.

Esaia 5:24

Koia e lotou fai loa pe se kalosii afi leia e susunu ia le lau malo, Pe se ula leia e kai ia o okioki le mutie malo, E popo loa olatou aka, Ti e pupuli loa olatou se ofaipe le efu ; O tupu na lotou tiaki le lao a le Eteleno o kau tau, Ti na lotou vesia ki le folafola a le Maokioki o Iselaele.

Selemia 26:3

E lagi lotou fakalogo loa, ti e lotou tafoki loa taki tasi mei olatou ala veveli ; ti e kau fakasemala loa ki le veli leia na kau manatu ke fai kia latou o tupu ko le agaveli o alatou gaoi.

Selemia 30:11

Talie kau nofo mo koe, e pati le Eteleno, o saofaki a koe ; E kau fakapuli loa a puleaga fuli ala na kau fakamavetevete a koe ki ai, Kae ko koe, e leaise kau fakapuli loa a koe ; E kau tautea loa a koe i le faitotonu, Talie e leaise mafai ke kau tuku a koe sala tautea.

Oseo 12:1

E takatakai au e Efalaimi ki ni loi, Ti mo le fale o Iselaele ki ni kaka ; Koi tuu makeke a Suta ki le Atua, Ki le Maokioki agatonu.

Oseo 14:4

E kau fakamauli loa Iselaele i lana agatuu, E kau alofa maoki loa kia latou ; Talie kua maliu loku sausau ia latou.

Malakia 3:6

Talie ko au ko le Eteleno, e leaise kau fetogi. Ti ko koutou, fanau a Sakopo, na leaise kotou fetogi foki.

Numelo 23:19

Ko le Atua e leaise ko se tagata a ia ke loi, Pe ko se vosa a ia o le tagata ke toe fetogi manatu. Ko le nea leia kua folafola a ia ki ai, pe se fai loa e ia a ia ? Ko le nea leia kua fakapapau e ia, pe se fakasoko loa e ia a ia.

Tetelonome 13:17

Ke aua na ke too ia loa se nea i nea fuli ala kua tapui kiate koe, o tupu ke fimalie le sausau o le Eteleno, ti ke fakasa loa e ia lona manava alofa mo lona kalasia kiate koe, o fakaliliu loa a koe o api, o fai ki lana fakapapau ki ou tamana,

Uluaki tosi a Samuele 26:8

Na pati loa Apisai kia Tavite : Kua tuku e le Atua i le aso nei lou fili ki ou lima ; e kau kole atu kiate koe ke ke tuku mai ke kau tooi a ia ki laku tao ke piki ki le kele, i se fa soka fai e tasi, ti ke aua na kau toe liuga a ia.