Oseo 10:11 - Tosi Tapu

¹¹ Ko Efalaimi ko se uviki pipi fafine na fakalalata, kae e oli ke takatakafi ia le fulumeto, Kae e kau fakafeofi loa ki lona ua fulumalie ; E kau sai loa le saliote kia Efalaimi, e fakamaluu loa e Suta le kele, e fakatokatoka loa e Sakopo le kele.

Oseo 10:11 ပူးပေါင်းရင်းမြစ်များ

Esaia 28:24

Ko leia e laga ia le kele ke to ai le pulapula, pe laga a ia o lee gato ? Pe fakamavaa ti mo fakamaluu e ia le kele o lee gato ?

Selemia 28:14

Talie e folafola le Eteleno o kau tau, le Atua o Iselaele : Kua kau teki se amo ukamea ki ua o puleaga fuli ana, ke lotou popula kia Nepukatenesale, sau o Papilone, ti e lotou popula loa kiate ia ; e kau soli foki kiate ia a manu o le vao.

Selemia 46:20

Ko Esipito ko se uviki pipi fafine fulumalie ai… E au le tagata maumau mei le potu noleto, e kaku mai a ia…

Selemia 50:11

Io, kotou nonofo i le fiafia, mo le nekenekea, Koutou ala na maumaui ia loku tofiga ! Io, kotou soposopo ofaipe se uviki pipi fafine i le mutie, Kotou tagi ofaipe ni osi itaita !

Oseo 11:4

Na kau takitaki fakaeteete latou, ki ni maea o le alofa. Na kau fai kia latou pe se tamana leia e luluku ia lona toe o fakapipiki ki lona kalaafau. Ti na kau tonatona i ona tafa o fagai a ia.

Oseo 2:5

Talie ka leai, e kau fakatelefua loa a ia, ti e kau tuku loa a ia pe le aso leia na fanaui ai a ia, ti e kau fakaliliu loa a ia o tatau mo se toafa, mo se kele kaka, ti e kau tuku loa a ia ke mate i le fia inu.

Oseo 3:1

Na pati mai loa le Eteleno kiate au : Toe ano, o alofa ki se fafine leia e alofa ki ai se tasi ake tagata, ti e tono tagata ki ai ; ke ke alofa kiate ia ofaipe le alofa o le Eteleno ki fanau o Iselaele, ala kua maliu ki ni atua kese ti kua manako ki kato fuai vite.

Oseo 4:16

O tupu kua agatuu Iselaele ofaipe se pipi fafine muli leia e leaise mafai ke fakalalata, I le lakaga nei e fagai loa a ia e le Eteleno Ofaipe se akeno i ni faisaga lalasi.

Oseo 9:1

Iselaele, aua na ke tuku a koe ki le fiafia, ki nekenekea, ofaipe la ake kakai. Talie kua ke tiaki le Eteleno i lau faiaga ; T alie kua ke alofa ki se totogi kelekele i ganea fuli ala e sasa ai le fulumeto !

Mikea 4:13

Taine o Sione, tuu ki aluga, ti ke takatakafi ! E kau fai loa kiate koe se tala ukamea mo ni matininia sila, Ti e ke gugu loa ni kakai mauke ; E ke fakatapu loa alatou nea malilie ki le Eteleno, Olatou koloa ki le Aliki o le malama nei katoa.

Loma 16:18

Talie e leaise fakasausau a faasiga tagata ana kia Kilisito lotatou Aliki, kae e lotou fakasausau ki olotou manava totonu ; ti i ni masau malulu mo fakalapulapu, e lotou fakasese a loto o latou ala e faigaofie.

Tetelonome 25:4

Ke aua na ke nonoa loa le gutu o lau pipi tagata i lana takatakafi le fulumeto.