Oseo 11:6 - Tosi Tapu

⁶ E oso loa le seleta ki olatou kolo, E tamate loa a ia, e kai e ia olatou fanakiaga, O tupu ko fakatuutuu ala na lotou fai.

Oseo 11:6 ပူးပေါင်းရင်းမြစ်များ

Pesalemo 106:39

Na lotou fakakelekele loa latou ki alatou gaoi, Na lotou faiaga loa ki alotou gaoiaga.

Pesalemo 106:43

Na saofaki loa e ia latou o tua lasi ; Kae na lotou fakasa loa lolatou agatuu i alatou manatu, Ti na lotou liliu loa o fakaaloalofa o tupu ko alatou agaveli.

Esaia 18:5

I mua o le tau o vite, i le temi leia e gato ai le somo o le vite, I le temi leia e liliu ai a se ko ni fuai vite ala e leleu, Ti e talai ai a laa ki le sele, ti e paki ai a somo, kae koti ai a lau…

Esaia 27:10

Talie kua tuu toka tasi le kolo tau, Ti kua liliu a ia ko se nofoaga kua tiaki noa mo lavaki ofaipe se toafa ; E kai mutie i ai le uviki pipi, e moe a ia i ai, ti e kai lau laakau a ia i ai.

Esaia 30:1

E pati le Eteleno : Malaia ki fanau patigataa, Ala e fai ia ni fakapapau sala mo au, Ti e fai ia ni sai sala mo loku finegalo, Ke fakalasi ai a agasala !

Esaia 9:14

(Ko le matua mo le tui fakamaau, ko le ulu a ia, Ti ko le polofeta leia e akonaki i le loi, ko le siku a ia.)

Selemia 5:17

E kai loa e le puleaga lena lau fulumeto mo lau pane ; E kai loa e ia ou vosa mo ou taineliki ; E kai loa e ia au ovi mo au pipi ; E kai loa e ia lau vite mo lau fiki ; E maumaui loa e ia ki le seleta ou kolo tau ala e ke fanaki ki ai.

Selemia 50:35

E pati le Eteleno : Ke siki le seleta ki le kau Kaletea, Ki le kakai o Papilone, mo ona pule, mo ona poto !

Tagi laulau a Selemia 2:9

Kua ogo ona matapa i le kele ; Ti na maumaui e ia mo fatifatii ona ukamea fakamaumau. Kua nofo lona sau mo ona pule i lotolotoga o atu puleaga ; e leaise koi i ai se lao. E leaise koi maua foki e le kau polofeta se nea mei le Eteleno.

Oseo 10:14

E malaga loa se maveuveu i lou kakai, Ti e maumaui loa ou kolo tau fuli, Ofaipe le maumaui e Salemane a Pete-Alepele, I le aso o le tau, Leia na takatakafi ai le tinana mo ana fanau.

Oseo 10:6

E ave loa le taulaatua ki Asilia, Ke fai ai se moliga ki le sau ko Salepe. E luma loa Efalaimi, Ti e luma loa Iselaele i ana fakatuutuu.

Oseo 13:16

E tautea loa Samalia, talie na agatuu a ia ki lona Atua. E lotou mamate loa i le seleta ; E laliki loa olatou toe liliki, Ti e paipaisi loa a manava o olatou fafine tinanae.

Oseo 4:16

O tupu kua agatuu Iselaele ofaipe se pipi fafine muli leia e leaise mafai ke fakalalata, I le lakaga nei e fagai loa a ia e le Eteleno Ofaipe se akeno i ni faisaga lalasi.

Oseo 4:17

Kua pipiki Efalaimi ki taulaatua : Tuku ai a ia.

Levitiko 26:25

E kau lagai loa se tau ki lokoutou fenua, ke tautea ai koutou, o tupu ko lakoutou motusi ia laku sai ; e kotou sosola loa ki kolo, kae e kau fakasoko loa se taumasaki veli ke kotou vilo ai ki lima o okoutou fili.

Levitiko 26:31

E kau fakaliliu loa okoutou kolo o toafa, ti e kau maumaui loa okoutou fale tapu, o tupu ke aua na kau toe sauga ki le manogi malie o okoutou kaloni.

Levitiko 26:33

E kau lagai loa se tau kia koutou ti e kau fakamavetevete loa koutou i atu puleaga : e maumaui loa lokoutou fenua, ti e lavaki loa okoutou kolo.

Amosi 6:8

Kua fakapapau le Aliki, le Eteleno, iate ia totonu ; Kua pati le Eteleno, le Atua o kau tau : E kau fakalialia ki le fia nealasi o Sakopo, Ti e kau vesia ki ona fale sau ; E kau tuku loa ki le fili le kolo mo nea fuli i loto.

Mikea 5:11

E kau motusi loa i lou lima a nea fakatemonio, Ti e leaise ke toe maua loa se tagata fai nea fakatemonio ;

Malakia 4:1

Talie ko leinei, e au le aso, Kaka ofaipe se gutuumu. Ko le kau fia nea lasi fuli mo le kau agaveli fuli e fai loa pe le penu ; E tutu loa latou e le aso leia e au, E pati le Eteleno o kau tau. E leaise toe loa ia latou se aka pe ko se taulu.

Tetelonome 28:52

E taui loa e ia a koe i kolo fuli ala e tuku atu loa kiate koe e le Eteleno, lou Atua. E lotou taui loa a koe o kaku ki le siga ki lalo o kaua makeke ala e ke mumuni ai i muli ti na ke fanaki ki ai.

Tetelonome 32:25

I fafo e tamate loa e le seleta olatou fanau, I fale e lotou mamate loa i ni malaia veli : Talie e maua loa e le mate a tagata fuli : Mei le tama tupulaga ki le taine tupulaga, Mei le toe memea ki le matua ulu sina.