Oseo 10:12 - Tosi Tapu

¹² Kotou muluki le fakaili o mulimuli ki le faitotonu, Kotou tuuti le fulumeto o mulimuli ki le manava alofa, Kotou faala sokoutou faisaga foou ! Ko le temi leinei ke afa ai le Eteleno, O kaku ki lana saele mai, o liligi kia koutou le faitotonu.

Oseo 10:12 ပူးပေါင်းရင်းမြစ်များ

Pesalemo 105:4

Kotou afa le Eteleno mo lana tokoi, Kotou afa tuumau ona mata !

Pesalemo 72:6

E fai loa a ia pe se ua leia e ifo ki se kele na faala, Ofaipe ni ua lalasi ala e fakavai ia le ulu fenua.

Taagapati 11:18

E fai e le tagata agaveli ni koloa kaka ; Kae ko leia e muluki ia le faitotonu e maua ia se koloa maoki.

Taagapati 18:21

E maua e le alelo le pule ki le mate mo le mauli. Ko leia e alofa ki ai e kai ia loa ona fua.

Ekelesiasi 11:6

Muluki lau fakaili mei le usu, ti aua na tuku ke malolo lou lima i le afiafi ; talie e leaise ke iloa le nea leia e mauli malie loa, leinei pe ko leia, pe ko laua toka lua.

Esaia 30:23

Ti e fakato loa e le Eteleno le ua ki le pulapula leia na ke tuku ki le kele, Ti e lasi loa mo kano malie le pane leia e soli loa e le kele ; Ti e kai loa au kau manu i ni faisaga mutie lalasi, i le temi lena.

Esaia 31:1

Malaia kia latou ala e ifo ki Esipito o afa se tokoi i ai, Latou ala e fanaki ki ni osi, Ti e tui ki le lasi o saliote mo le makeke o le kau solia ekeosi, Kae e leaise lotou tio ki le Sagato o Iselaele, Ti e leaise lotou afa le Eteleno !

Esaia 32:20

Kae manuia koutou ala e muluki fakaili i tafatafa o le vai, Ti e tuku ia le pipi mo le asino ke feanoaki faitalisa !

Esaia 44:3

Talie e kau liligi loa ni vai ki le fenua kua mate i le fia inu, Ti mo ni liua ki le kele malo ; E kau liligi loa loku Laumalie ki lou sakoga, Ti mo laku tapuakina ki ou uli.

Esaia 45:8

Ke ifo a atu lagi mei aluga Ti ke tuku e ao ke sali le faitotonu ! Ke mavaa le kele, ke tupu i ai le fakamauli, Ti ke toe tupu foki i ai le faitotonu ! Ko au, le Eteleno, e kau fakatupu ia a nea ana.

Esaia 48:18

Oi, amusia ake ke ke tokaga ki aku folafola ! E ifo loa kiate koe ni tapuakina ofaipe se vaitafe, Ti e au loa kiate koe le manuia ofaipe ni galu o le tai !

Esaia 5:6

E kau tuku loa a ia ke lusa ; e leaise toe koti loa ona laa, pe toe fai loa ki ai se gaoi ; E sosomo loa a vao mo malualoi i ai ; Ti e kau fakatotonu loa ki ao, Ke aua na lotou toe fakato ia se ua ki ai.

Esaia 54:14

E fakamakeke loa a koe e le faitotonu ; Kapu iate koe le tuania, talie e leaise tonu ke i ki se nea ; Ti mo le lulu, talie e leaise fakafeofi loa a ia kiate koe.

Esaia 55:6

Kotou afa le Eteleno koi maua a ia ; Kotou fetapa kiate ia koi nofo a ia i okoutou tafa.

Selemia 50:4

I aso ana, i le temi lena, e pati le Eteleno, e toe liliu fakatasi loa fanau o Iselaele mo fanau o Suta ; E lotou saele tagi loa, Ti e lotou afa loa le Eteleno, lolatou Atua.

Esekiele 34:26

E kau fakaliliu loa latou mo potu ala e takatakai ia loku mauga taputapu ko se tapuakina ; ti e kau fakato loa le ua i lona temi totonu, ti ko se ua loa a ia o le tapuakina.

Oseo 12:6

Ko le Eteleno ko le Atua o kau tau ; Ko lona suafa ko le Eteleno.

Oseo 14:1

Iselaele, toe liliu mai ki le Eteleno, lou Atua, Talie kua ke vilo o tupu ko lau agaveli.

Oseo 6:3

Tou iloa, tou afa ke iloa le Eteleno ; Ko lana au e maoki ofaipe le au o le mafoata. E au loa a ia kia tatou ofaipe le ua, Ofaipe le ua o le temi mafana leia e fakavai ia le kele.

Oseo 8:7

Talie na lotou muluki le matagi, e lotou kai loa le afa ; E leaise lotou maua loa se taulu fulumeto e tasi ; Ko le nea leia e somo ake loa e leaise maua loa i ai se falina ; Ti kapau e maua loa se falina, e kai loa a ia e le kau matapule.

Amosi 5:15

Kotou vesia ki le veli ti kotou alofa ki le malie, Kotou fakamaau i le faitotonu ; Ti e lagi alofa loa le Eteleno, le Atua o kau tau, Ki toetoega o Sosefo.

Amosi 5:4

Talie e folafola le Eteleno ki le fale o Iselaele, o pati : Kotou afa au ! ti e kotou mauli loa !

Amosi 5:6

Kotou afa le Eteleno, ti e kotou mauli loa ! Kotou i na too e ia ofaipe se afi le fale o Sosefo, Ti na kai a ia e le afi lena, kae leai se tasi i Petele ke tamate ia le afi !

Amosi 5:8

Ko ia leia na fakatupu ia a fetuu o le Peleiate mo le Olione, Ko ia leia e fetogi ia le fakapouli o mafoata, Ko ia leia e fakaliliu ia le ao o pouli, Ko ia leia e kalagai ia a vai o le tai, Ti e fakamafola ia a ia i aluga o le kele : Ko le Eteleno ko lona igoa.

Luka 13:24

Kotou faiga ke kotou ulu i le matapa lau ikiiki. Talie e kau pati atu kia koutou, e toka api latou ala e fefai loa ke ulu, kae e leaise lotou mafai loa.

Gaoi 2:18

Io, ki aku tagata fakasausau mo aku fafine fakasausau, Iaso ana, e kau tuku loa kia latou loku Laumalie ; ti e lotou faikikite loa.

Lua tosi ki le kau Kolinto 9:10

Ko leia E soli ia se fakaili ki le tagata gaoi kele, Ti mo se pane ki lana nea kai, E soli ia loa kia koutou ti mo liuliuga ia loa kia koutou le fakaili, ti e fakalasi loa e ia a fua o akoutou gaoi malilie fuli.

Sakopo 3:18

Talie e muluki le fua o le faitotonu i le tokamalie e latou ala e afa ia le tokamalie.