Oseo 11:8 - Tosi Tapu

⁸ Kolea e kau fai loa kiate koe, Efalaimi ? Pe tonu ke kau tiaki a koe, Iselaele ? Pe kau tautea loa a koe ofaipe Atema ? Pe kau fakaliliu loa a koe ke tatau mo Tesepoimi ? Kua ta loku mafu i loku loto, Kua malaga oku manava alofa fuli.

Oseo 11:8 ပူးပေါင်းရင်းမြစ်များ

Senesi 14:8

Koia na ano ai loa le sau o Sotoma, mo le sau o Komola, mo le sau o Atema, mo le sau o Sepoimi, ti mo le sau o Pela leia ko Soa ; ti na lotou tau loa, i le vaivailiua o Sitime,

Lua tosi a Samuele 24:16

I le mafao o le lima o le aselo ke maumaui a Selusalemi, na fakasemala loa le Eteleno ki le veli lena, ti na pati loa a ia ki le aselo leia na tamate ia le kakai : Kua feauga, taofi lou lima i le lakaga nei. Na ofi le aselo o le Eteleno ki le sasaaga fulumeto a Alavana, tagata Sepusi.

Uluaki tosi o Sau 3:26

Koia na pati loa ki le sau le fafine leia o ona le toe koi mauli, talie na logoi loa e ia i ona tootooga lona alofa ki lona tama : Ei loku aliki, soli kiate ia le toe leia koi mauli, ti aua na kotou tamate a ia. Kae na pati loa leia ake fafine : Leai, e leaise maua loa a ia e au pe ko koe ; ke kotou fakapaisi a ia !

Lua tosi o Sau 13:23

Kae na manava alofa loa le Eteleno kia latou, ti na tio loa ona mata kia latou o tupu ko lana sai mo Apalaamo, mo Isaake, mo Sakopo, na leaise loto loa a ia ke maumaui latou, ti na leaise tiaki loa e ia latou o kaku mai ki le aso nei.

Lua tosi o Koloniko 36:15

Na tuku loa e le Eteleno, le Atua o olatou tamana, ki ana polofeta le kavega ke valoki latou koi tautonu, talie na loto a ia ke saofaki lona kakai mo lona nofoaga totonu.

Pesalemo 106:45

Na manatui loa e ia lana sai leia na fai mo latou ; Ti na aloalofa loa a ia kia latou i lona agamalie lasi,

Esaia 16:11

Koia kua tagi ai oku tootooga ki Moape, ofaipe se alepe, Ti mo loku mafu ki Kile-Alesi.

Esaia 63:15

Tagaki mei le lagi, ti ke tio, Mei lou nofoaga maokioki mo fakakololia : Kofea lou alofa mo lou mafimafi ? E leaise koi logo mai kiate au Le ta o lou mafu ti mo ou aloalofa.

Selemia 18:8

Kae kapau e tafoki mai mei lana agaveli le puleaga lena na kau masau ki ai, E kau fakasemala loa ki le veli leia na kau manatu ke fai kiate ia.

Selemia 3:12

Ano, kalaga a masau anei ki le potu noleto, o pati : E pati le Eteleno : Tafoki mai kiate au, fafine agatuu ko Iselaele ! E leaise kau tio fakaitaita loa kia koutou, Talie e kau manava alofa, E leaise kau taupau loku sausau o lee gato.

Selemia 31:20

Pe ko Efalaimi ko se vosa alofaina kiate au ? Se fanau leia e fakafiafia ia loku loto ? Talie ka lasi laku masau kiate ia, ti e toe lasi ake laku manatu kiate ia ; Koia e mamae ai loku manava o tupu ko ia : E kau alofa loa kiate ia, e pati le Eteleno.

Selemia 42:10

Kapau e kotou nonofo i le fenua leinei, e kau fakanonofo oki loa koutou i ai, ti e leaise kau maumaui loa koutou, kae kau to loa koutou, ti e leaise kau toe taaki loa koutou ; talie kua kau fakasemala ki le veli leia na kau fai kia koutou.

Selemia 9:6

E tuu lou nofoaga i loto malie o le kaka ; E leaise lotou fia iloa au, o tupu ko le fai kaka, E pati le Eteleno.

Selemia 9:7

Koia leia e masau ai le Eteleno o kau tau, o pati : Ko leinei, e kau oono loa latou, e kau asiasii loa latou, Talie kolea ke fai ki le taine o loku kakai ?

Tagi laulau a Selemia 1:20

Eteleno, tio mai ki loku mamae ! kua pula oku tootooga, Kua mafuli loku mafu iate au, Talie na kau agatuu lasi kiate koe. I fafo e fai e le seleta ana maumau, i loto ko le mate.

Tagi laulau a Selemia 3:32

Kae, ka fakamamae e ia, E manava alofa a ia o mulimuli ki lona alofa lasi ;

Tagi laulau a Selemia 3:33

Talie e leaise ko lona loto ke fakataulalo mo fakamamae fanau a tagata.

