Oseo 11:5 - Tosi Tapu

⁵ E leaise lotou toe liliu loa ki le fenua o Esipito ; Kae e liliu loa le Asilia ko lolatou sau, O tupu na leaise lotou loto ke toe liliu mai kiate au.

Oseo 11:5 ပူးပေါင်းရင်းမြစ်များ

Lua tosi o Sau 15:19

Na au loa a Pulu, sau o Asilia, ki le fenua ; ti na soli loa e Menaemi kia Pulu a tane paaga e kau tolu, o tupu ke tokoi ake a ia ki le fakamakeke o lona puleaga i ona lima.

Lua tosi o Sau 15:29

I le temi o Pekase, sau o Iselaele, na au loa Tikalate-Pilesele, sau o Asilia, o too Isone, mo Apele-Pete-Maaka, mo Sanoake, mo Ketesi, mo Atesoa, mo Kalaate, mo fenua o Kalilea, mo le fenua katoa o Nefetali, ti na ave popula loa e ia ona kakai ki Asilia.

Oseo 10:6

E ave loa le taulaatua ki Asilia, Ke fai ai se moliga ki le sau ko Salepe. E luma loa Efalaimi, Ti e luma loa Iselaele i ana fakatuutuu.

Oseo 5:13

E tio Efalaimi ki lona masaki, ti mo Suta ki ona lavea ; E ano Efalaimi ki Asilia, o masau ki le sau ko Salepe ; Kae e leaise mafai e le sau lena ke faitoo ia koutou, Talie e leaise maua e ia se faitoo ki okoutou lavea.

Oseo 6:1

Kotou au, tou toe liliu ki le Eteleno ! Talie na saei e ia, kae e fakamauli loa e ia tatou ; Na taai e ia, kae e sai loa e ia otou lavea.

Oseo 7:16

E leaise ko le Taualuga leia e lotou tafoki ki ai ; E lotou pikopiko ofaipe se gasau kaka. E mamate loa olatou pule i le seleta, O tupu ko le matasoka o lolatou alelo. Ko le nea lena e katai ai loa latou i Esipito.

Oseo 8:13

E lotou tamate ni manu o momoli mai kiate au, Ti e lotou kai a kanofi. E leaise maua e le Eteleno sona fiafia i ai. I le temi nei e manatui e le Eteleno lalatou agaveli, Ti e tautea loa e ia alatou agasala : E lotou toe liliu loa ki Esipito.

Oseo 9:3

E leaise lotou nonofo loa i le fenua o le Eteleno ; E toe liliu loa Efalaimi ki Esipito, Ti e lotou kai loa i Asilia ni nea kai kelekele.

Oseo 9:6

Talie ko leinei, e lotou ano o tupu ko le maumau o le fenua ; E fakatalitali loa latou e Esipito, E soli loa e Mofi ni tanuma kia latou ; Ko le nea leia e mauiga kia latou, lalatou siliva, e kai loa e vao, Ti e kava loa a vao talatala i olatou falela.

Amosi 4:11

Na kau fakamaveuveu a nea fuli ia koutou Ofaipe Sotoma mo Komola, ala na maumaui e le Atua ; Ti na kotou faipe se ga ugaafi leia na too i le vela. Kae logo ai le nea lena, na leaise kotou toe liliu mai kiate au, e pati le Eteleno…

Amosi 4:6

Ti ko au, na kau kakau atu kia koutou le oge ki okoutou kolo fuli, Le oge i le nea kai ki okoutou nofoaga fuli. Kae logo ai le nea lena, e leaise kotou toe liliu mai kiate au, e pati le Eteleno.

Amosi 5:27

Ti e kau ave loa koutou o fakapopula i muli atu o Tamaso, E pati le Eteleno, leia ko lona igoa ko le Atua o kau tau.

Tetelonome 17:16

Kae ke aua na maua loa e ia se kau osi lasi ; ti ke aua na toe fakaliliu loa e ia le kakai ki Esipito o totogi ni osi. Talie na pati le Eteleno kia koutou : Ke aua na kotou toe liliu loa i le ala lena.