Oseo 10:8 - Tosi Tapu

⁸ Ko ganea tapu o Pete-Aveni, ala na agasala ai Iselaele, e maumaui loa ; E sosomo loa le vao talatala mo le vao sukisuki i olatou aletale. E lotou pati loa ki mauga : Kotou uufi matou ! Ki mauga liliki : Kotou sosolo mai kia matou !

Oseo 10:8 ပူးပေါင်းရင်းမြစ်များ

Senesi 3:8

Ti na la logo loa ki le leo o le Eteleno Atua, leia na evaeva i le oloto i le afiafi, ti na mumuni loa le tagata mo lana avaga, o mamao i mata o le Eteleno, i loto o laakau o le oloto.

Uluaki tosi o Sau 13:2

Na kalaga loa a ia ki le aletale, o mulimuli ki le folafola a le Eteleno, ti na pati loa a ia : Aletale ! aletale ! ko leinei le folafola a le Eteleno : Ko leinei, e tupu loa se vosa i le fale o Tavite, ko lona igoa ko Sosiasi ; e tutu loa e ia i ou aluga a pelepitelo o potu taualuga ala e tutu ia i ou aluga ni kaloni, ti e tutu loa i ou aluga ni ivii tagata !

Uluaki tosi o Sau 13:34

Na fakatupu agasala le nea lena ki le fale o Selopoamo, ti ko le tupuaga lena o lona maumaui mo lona pulii i aluga o le kele.

Uluaki tosi o Sau 14:16

E tiaki loa e ia Iselaele o tupu ko agasala ala na fai e Selopoamo ti na fakaagasala ai e ia Iselaele.

Lua tosi o Sau 23:15

Ti na maumaui loa e ia le aletale leia na tuu i Petele, ti mo le ganea taualuga leia na fakatuu e Selopoamo, vosa o Nepate, leia na fakaagasalai ia Iselaele ; ti na tutu loa e ia le ganea taualuga o okioki, ti na tutu loa e ia le fakatata.

Lua tosi o Koloniko 31:1

I le oki o nea fuli ana, ko latou fuli o Iselaele, ala na nofo i ai, na ano loa ki kolo o Suta, ti na lotou maumaui loa a fakatata mo taulaatua, ti na lotou maumaui loa a ganea taualuga fuli mo aletale i Suta katoa mo Pesamino, mo Efalaimi, ti mo Manase. Ti na tasi toe liliu loa a fanau fuli o Iselaele ki lona kolo, mo lona fale.

Esaia 2:19

E ulu loa ki ana o utu, Ti mo loloto o le kele, O tupu ke lotou sao i le sausau o le Eteleno ti mo le makeke o lona agai, Mo ka tuu ake loa a ia o fakaii le malama nei.

Esaia 2:21

Kae lotou ulu loa ki mafaa o utu Ti mo pu o fatu, O tupu ke lotou sao i le sausau o le Eteleno ti mo le makeke o lona agai, Mo ka tuu ake loa a ia o fakaii le malama nei.

Esaia 32:13

I le kele o loku kakai Kua tupu a laakau talatala mo vao sukisuki, I fale fakafiafia fuli O le kolo o le fiafia.

Esaia 34:13

E tupu loa a laakau sukisuki i ona fale sau, A vao veli mo vao talatala i ona kolo tau. E liliu loa a ia ko le nofoaga o pili, Le maloloaga o lulu.

Oseo 10:2

Kua vaelua olatou loto : e lotou amo loa lona veli. E soloi loa e le Eteleno olatou aletale, ti e maumaui loa e ia olatou fakatata.

Oseo 10:5

E mamae loa le kakai o Samalia o tupu ko uviki pipi o Pete-Aveni ; E tagi loa le kakai ki le taulaatua, Ti e lulu loa ona kau pelepitelo kiate ia, Ki lona kololia, leia ka puli loa ia latou.

Oseo 10:9

Iselaele, na ke agasala talu mei aso o Kipea ! I ai na lotou tutuu loa i aluga. Na leaise kaku loa kia latou le tau ki le kau agaveli i Kipea.

Oseo 2:6

E leaise kau alofa loa ki ana fanau, talie ko ni toe vao latou o lana faiaga.

