Oseo 10:13 - Tosi Tapu

¹³ Na kotou to le veli, na kotou utu le agaveli, Na kotou kai le fua o le loi ; Talie na ke fanaki ki lou ala, Ki le api o au tagata toa.

Oseo 10:13 ပူးပေါင်းရင်းမြစ်များ

Sopo 4:8

Kiate au, kua kau tio totonu ki ai, ko latou ala na to ia le agaveli Ti na muluki ia le agasala na toe utu ia a fua ;

Pesalemo 33:16

E leaise ko se solia toka api leia e saofaki ia le sau, Ti e leaise ko se makeke lasi leia e saofaki ia le tagata toa.

Pesalemo 52:7

Koia e maumaui ai loa a koe e le Atua o lee gato, E too loa e ia a koe, ti e ave loa e ia a koe i lou falela ; E taaki loa e ia a koe i le kele o le kau mauli. - Manava.

Pesalemo 62:10

Io, e vaiga a vosa o le tagata ! E loi a vosa o le tagata ! Ka teki latou fuli ki se fua, e lotou maamaa ake i se tukumanava.

Taagapati 1:31

E lotou kai loa ki le fua o lolatou ala, Ti e lotou makokona loa i alatou tokoi totonu,

Taagapati 12:19

E tuu o lee gato le laugutu leia e masau i le maoki, Kae e tuu le alelo loi i se ga temi noa fua.

Taagapati 13:2

E fiafia le tagata malie i le fua o lona gutu ; Kae oli le kau tagata kaka ki le veli.

Taagapati 19:5

E leaise sala tautea loa le tagata fakamaoki loi, Ti e leaise sao loa leia e fai ia ni loi.

Taagapati 22:8

Ko leia e to ia le veli e utu ia le mamae, Ti e puli loa le laakau o lona itaita.

Ekelesiasi 9:11

Na kau toe tio foki ki nea anei i le lalo laa : E leaise gato fua ki akuila e lele gasolo, ti e leaise gato fua ki le kau toa e malo i le tau, ti e leaise gato fua ki le kau poto e maua ia le pane, ti e leaise gato fua ki le kau atamai e mou koloa, ti e leaise gato fua ki le kau poto e maua ia le logologona. Talie e fakalogo a nea fuli ki le temi mo nea ala e soko.

Esaia 17:11

I lau to loa latou, na ke takatakai loa latou ki se a laakau, Ti na leaise tuvai loa lolatou se. Kae na sola loa le fuata i le temi o le fiafia : Ti na leaise maua loa se faitoo ki le mamae.

Oseo 4:2

Kae ko lauveli, mo loi, mo tukipo, mo kaia, mo tono ; Kua masani le fakamakeke, kua sosolo le tukipo.

Oseo 4:8

E lotou kai a agasala o loku kakai, E lotou oli mamae ai ki ana agaveli.

Oseo 7:3

E lotou fakafiafia le sau ki lalatou agaveli, Ti mo pule ki alatou loi.

Oseo 8:7

Talie na lotou muluki le matagi, e lotou kai loa le afa ; E leaise lotou maua loa se taulu fulumeto e tasi ; Ko le nea leia e somo ake loa e leaise maua loa i ai se falina ; Ti kapau e maua loa se falina, e kai loa a ia e le kau matapule.

Uluaki tosi a Samuele 24:14

Ofaipe le pati a le taagapati mago, e tupu le agaveli mei le kau agaveli. Kae e leaise falo loa loku lima kiate koe.