Esekiele 33:11

Pati kia latou : E kau mauli ! e pati le Aliki, le Eteleno, ko le nea leia e kau loto ki ai, e leaise ko le mate o le tagata agasala, kae ke fetogi lona mauli ti ke mauli a ia. Kotou toe liliu mai, kotou toe liliu mai i lokoutou ala veli ; kolea e kotou mamate ai loa, fale o Iselaele ?

Esekiele 6:9

Ko latou ala e sao loa e toe manatu loa kiate au I le lotolotoga o atu puleaga ala e lotou popula ai, Talie e kau fatifatii loa olatou loto sese mo patigataa, Mo olatou mata ala na faiaga ki olatou taulaatua ; E lotou fakalialia loa kia latou totonu, O tupu ko agaveveli ala na lotou fai, O tupu ko alatou aga fakalialia fuli.

Oseo 6:4

Kolea e kau fai loa kiate koe, Efalaimi ? Kolea e kau fai loa kiate koe, Suta ? Ko lokoutou alofa kiate au e faipe le kokofu i le usu, Pe le sasau leia e puli vave !

Oseo 7:1

I le aso na kau loto ai ke faitoo Iselaele, Na sa loa le agaveli a Efalaimi ti mo le agaitaita a Samalia, Talie na la fai nea fakakaia : Na ulu le tagata kaia ki loto, kae na mavetevete i fafo le toega o le kau kaia.

Amosi 4:11

Na kau fakamaveuveu a nea fuli ia koutou Ofaipe Sotoma mo Komola, ala na maumaui e le Atua ; Ti na kotou faipe se ga ugaafi leia na too i le vela. Kae logo ai le nea lena, na leaise kotou toe liliu mai kiate au, e pati le Eteleno…

Amosi 7:3

Ti na fakasemala loa le Eteleno ki le nea lena. Ti na pati le Eteleno : E leaise soko loa le nea lena.

Amosi 7:6

Ti na fakasemala loa le Eteleno ki le nea lena. Ti na pati loa le Aliki, le Eteleno : E leaise soko loa le nea lena ?

Mikea 5:3

E sa loa a ia, ti e pule loa a ia i le makeke o le Eteleno, Mo le mamalu o le suafa o le Eteleno, lona Atua : Ti e lotou maua loa se nofoaga totonu, Talie e fakakololia loa a ia o kaku ki potupotu o le malama nei.

Sofoni 2:9

Koia e pati ai le Eteleno o kau tau, le Atua o Iselaele : E kau mauli ! E fai loa Moape pe Sotoma, ti mo fanau a Amone pe Komola, Ko se ganea apele i vao talatala, ko se lameni patai, ko se toafa ki lee gato ; E maumaui loa a ia e le toega o loku kakai, E maua loa latou e le toega o loku puleaga.

Mateo 23:37

Selusalemi, Selusalemi, leia e tamate ia le kau polofeta ti mo tuki fatui ia latou ala na kakau atu kiate koe, kua tua fia loku loto ke kau fakatasii au fanau ofaipe se ufa leia e fakatasii ia ona uviki i lalo o ona kapakau, kae na leaise kotou loto ki ai !

Tetelonome 29:22

Ko tautupu ka au, okoutou vosa ala e tupu ake loa i muli o koutou, mo le matapule leia e au loa mei se fenua mamao, - i le tio ki malaia mo masaki ala e tautea loa ki ai e le Eteleno le fenua leinei, i le tio ki le sufele mo le patai,

Tetelonome 29:23

mo le vela katoa o le fenua leinei, leia e leaise maua loa i ai se pulapula, mo se fua, mo se mutie leia e somo, ofaipe le tutu o Sotoma mo Komola, mo Atema mo Sepoimi, ala na maumaui e le Eteleno i lona sausau mo lona finenonofo, -

Tetelonome 32:36

E fakamaaui loa e le Eteleno lona kakai ; Kae e alofa loa a ia ki ana tagata fakasausau, Mo ka tio a ia kua oki lolatou makeke, Ti e leaise maua se tasi ke tokoi kiate ia, Ti e leaise maua se tasi ke toe fanaki a ia ki ai !

Lua tosi a Petelo 2:6

kapau na tautea e ia ki le maumau, ti na fakaliliu e ia o mugalafu a kolo o Sotoma mo Komola, o tuku laua ofaipe se fakamaoki ki tagata agasala o le temi ka au,

Suta 1:7

ti na tautea e ia ki le afi lee gato a Sotoma mo Komola ti mo kolo i tafatafa, ala na fai feauaki mo fai ia ni nea ala e fakafesagai ki le natula ofaipe laua.

Apokalipisi 11:8

Ti e tuku loa ola tino i le malae o le kolo lasi, leia e igoa fakatata ko Sotoma mo Esipito, i le ganea leia na tutuki ai i le koluse lola Aliki.

Apokalipisi 18:18

ti na lotou kalaga loa, i le tio ki le afu o lona vela : Ko le kolo fea na tatau mo le kolo lasi ?

Tuifakamaau 10:16

Ti na lotou too loa a atua kese ala na nofo mo latou kae lotou tausi loa ki le Eteleno, leia na logoi ia loa i lona loto a mamae o Iselaele.