Oseo 11:10 - Tosi Tapu

¹⁰ E lotou mulimuli loa i le Eteleno, leia e gugulu loa ofaipe se laione, Talie e gugulu loa a ia, ti e fekapu mai loa a fanau mei le tai.

Oseo 11:10 ပူးပေါင်းရင်းမြစ်များ

Sopo 37:1

Kua lulu katoa loku mafu, Kua masau a ia mei lona nofoaga.

Pesalemo 119:120

E lulu loku tino i loku i kiate koe, Ti e kau i ki au fakamaauaga.

Pesalemo 2:11

Ke kotou tausi ki le Eteleno i le i, Ti ke kotou fiafia i le lulu.

Esaia 11:11

I le aso lena, e toe falo loa e le Aliki o tua lua lona lima Ke toe totogi le toetoega o lona kakai, Leia na mavetevete i Asilia mo Esipito, I Patolosi mo Etiopia, I Elame, i Sineale ti mo Amate, Ti mo atu motu o le tai.

Esaia 2:5

Fale o Sakopo, Kotou au, ti ke tou saele fakatasi i le malama o le Eteleno !

Esaia 31:4

Talie na folafola mai le Eteleno kiate au : E logo ai kua fakatasi le kau tausi ovi Ki se laione, pe ki se uviki laione leia e gugulu i lana nea kai, Talie e leaise i fua a ia ki alatou kalaga, Ti e leaise patipati fua a ia ki lolatou toka api ; E tatau foki mo le Eteleno o kau tau, e ifo loa a ia O tau i le mauga o Sione ti mo lona mauga ikiiki.

Esaia 42:13

E saele mai le Eteleno ofaipe se tagata toa, E fakasa e ia lona sausau ofaipe se tagata tau ; E siki e ia lona leo, e laku e ia ni kalaga makeke, E fakasa e ia lona makeke ki ona fili.

Esaia 49:10

E leaise lotou toe fia kai loa, ti e leaise lotou toe fia inu loa ; E leaise lotou toe mamae loa i le matagi vevela o le toafa ti mo le laa ; Talie ko leia e alofa kia latou e liliu loa ko lolatou tagata takitaki, Ti e taki loa e ia latou ki ni matapuna vai.

Esaia 64:2

I le aso na ke fai ai ni nea fakamanamana ala na leaise motou talitali ki ai, Na ke ifo mai loa, ti na sosolo loa a mauga i ou mua.

Esaia 66:2

Ko nea fuli ana, ko loku lima leia na fai ia latou, Ti ko nea fuli a aku, e pati le Eteleno. Kae ko leinei leia e tio loa ki ai oku mata : Ki leia e mamae ti mo leia e loto fakasemala maoki, Ki leia e i ki laku folafola.

Esaia 66:5

Kotou fakalogo ki le folafola a le Eteleno, Koutou ala e i ki lana folafola. Ko leinei le nea e pati ki ai okoutou fetaina, Ala e vesia kia koutou ti e fakalialia kia koutou O tupu ko loku suafa : Ke fakasa e le Eteleno lona kololia, Ti ke motou tio ki lokoutou fiafia ! Kae e lotou luma loa.

Selemia 2:2

Ano o kalaga ki taliga o Selusalemi : E folafola le Eteleno, o pati : E kau manatui lou alofa i le temi na ke ikiiki ai, Lou mamana i le temi na ke feauaki ai mo au, Leia na ke mulimuli ai iate au i le toafa, I se kele leia na leaise mauli ai se nea.

Selemia 25:30

Ti ko koe, e ke kikite loa kia latou a nea fuli ana, Ti e ke pati loa kia latou : E gugulu loa le Eteleno mei aluga ; E fakagugulu loa e ia lona leo mei lona nofoaga maokioki ; E gugulu loa a ia ki le ganea leia e tuu ai lona nofoaga ; E kalaga loa a ia ofaipe latou ala e takatakafi ia le fua o le vite i le ganea tatau vite, Ki kakai fuli o le malama nei.

Selemia 31:9

E lotou au fetagisi, ti e kau taki latou i loto malie o alatou kolekole ; E kau taki latou ki ni liua apelepele i le vai, I se ala tokamalie leia e leaise lotou sisiga ai ; Talie ko au ko se tamana ki Iselaele, Ti ko Efalaimi loku uluaki.

Selemia 33:9

E liliu loa le kolo leinei kiate au ko se nea fakatupu fiafia, mo fakatupu fakafetai, ti mo fakatupu kololia, I lotolotoga o atu puleaga fuli o le malama nei, Ala e logo loa ki le tapuakina leia e kau fai loa kia latou ; E lotou ofolele loa ti e lotou sevaia loa, I le malie katoa mo le manuia ala e kau soli loa kia latou.

Selemia 5:22

Pe leaise kotou i loa kiate au, e pati le Eteleno, Pe leaise kotou lulu loa i oku mua ? Ko au leia na soli ia le one ke fakagatogato ai le tai, Ko se koiga kua lau sekulo leia ke aua na fakalaka ai a ia ; Kapau e pale loa ona galu, kae e leaise lotou makeke ake loa ; Kapau e lotou gugulu, kae leaise lotou fakalaka loa i ai.

