Oseo 11:3 - Tosi Tapu

³ Ko au leia na takitaki ia a lakaaga o Efalaimi, Ti na too ia a ia i ona lima ; Kae na leaise lotou iloa ko au leia na faitoo ia latou.

Oseo 11:3 ပူးပေါင်းရင်းမြစ်များ

Pesalemo 107:20

Na kakau loa e ia lana folafola o fakamauli latou, Na saofaki loa e ia latou i le popoko.

Ekesote 15:26

Na pati loa a ia : Kapau e ke tokaga malie ki le leo o le Eteleno lou Atua, kapau e ke fai le nea leia e totonu ki ona mata, kapau e fakalogo lou taliga ki ana fakatotonu, kapau e ke tausi ana lao fuli, ti e leaise kau tautea loa a koe ki se masaki i masaki ala na kau tautea ki ai le kau Esipito ; talie ko au ko le Eteleno leia e fakamauli ia a koe.

Ekesote 19:4

Kua kotou tio ki le nea leia na kau fai ki Esipito, ti kua kotou tio ki laku aumai koutou ki leinei, ki oku tafa, ofaipe se akuila leia e ave ia ona uviki i aluga o ona kapakau.

Ekesote 23:25

E kotou tausi loa ki le Eteleno, lokoutou Atua, ti e tapuaki loa a ia kia koutou, e soli atu loa e ia kia koutou le nea kai mo le nea inu, ti e kau fakamamao loa le taumasaki meia koutou.

Esaia 1:2

Lagi, fakalogo mai ! Kele, fakalogo mai lou taliga ! Talie e masau le Eteleno. Na kau fagai ti na kau taupau ni fanau, Kae na lotou agatuu kiate au.

Esaia 30:26

E fai loa le malama o le masina pe leia o le laa, Ti e lasi tua fitu loa le malama o le laa (ofaipe le malama o aso e fitu), I le aso leia e sai loa e le Eteleno le lavea o lona kakai, Ti mo fakamauli loa e ia le kafo o ana fa ta.

Esaia 46:3

Kotou fakalogo mai kiate au, fale o Sakopo, Ti mo koutou fuli, toetoega o le fale o Iselaele, Koutou ala na kau too o taupau talu mei lokoutou kamataaga, Ala na kau luluku talu mei lokoutou tupu !

Esaia 63:9

I olatou mamae fuli na leaise lotou sala tokoi, Ti ko le aselo leia e nofo i mua o le Eteleno na fakamauli ia latou ; Ko ia totonu leia na totogi ia latou, i lona alofa mo lona manava alofa, Ti na fakamakeke e ia latou ti na amo e ia latou i temi fuli, i aso afea.

Selemia 30:17

Kae e kau fakamauli loa a koe, e kau sai loa ou lavea, E pati le Eteleno. Talie e lotou fakaigoa a koe le tiakina, Le Sione leia e leaise koi tokaga se tasi ki ai.

Selemia 8:22

Pe leaise maua se faitoo i Kalaate ? Pe leai se toketa ? Kolea e leaise fai ai le fakamauli o le taine o loku kakai ?

Oseo 14:4

E kau fakamauli loa Iselaele i lana agatuu, E kau alofa maoki loa kia latou ; Talie kua maliu loku sausau ia latou.

Oseo 2:8

Koia, e kau tapono loa lona ala ki ni laakau talatala ti e kau fakatuu loa i ai se kau a, o tupu ke aua na toe maua e ia ona ala.

Oseo 7:1

I le aso na kau loto ai ke faitoo Iselaele, Na sa loa le agaveli a Efalaimi ti mo le agaitaita a Samalia, Talie na la fai nea fakakaia : Na ulu le tagata kaia ki loto, kae na mavetevete i fafo le toega o le kau kaia.

Oseo 7:15

Na kau tautea latou, na kau fakamakeke olatou lima ; Kae e lotou fakakaukau le veli kiate au.

Gaoi 13:18

Ti na fagai loa e ia latou i fetuu e kau fa i le toafa ;

Tetelonome 1:31

ti mo le toafa, leia na ke tio ai ki le aga a le Eteleno, lou Atua, o amo a koe ofaipe se tagata leia e amo ia lona vosa, i le ala katoa leia na kotou fai o kaku mai ki le ganea leinei.

Tetelonome 33:27

Ko le Atua o le lee gato ko se mumuniaga, Ti e maua i lalo o ona lima lee gato se solaaga. I ou mua na kapu e ia le fili, Ti na pati a ia : ke tamate !

Tetelonome 8:2

Ke ke manatui le ala katoa leia na taki ai a koe e le Eteleno, lou Atua, i fetuu ana e kau fa i le toafa, ke fakamamae ai a koe, ti ke asiasii ai a koe, ti ke iloa ai a anoaga o lou loto, pe ke tausi loa pe leai ana folafola.