Oseo 4:13

Kua lotou fai ni failaulau i tumutumu o mauga, Kua lotou tutu le iseso i aluga o mauga liliki, I lalo o laakau lalasi, mo sene, mo popelie, mo telepate, Ala e malie olatou malu. Koia leia e faifeauaki ai okoutou taineliki, Ti e tono tagata okoutou fugao.

Oseo 4:15

Kapau kua ke faifeauaki, Iselaele, Kae ke aua na agasala a Suta ! Ke aua na kotou ano ki Kilikale, ke aua na kotou pale ki Pete-Aveni, Ti ke aua na kotou fakapapau : E mauli le Eteleno !

Oseo 5:8

Kotou pupusi le fakatagi pupusi i Kipea, Kotou pupusi le fakatagi pupusi i Lama ! Kotou fai ni kalaga i Pete-Aveni ! Tokaga ki ou muli, Pesamino !

Oseo 8:5

Na tiaki e le Eteleno lau uviki pipi, Samalia ! Kua mu loku sausau kia latou. E kaku loa ki afea lalatou fakafiti ke fakamea latou ?

Oseo 9:6

Talie ko leinei, e lotou ano o tupu ko le maumau o le fenua ; E fakatalitali loa latou e Esipito, E soli loa e Mofi ni tanuma kia latou ; Ko le nea leia e mauiga kia latou, lalatou siliva, e kai loa e vao, Ti e kava loa a vao talatala i olatou falela.

Amosi 1:5

E kau fatifatii loa a fakamaumau o Tamaso, E kau tuuti loa i Pikate-Aveni ona kakai, Ti i Pete-Eteni leia e too ia le tokotoko fakasau ; Ti e ave loa le kakai o Silia o fakapopula i Kile, e pati le Eteleno.

Amosi 3:14

I le aso leia e kau tautea ai loa Iselaele o tupu ko ana agasala, E kau taai loa a aletale o Petele ; E fatifati loa a tala o le aletale, O vivilo loa ki le kele.

Amosi 7:9

E maumaui loa a ganea taualuga o Isaake ; E maumaui loa a sagatualio o Iselaele, Ti e kau tuu loa ki aluga mo le seleta ki le fale o Selopoamo.

Amosi 8:14

E lotou fakapapau loa i le atua fakalialia o Samalia, Ti e lotou pati : Ke mauli lou Atua, Tane ! Ke mauli le ala o Pele-Sepa ! Kae e lotou vivilo loa, ti e leaise lotou toe tutuu loa ki aluga.

Mikea 1:13

Kakai o Lakisi, sai ni osi gasolo ki lau saliote ! Na ke liliu ki le taine o Sione ko se uluaki tupuaga o le agasala, Talie iate koe na maua ai a agasala a Iselaele.

Mikea 1:5

Ti ko nea fuli ana o tupu ko le agaveli a Sakopo, O tupu ko agasala o le fale o Iselaele ! Kolea le agaveli a Sakopo ? Pe leaise ko Samalia ? Koa ganea taualuga o Suta ? Pe leaise ko Selusalemi ?…

Naume 3:11

Ko koe foki, Ninive, e ke kona loa, e ke mumuni loa ; Ko koe foki, e ke afa loa se mumuniaga i le fili.

Luka 23:30

Ti e pati loa ki mauga : Kotou vivilo mai kia matou ! Ti ki mauga liliki : Taotao matou !

Tetelonome 9:21

Na kau too loa le uviki pipi, le fua o lakoutou agasala, ti na kau tutu loa a ia i le afi. Na kau fatifatii loa a ia, ti na kau tuki loa a ia o momomomo ofaipe se efu, ti na kau tiaki loa le efu lena ki le liua leia e ifo mei le mauga.

Apokalipisi 6:16

Ti na lotou pati loa ki mauga mo utu : kotou vivilo mai kia matou, o fufu matou mei mata o leia e ekeeke i le ekeekeaga fakasau, ti mei le sausau o le Akeno ;

Apokalipisi 9:6

I aso ana, e afa loa e tagata le mate, kae e leaise lotou maua loa a ia ; e lotou oli loa ke lotou mamate, kae e sola mamao loa le mate ia latou.