Selemia 50:4

I aso ana, i le temi lena, e pati le Eteleno, e toe liliu fakatasi loa fanau o Iselaele mo fanau o Suta ; E lotou saele tagi loa, Ti e lotou afa loa le Eteleno, lolatou Atua.

Selemia 7:6

Kapau e leaise kotou fakamamae le matapule, mo le toe sala matua, mo le fafine lokonui, Kapau e leaise kotou liligi le toto mea i le ganea leinei, Ti kapau e leaise kotou ano ki ni iki ake atua ke kotou malaia ai,

Selemia 7:9

Kolea ! Kaia, tukipo, tono avaga, Fakapapau loi, momoli iseso kia Paale, Tausi ki ni atua kese ala e leaise kotou iloa !…

Esekiele 26:16

E ifo loa a aliki fuli o le tai i olatou ekeekeaga fakasau, E lotou tatala loa olatou taupulupulu, Ti e lotou tuku loa olatou kofu fakamailoga ; Kae lotou kofu loa ki le i, ti e lotou tonatona loa ki le kele ; E lotou lulu loa i temi fuli, Ti e lotou ofolele lasi loa o tupu ko koe.

Oseo 3:5

I le oki o le nea lena, e toe tafoki loa a fanau o Iselaele ; e lotou afa loa le Eteleno, lolatou Atua, ti mo Tavite, lolatou sau ; ti e lotou i loa i mua o le Eteleno mo lona agamalie i temi ki muli.

Soele 3:16

Mei Sione e gugulu le Eteleno, Mei Selusalemi e logo lona leo ; Kua galulu le lagi mo le kele. Kae ko le Eteleno ko se mumuniaga ki lona kakai, Se puipuiaga ki fanau a Iselaele.

Amosi 1:2

Na pati loa a ia : Mei Sione e gugulu le Eteleno, Mei Selusalemi e fakasa e ia lona leo. E tagi laulau a lotoa a le kau tausi manu, Ti kua malo le tumutumu o le Kalemelo.

Amosi 3:4

Pe gugulu le laione i le vaomatua, Kae e leikiaise maua e ia sana nea kai ? Pe tagi le uviki laione i lona ana, Kae e leikiaise tapo e ia se manu ke kai ?

Amosi 3:8

E gugulu le laione : Ko ai e leaise i loa ? E folafola le Aliki, le Eteleno : ko ai e leaise kikite loa ?

Mikea 4:5

Talie e saele loa a kakai fuli, taki tasi i le suafa o lona atua, Ko matou, e motou saele loa i le suafa o le Eteleno, lomatou Atua, I tautupu mo tautupu, o lee gato.

Apakuki 3:16

Na kau logo… Ti na aloalofa oku tootooga. I le leo lena, e tete oku laugutu, E okioki oku ivi, Ti e lulu oku tuli : E tonu ke kau talitali fakalologo ki le aso o le mamae, Le aso leia e saele ai loa le tagata fakaveliveli ki le kakai.

Sakalia 10:10

E kau aumai loa latou mei le fenua o Esipito, Ti e kau fakatasi loa latou mei Asilia ; E kau aumai loa latou ki le fenua o Kalaate ti mo le fenua o Lipane, Ti e leaise feauga loa le fenua kia latou.

Sakalia 10:12

E kau fakamakeke loa latou i le Eteleno, Ti e lotou saele loa i lona suafa, E folafola le Eteleno.

Sakalia 8:7

Koia e folafola le Eteleno o kau tau, o pati : Ko leinei, e kau saofaki loku kakai mei le fenua o le sopoaga o le laa ti mo le fenua o le viloaga o le laa.

Soane 8:12

Na toe masau loa Sesu kia latou, o pati : Ko au ko le malama o le malama nei ; ko leia e muli mai iate au e leaise toe saele loa a ia i le fakapouli, kae e maua loa e ia le malama o le mauli.

Gaoi 24:25

Kae i le masau a Paulo ki le faitotonu, mo le oli veli, ti mo le fakamaau fakamuli, na lulu loa Felise, o pati kiate ia : Ano, kua feauga le aso nei ; ka kau toe maua loa se tasi faigamalie, ti e kau toe kalagai atu loa a koe.

Loma 8:1

Koia i le temi nei, e leaise tautea fua e tasi kia latou ala e nonofo ia Sesu-Kilisito.

Lua tosi a Petelo 2:10

tafito latou ala e makape i muli o le kanofi i se oli fakakelekele, ti e nukinuki ki le pule a le Atua. E lotou agamakeke mo loto fefeka, e leaise lotou i fuai i le lauveli ki le kau pule fakakololia o le lagi,

Apokalipisi 10:3

ti na kalaga loa a ia o leo lasi, ofaipe se gugulu o se laione. I lana kalaga, na fakagugulu loa e mana e fitu olatou leo.